تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

موضوع: كرامتنا فين الخميس 07 يناير 2010, 11:11 pm

انت حاسس ان ليك كرامه كمواطن مصرى وسط المجتمع الدولى

انا عارف اجابتك ايه

والدليل على كده الاحداث اللى حصلت مؤخرا واللى اثبتت لكل واحد فينا انه مالوش كرامه

بداية من احداث السودان والجماهير الجزائريه واللى عملته فينا وكله جعجع ساعتها وقعدنا نتكلم فى الموضوع ده بالاسابيع وبعد كده ايه اللى حصل ............. ياريت لو حد سمع حاجه يقولهالى يمكن انا مابسمعش ولا حاجه

ومؤخرا من يومين مقتل جندى ع الحدود ومن مين ياخوانا من عربى زيه ومقصوده ومحدش يقوللى دى رصاصه طائشه وفكرنى بعادل امام لما قال لو كان غريب كنا نقول مايعرفناش ولا يعرف عوايدنا انما تجيلك من القريب

وايه اللى حصل ............... ولا حياة لمن تنادى
وكل اللى سمعناه نحن ناسف لما حدث وهذه قله والكلام اللى انتوا عارفينه ده

يبقى ماتجيش تستغرب لما تكون فى مطار فى اى دوله غير عربيه وجمبك واحد امريكى بيتعامل بشياكه ويتقاله سعادة الباشا كرسى يابنى للباشا هنا وانت واقف جنبه ويبصلك من فوق لتحت ويبص فى الباسبور بتاع حضرتك ويقولك انت مصرى سيادتك تضحك ومبسوط ويقولك يعنى الاهرامات والحضاره والنيل وانت تضحك اكتر وفجأه تلاقيه قلب حواجبه ويزعق ويقول قلعووووووووووه

وفتشوه وبهدلوه ده مالوش لازمه

وده فكرنى بمحمد هنيدى لما بيقول امريكا دى كبيره اللى يغلط تلبه على طول

وتيجى تقوله ده انتم بتيجوا عندنا ونعمل معاكم احلى واجب يقولك ده غصب عنك ياحبيبى

تروح انت متغاظ وتقول زى محمد صبحى ما قال ماشى ابقى تعالى عندنا واحنا نفرجك ع الجمل ونركبك الهرم

وطبعا البركه فى الاداره المصرية اللى جايبه لنا حقوقنا

ده خارجيا يا معلم

تعالى شوف بقى داخليا

مش محتاجه كلام طبعا

مش حاسس بنفسك طبعا وياسلام لما تحب تخلص ورقه من اى مصلحه بتزل كرامتك للى يسوا واللى مايسواش عشان عايز امضاء او ختم

وماينفعش تخلص اى حاجه الا اذا كان عندك واسطه

والله انا ليا واحد صاحبى قدم فى الكليه الحربيه وعدى فى كل الاختيارات لكن مادخلهاش والسبب بسيط ومعروف ياخوانا

وهو الواسطه

ولما تعرف تخلص حاجه من غير واسطه ساعتها اقدر اقولك انت كده ليك كرامه

ياعم الشعب ده ليه ربنا بس

عرفت بقى عندك كرامه ولا لأ

معلش انا طولت وخدت الموضوع بفكاهه شويه بس كان لازم اعمل كده لان الشعب هاينفجر

اكيد عندى كرامه انت بتقول في ايه
اكييييييييييييييييييييييييييييييييييييييد عندنا كرامه
تسلم هيكا على الموضوع الجميل ده

تسلم ايديك ياهيكا توبيك جامد جدا
تقبل مرورى

تحياتى أخى على الموضوع
تقبل مرورى

للاسف احنا بندور على كرمتنا بره

طيب ازاى وهى منهانه هنا فى مصر

واخرها حادثه المركب الى فى راشيد

وموضوع الجزاير ده لعبه من حكومتك

علشان تلهى الراى العام على احداث غزه

والى بيحصل فيها

انت تعرف ايه اخر اخبار مجلس الشعب عندنا

وايه الشتيمه وسب الدين من قبل الوزير المبجل بطرس غالى

ومن عضو مجلس الشعب الوكر لا اذكر اسمه

طيب ازاى تقولى ندور على كرمتنا بره

وبعدين على فكره المصرى الشهيد الى قتل داخل مصر وداخل الحدود

قتل من قبل المصرين ايضا

هذا الذى قامت ومصر وتحدثت عنه فى كل وسائل الاعلان

واما عن اقتحام القوات الاسرائيله الحدود المصريه لا نسمع خبر

عن مقتل رجال الحدود كل يوم لا نسمع

قال رسول الله صلى الله عليه وسلم

لعن الله الفتنه ومن ايقاظها

من فضلك اخى لا توقظ الفتنه بين العرب

ولا كرامه الا بالاسلام

موضوع: رد: كرامتنا فين الجمعة 08 يناير 2010, 3:09 am

هى
بقى فيها كرامه
ماكل شىء راح

لا والله يا جماعه الكرامه موجوده
ولكن الشى الذى فقدناه هو القدره على المحافظه على الكرامه

كرامتك موجوده يا انسان

لان لو كرامتك راحت ولا اتجرحت

اكيد انت مش حتسكت

هيكا الموضوع رائع

دُمت بخير

مشكووووووووورين يا احلى اعضاء على المرور الرائع

وبعدين انا ماقولتش احنا ماعندناش كرامه

انا قولت مش حاسين بيها

وبعدين فتنة ايه اللى انا عايز ايقظها انا مش شايف فتنه فى الموضوع

وياريت توضحلى

موضوع: رد: كرامتنا فين السبت 09 يناير 2010, 12:55 am

بداية من احداث السودان والجماهير
الجزائريه واللى عملته فينا وكله جعجع ساعتها وقعدنا نتكلم فى الموضوع ده
بالاسابيع وبعد كده ايه اللى حصل ............. ياريت لو حد سمع حاجه
يقولهالى يمكن انا مابسمعش ولا حاجه

ومؤخرا
من يومين مقتل جندى ع الحدود ومن مين ياخوانا من عربى زيه ومقصوده ومحدش
يقوللى دى رصاصه طائشه وفكرنى بعادل امام لما قال لو كان غريب كنا نقول
مايعرفناش ولا يعرف عوايدنا انما تجيلك من القريب

اخى الكريم

تكفى هذه الكلمات

انا اتكلم معاك على اساس اخ لاخوه

وقال الرسول الكريم

الدين النصيحه

موضوع: رد: كرامتنا فين السبت 09 يناير 2010, 11:08 am

اولا اتكلم زى ما انت عايز وشرف ليا انك تكون اخويا

ثانيا انا برضه مش شايف فتنه فى الموضوع دى احداث حصلت لينا وبنقول راينا فيها واللى خلانا نتكلم ان حقنا مارجعلناش وبعدين انا مش بتكلم فى امور دينيه مثلا زى العلاقه بين المسيحيين والمسلمين وبعدين العلاقه دى مش محتاجه كلام مننا واحنا كويسين مع بعض

بس انا برضه عند اعتراضى على كلمة فتنه دى وياريت لو حد من الاعضاء شايف برضه انها فتنه يقول يمكن انا غلطان

» لازم نعمل حاجه عشان كرامتنا

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

كرامتنا فين