ايه الموقف اللى غير حاجات كتير فى حياتك؟؟؟

كل واحد فينا مرت عليه مواقف كتير فيه منها اللى بيتنسى بعدها بدقيقة ومنها اللى بياخد ساعه
ومنها اللى بياخد اسبوع ومنها اللى يياخد شهر ومنها اللى بياخد اكتر من كده
بس اكيد كل واحد فينا ليه موقف مش بينساه ودايما ادام عينه ودايما يتعلم منه
يا ترى ايه الموقف او المواقف اللى غيرت مجرى حياتك ؟
ايه الموقف اللى بتحمد ربنا عليه لانه غيرك كتير؟
مستنى ردود حضراتكم عشان كلنا نتعلم ونستفيد من تجارب بعض .

انا حصلي موقف كدا ومش حقولة معلش طبعا بس عجبني التوبيك وحبات انى اشارك فية

بس خلانى الموقف دا مش امان لحد بسهولة او اثق فية

معلش بئا

تقبل راي ومروري

شكرا لمروركم
انا شايف ان مفيش حد ذكر مواقف
بس انا هحكى موقف
اقسم بالله حصل
فى اثناء الحرب الاخيرة على غزة كنت بذاكر وزهقت شوية من المذاكرة قلت اغير جو
وكنا حوالى الساعه 3 بالليل المهم قمت فتحت التى فى وقلت اشوف اخر الاخبار
وكنت بشوف قناة الاقصى كانت بتنقل الاحداث مباشرة
المهم كان فى الوقت ده فيه غارة اسرائيلية بالطيران على احد المنازل
وفى لحظة المنزل اشتعل بالنار وبجد مش قادر اوصف النار كان شكلها ايه
واللى فهمت من صياح الناس ان البيت فيه اطفال وبيحاولوا ينقظوهم قبل ما النار تاكلهم
واقسم بالله اللى هقوله ده حصل وربنا شاهد على كلامى
من وسط النار دى طلع حمامتين لونهم ابيض من قلب البيت ومن وسط النار
وفى الظروف دى كان الناس بيطفوا النار بشتى الطرق مفيش فايدة
وفجأة الدنيا مطرت مطر شديد والله ما شوفت مطر بالشكل ده قبل اليوم ده
وفى 10 دقايق كان النار رماد
والله ده حصل قدام عينى والله لو حد بيحكيلى كنت اشك فى الكلام
انما انا شوفته بعينى وعلى الهواء مباشرة
ومن الموقف ده اتعلمت ازاى اثق فى ربنا
اتعلمت ازاى اكون متفائل
ومن يومها وانا نسيت كلمة التشاؤم خالص
اللهم انصر الاسلام واعز المسلمين

ف مواقف كتير اكيد بتمر علينا وبنتعلم منها

وبتغير فينا بس انا اخر حاجه غيرت فيا موضوع دينى قريته

فى منتدى بتهيا لى غير فيا حاجات

وخلينى اراجع نفسى ف حاجات اكتر

تسلم لطرح الموضوع