كيف تشعر لو علمت أن فلانة تتمناك زوجاً????

اولا يا ملكه احب احييكى ع الموضوع الجميل ده

ثانيا ردا على سؤالك اذا كانت هتصغر فى عينى او لأ فهو اكيد لأ لان مش عيب ان البنت تعبر عن مشاعرها تجاه اللى بتحبه او تحاول انها تلفت نظره طالما فى حدود الادب

واذا جت واحده قالتلى انا معجبه بيك او اتمناك زوجا ساعتها يرجع الرد لحاجيتن
اول حاجه هى فعلا تنفع زوجه ليا من ناحية اخلاقها وادبها وتدينها ولا لأ
وتانى حاجه شعورى ناحيتها ايه ياترى انا حاسس ناحيتها بنفس المشاعر التى تكنها لى ولا لأ

واذا توافر الشرطين دول مفيش مانع من الارتباط بيها ولو ماتحققش واحد منهم اعتقد الاجابة تكون لأ ولكن طبعا هتتقال باسلوب كويس واقولها انتى زى اختى والكلام ده

وتقبلى مرورى

تحياتى أختى على الموضوع

موضوع قد يحدث كثير فى حياتنا
لكنه لم يحدث معى لكن سأرد من وجهة نظرى المتواضعه
أولا أنا أتفق مع هيكا وشيماء

بالفعل لو بنت صارحة شاب بمشاعرها بتسقط من نظره فى المقدمه وتسقط من نظر الناس

وأيضا حق مشروع لها أن تتمنى شاب ترى فيه من الحنكة والتدين والأخلاق الحميده والقدره على تحمل المسئوليه ما يجعلها تتمنى من قلبها أن يكون هو بعلها

فقلوبنا ليست ملكا لنا لا نتحكم فى مشاعرنا تجاه من حولنا

ولكن يجب أن نتوقف هنا للحظه

فهنا نقف عند أخطر مرحله

فالفتاه معجبه بذلك الشاب

كيف يمكنها أن تترجم هذا الأعجاب المدفون فى أعماق قلبها
لفعل

أرى أن هذا هو الذى يفرق بين فتاه وأخرى

الفتاه عزيزه غاليه جوهره مكنونه يسعى كل الشباب للحصول عليها

فلا يجب أن تهين نفسها وتكسر حاجز خجلها لتذهب لشاب قد يكون لا يشعر بها

لتردد كلمات حب وأعجاب قد يصعب على البنت قولها لما لديها من صفاتها
وأهمها الخجل الذى هو أجمل ما فيها وجهها المحمر وعينها التى تنظر فى الأرض

هذا أجمل منظر ترى فيه الفتاه وهى تتوارى خجلا

لكن تستطيع أن تعبر بطريقه أو بأخرى عما بداخلها

بالنظرات بالأهتمام الذائد بالحديث مع صديقه مقربه جدا لتحاول أن تلمح له عنها

أن تدعى ربها أن يرزقها أياه وأن يحببها اليه

وتحرص على تقربها لربها وتبتعد عن أى علاقه محرمة
فأى طريق غير الطريق الصحيح نهايته أليمه فهو طريق مظلم ملئ بالعقبات

وفى النهايه أقول لها <عسى أن تكرهوا شيأ وهو خير لكم وعسى أن تحبوا شيأ وهو شر لكم والله يعلم وأنتم لا تعلمون>

أخوتى ضعوا هذه الأيه نصب أعينكم فى جميع أمور حياتكم
فوالله لتجدوا راحة فى قلبكم لا توصف
وأعلموا أن ما أخطأك ما كان ليصيبك وما أصابك ما كان ليخطأك

قد يكون هذا الشاب التى تراه من منظورها المتواضع شر لها ولكن لا يعلم الا الله

لذلك أجعل قلبك ملئ بالرضا عن الله فى كل أمورك فلا تعلم ما هو خير لك

أعتذر عن الأطاله
وتحياتى أختى مرة أخرى على الموضوع

وأحى هيكا وشيماء على رأيهم

تقبلوا مرورى

بجد ردود رائعه

وشكرا ملكة للتوبيك المثير للنقاش



بالنسبه ليا فالمشكله مش حيكون فيها هى

هى حتكون فيا انا انى لو حسيت انى اعجبت بيها وحقدر احبها

وميكونش داه على حسابها هى او انى اضحك على تفسى

واظلمها واقول هى اللى جات وكده

لازم سكون فى تركيز فى المشاعر ويحالو انو يبعد

بعد مايقولها ويخبرها انو مش حاسس بأى مشاعر تجاهها

تقبلو راى

شكرا حوداااا وشيماء على مروركم الجميل

تحياتى للجميع

اقتباس :

بس انا بشكر احمد على رايه الاكثر من رائع كلماتك غايه فى الدقه واجابتك منطقيه جدا
وطبعا اكيد ربنا هو اللى يعرف الخير لينا فين
تقبلوا مرورى وتحياتى

تحياتى شيماء على المجامله الرقيقه دى

مشكوره أختى

قطعا ربنا وحده يعلم الخير من الشر بس كتير مش عنده يقين فى كده

موضوع رائع ملكه

احيكي على اختياره

وبشكر اخواتى اللى ردوا


بتفق مع جينيص في ان البنت اللى بتعترف بمشاعرها ف البدايه بتسقط من نظر الانسان اللى اعترفتلو والناس

بس دي مشاعر ومحدش يقدر يتحكم فيها

مش عارف على اى اساس الناس بتحكم بكده

مهو الشاب بيروح يقول للبنت بردو فيها اية ولا هنرجع تانى لزمن الجدود وان في فرق بين البنت والولد

مفيش حاجة اسمها فرق بين البنت والولد

حتى لو في فرق مش هيبقا فى الحاجة دى

دى مشاعر واحاسيس

بس مش كل اللى يقدر


لو حصل الموقف ده معايا

هيبقى صعب انى ارد بسرعه

خصوصا لو من حد انا اعرفه كويس

والله لو مرتبط اكيد هيبقى الاجابه لا
واشرحلها واعرفها انى مرتبط

لو مش مرتبط
هنقف شوية هنا

هيبقا الخوف كل الخوف بعد كده انها ممكن تزعل او تقطع العلاقه بعد كده لو كان الرد بالرفض

ومش هينفع عشان مش تزعل انى اجاوب واقول ايوة

بس على قد ما قادر لا اظلم نفسي ولا اظلمها
احترم مشاعرها واحترم اللى قالته وادى لنفسي فرصه افكر في الكلام الى اتقال
عشان اى كلام هقوله او اى قرار هاخده بعد كده هيتحسب عليا ومش هينفع ارجع فيه

لو احتارت وخلاص مش قادر احدد قرار

استخير ربنا

ولو ربنا كاتب النصيب معاها خلاص