تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بصراحه يا جماعه موضوع عجبنى وقولت اجيبه

بس للاسف بيعبر على اللى احنا فيه

للاسف الشديد لقد اصبحنا الان شباب فااااااااااضي , شباب كل همه البنت الحلوة و الطقم الشيك و الموبايل الجامد و الشعر المجلجل و شكرااا , و السبب ان احنا بعدنا عن ديننا و نسينا قرآننا و نسينا ان احنا عرب و نسينا ان احنا كنا ملوك الارض نسينا اننا كنا ماسكين العالم من الصين شرقا حتي الهند غربا و من ايران شمالا حتي اثيوبيا جنوبا , نسينا الاندلس ونسينا الرسول صلي الله عليه وسلم والمتاعب اللي شافها عشان احنا نبقي مسلمين بجد وللاسف احنا بنرد الجميل دلوقتي , احنا فين؟ سؤال مش عارفله اجابة يا تري هو ده اخرنا و هو دة طموحنا ؟ للاسف احنا مش حاسين بالكارثة اللي احنا فيها , دلوقتي درامتنا و سينيمتنا بتقدم لينا السم القاتل لشبابنا زي فيلم بالالوان الطبيعية و كلمني شكرا دكان شحاته وكتير اوي وده العادي بتاعنا , دلوقتي الطالب اليهودي بيذاكر 16 ساعة في اليوم و احنا بنذاكر علي ما تفرج , دلوقتي الغرب بيعمل ويكتشف و احنا محلك سر , تفتكروا ايه اللي مانعنا نشتغل ونتقدم , طبعا كتير هايقول يا عم دي الحكومة تييييييييت والمناهج تييييت وتيييييت والعيشة زي الزفت, تفتكروا لازم نستسلم و نحط ايدينا علي خدنا؟؟ , يا جماعة احنا شباب زي الفل و احنا احسن من غيرنا بكتيييييير وصدقوني احنا في ايدينا سلاح قوي جدا و هو القرآن , لازم نقرب من ربنا اكتر مش لازم نقول البلد كلها بايظة يعني هي هاتيجي علينا؟ والله يا جماعة لو كل واحد ابتدي بنفسه هانتغير بجد , كفاية معصية كفاية ذنوب كفاية كفاية كفاية , وصدقوني الزمن الطيب جاااااااااااااي...

وزى ما قولت منقول ونفسنا نعمل بيه كلنا

والله بجد بجد كلامك صح يا hika
وياريت كل الشباب تعمل بيه
علشان مفيش حد عارف قيمة مصر ديه والله

مشكوره ملك وعندك حق

بس انا مقصدش مصر بس انا اقصد كل العرب

تمام قوى الكلام ده ومعاك حق في الكلام كله

بس الكلام ده مش من دلوقتى او مش من فترة قصيرة يعنى

دا من زمان قوى واحنا كده

سواء كان في مصر ولا في اى مكان تانى عربي

وزى ما قلت عشان بعدنا عن ربنا ونسينا روحنا

وقسينا على الى معانا حتى اقرب الناس لينا

واللى احنا فيه ده من فشل وتدهور وضياع دا عقاب من ربنا

عاللى احنا بنعمله

واللى فيه الغرب مهو شئ اساسي

ناس واخده بالها من شغلها وبتديه حقه صح

وقت الجد جد ووقت اللعب لعب

بتبص لغيرها وبتاخد منه الايجابيات مش زينا

نمسك في الهايفه

ناخد قصه فيلم

نقتبس سيناريو

نقلد واحد

ونقلد حفله اتعملت

فالحين

نثور ونموت في بعض عشان فيلم او كام مقاله اتكتبت

وناسيين حاجات كتير قوى ناقصانا

بس دا الطبيعي

منتا في المحروسه

وماتنساش تسلملي عالمحروس

تسلم ايديك هيما

توبيك جميل

موضوع يتكلم في قضيه من اكبر قضايا العصر

واحنا للاسف اصبحنا بنتكلم بس

احنا احسن ناس تتكلم لكن عند الجد بننسي كل كلامنا

اتمني نعمل به ونستغل وقتنا صح

شكرا علي مجهودك hika

vagner

عندك حق يا اسلام فى اللى قولته

الغرب اسلام من غير مسلمين لكن عندنا مسلمين من غير اسلام

فيها ايه يعنى لما كل واحد يعرف شغله ايه ويعمله بكل ضمير ساعتها مش هتلاقى طوابير فى اى حته

wantedman

ادينا بنحاول ويارب كل واحد يعرف ايه المطلوب منه ويعمله بس اهم حاجه الضمير

ومشكورين لارائكم ومروركم

هو دا الحااااااااااال فعلا

واحلى حاجه فينا (ف العرب يعنى )

البق

يعنى كلام ف كلام كلام
زى ماقال وانتد ماااان

وزى ماقال اسلام التقدم اللى فيه الغرب دا هما يستحقوه فعلا
لانهم بيشتغلو بجد وبيتعبوا بجد

انما احنا وابتداء بى انا شخصيا
الاسبوعين بتوع الامتحانات دول بيعدو علينا بقرف وعنكنه وبيعدوا كانهم سنه
كل دا علشان بنمسك ورقتين تلاته
تلخيص للماده بنذاكرهم

امال لو الماده كامله بقى هنعمل ايه

بجد ياجماعه المفروض اننا نفوق
لان مفيش حد بينفع حد تانى
او بيقف جانبه الا وكان ليه مصلحه تانيه ف المقابل

انا مش هتكلم تانى
لاننا بتكلم كتير قووووووووى قووووووووووى

وجه وفت التنفيذ

ولكن بقى لى كلمه شكر لصاحب ذلك الموضوع

تحياتى اليك ابراهيم
وتسلم لانك نبهتنا لحاجه احنا بتناساها او بنتجاهلها مع انها وللاسف حقيقه مره

تحياتى ....

بجد عندك حق كل واحد يغلط بيعلق غلطه على
شماعه الزمن وكله بيرمى المسئوليه على غيره
ومفيش حد مرة فكر ان يواجه الزمن
تقبل مرورىhika

younis

عندك حق

احنا شعب بوق لوك لوك لوك لوك

بس المشكله مش فى كده

زى مابتقول الامتحانات وقرفها وده كله لانك فى الاصل مش بتحب كليتك ولا بتحب تخصصك ولا قابل نظام التعليم اصلا انما لو حاجه بتحبها اكيد هتتميز فيها وتكون كويس فيها وتفيد غيرك كمان

همسة عتاب

مش المهم نواجه الزمن لان الزمن ماعملناش حاجه احنا اللى عملنا فى نفسنا كده

المهم نواجه نفسنا وكل واحد اكيد جواه حاجه غلط وياريت كل واحد يشوف ايه الغلط اللى عنده ويبتدى يصلحه ونبتدى بنفسنا الاول

ومشكورين لمروركم

أحيك هيكا على ردودك لا على الموضوع

لأن الموضوع أنته ناقله
هههههههههههههههههههههههههه

وبجد كلام كل الأعضاء مظبوط

وكلام يونس فعلا ردى عليك زى ما هيكا قال لأنك مش فاهم الكلام الى مطلوب منك تذاكره
ولا عارف حيفيدك بأيه
ولا حد من الدكاتره طلب مننا مره مشروع نعمله على شركه مثلا مبتدئه تطبق الدوره المحاسبيه عليها أزاى
ولا كان فى مشروع تخرج من أساسه

ودا طبعا للنظام الفااااااااااااااااااااااااااااااااشل

ودى حاجه معروفه

أخيرا أحب أختم بأيه " ان الله لا يغير ما بقوم حتى يغيروا ما بأنفسهم "صدق الله العظيم

تحياتى هيكا على الموضوع

تقبل مرورى

ماشى ياعم احمد مقبوله منك

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

وبعدين فى اللى احنا فيه