تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

لكل عضو .. صوت .. لابد أن يسمع ..

ونحن كأخوة .. هنا .. في منتديات كلية تجارة

من واجبنا .. أن نستمع لبعضنا ..!
[ندعوك للتسجيل في المنتدى أو التعريف بنفسك لمعاينة هذه الصورة]

+ ومن هذا المنطلق +

برزت فكرة " مايك المنتدى "..

لذا .. سيحق .. في كل يومين لعضو واحد فقط

أن يتملك المايك .. ويفصح من خلاله .. عما يريد قوله ..!

قواعد المايك ..

1) للعضو + صاحب المايك + :

لك أن تقول ما يحلو لك .. ( تعرفنا بنفسك - مواقف حدثت معك - مقال من كتابتك - قصيده لك - صور .. ) ..

او لك ان تجمعهم كلهم

ولكن الأهم أن تبدي رأيك اولا في المنتدى

ثانياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلهم ..

فشعارنا هنا ..

[ندعوك للتسجيل في المنتدى أو التعريف بنفسك لمعاينة هذه الصورة]

[size=21]2) للأعضاء..

عدم مقاطعة العضو بالردود " يعني .. ممنوع أي أحد يرد ..
على الموضوع .. قبل مايقول

العضو اللي معه المايك .. (( انتهيت .. الان المجال لكم ايها الاعضاء ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط كما ذكرت سابقا .

[ندعوك للتسجيل في المنتدى أو التعريف بنفسك لمعاينة هذه الصورة]

ملاحظة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا

والى ان نرى ارائكم الجميله .. ونختار العضو

نراكم قريبا

[ندعوك للتسجيل في المنتدى أو التعريف بنفسك لمعاينة هذه الصورة]
[/size]

نورت الميك يا هيكا

ويلا مين قدك

ميك بيدك

وبعدين بقى

انا كل ما اخش على موضوع اتدبس فيه على فكره وانا كنت بتجنب المواضيع دى

بس ياللا مش مشكله

هاعديها المره دى عشان خاطر همسه بس

استنونى بقى

بس بمزاجى ومحدش يستعجلنى

منتظرينك ياهيكااااااااااا

يلا يا هيكا منتظرينك

السلام عليكم ورحمة الله وبركاته

معلش بقى استحملونى شويه اليومين دول هاعمل ايه بس

اختى الصغيره دبستنى فى الموضوع ده ياللا امرى لله بقى

ما علينا

على حسب قوانين المايك لازم اقول رايى فى المنتدى وفى الاعضاء

واظن ان المنتدى او الاعضاء لو مش عاجبينى مكنتش هاقعد فيه ثانيه واحده

المنتدى ده هو الوحيد اللى متفاعل معاه وكل اعضاءه بحبهم اوى ولو كنت فى يوم زعلت حد منى اقوله ياريت مايزعلش

وكان اول تعارف ليا مع المنتدى كانت نتيجة سنه ثالثه تقريبا والحمد لله نجحت

بس بصراحه قعدت فتره كبيره كانى مش موجود بالظبط لكن بعد كده لقيت نفسى واحده واحده بدخل عالم المنتدى واتعرف على الاعضاء اللى فيه وعرفت احمد الجينيس ع المنتدى

ومابقيتش اقدر اتخلى عنه اصلا وطول ما انا قاعد ع النت لازم اكون فى المنتدى مش فى حته تانيه

والدليل على كده انى لما فكرت انسحب من المنتدى قبل كده ماقدرتش استنى وعملت اكونت تانى خالص ودخلت بيه عشان اعرف اخر اخباره ايه بس ان شاء الله مش هاتتكرر تانى ومهما حصل هافضل موجود فيه واللى مش عاجبه يتفلق واللى مش عايزنى هنا يشوف هو حته تانيه يقعد فيها

ده رايى فى المنتدى فاضل الاعضاء استنونى بقى انا قولت بمزاجى لو كان عاجبكم يعنى

ورجعنا تانى ونقول الو

دلوقتى بقى جه معاد الاعضاء ومش عارف ابتدى بمين بصراحه

بالبنات ولا الشباب

بصوا عشان ما ابقاش منافق هابتدى بالبنات

طبعا فيه اعضاء هنا بنات طبعا ناس محترمه جدا وكويسه اوى وطيبه للغايه وهابتدى بولاد بلدى

eman2010 - cooky

وفيه طبعا نيرو وهمسة عتاب والعيون الساحره ( خطيبتى ههههه ) وملك روحى البريئه دى
وروان الشقيه والجديده ع المنتدى عاليه

نيجى بقى للشباب ومفيش احسن منهم طبعا

ولازم وحتما ولا بد نبتدى بحودا مدير المنتدى وحبيب قلبى وطبعا فيه احمد نسيت انساك ويونس واسلام فاجنر وسيادة اللواء عبد الله واحمد الجينيس وسيد ونتدمان واحمد الشيخ والواد فداء الصداع ده وماتركس وابو ساره والواد مادى

ويارب ما اكون نسيت حد

واستنونى تانى

ورجعنا تانى معاكم

ودلوقتى مع فقرة البرنامج كلمنا عن نفسك

بص ياسيدى

انا اسمى ابراهيم

عندى 22 سنه وشهر و18 يوم

ومن كفر الدوار ومخلص كلية تجاره والشغل جاى فى السكه ان شاء الله

هواياتى متمثله فى الرسم والنت واللعب مع الاطفال وساعات لعب الكوره

اكتر حاجه بحبها فى حياتى الاطفال بنسى نفسى معاهم واقعد العب معاهم لدرجة ان لو فيه ناس قاعده ساعتها بيبصولى باستغراب بس عادى ولا تفرق معايا

ومره كنت انا وصحابى فى البحر فلقيت بنت صغيره قاعده تلعب فى الرمله ومش عارفه تعمل حفره عشان تملاها ميه فسبت صحابى خالص وقعدت ساعدتها لحد ما عملت الحفره ومليتها ميه معاها واتعرفت عليها وبقت صاحبتى كمان

انا عارف ان فيه ناس هتقرا الكلام ده وتقول عليا عبيط بس زى ماقولتلكم مابتفرقش معايا

وطبعا عايزين تعرفوا مواقف حصلت معايا هو فيه حاجات كتير حصلت معايا ومع صحابى بس انا هاقول موقف واحد بس دلوقتى

مره واحنا مروحين انا وزمايلى ورايحين نركب القطر قولنا نتمشى لحد المحطه وكنت انا واربعه من صحابى وكان منهم الجينيص طبعا المهم قعدنا نتمشى بس مش من الطريق الرئيسى اتمشينا فى البلد من جوه بنخرم يعنى المهم وصلنا لحد المزلقان اللى قبل المحطه على طول وقولنا بدل ما نلف نمشى الخطوتبن دول ع السكه الحديد لحد مانوصل للمحطه المهم مشينا ويادوبك لسه طالعين ع المحطه لقينا حاجه غريبه كده طلعتلنا

واحد طول بعرض ومعاه خرزانه فى ايده اطول منه عرفنا انه مخبر بعد كده لاقينا اتحول كده وقالنا خد يابنى انت وهو تعالوا معايا طبعا احنا بصينا لبعض وحاجات وقعت فى ركبنا المهم مشينا معاه وراح مدخلنا النقطه بتاعت المحطه ولقينا ظابط قاعد واحنا مش عارفين احنا عملنا ايه اصلا وبعدين لقينا الظابط بيقولنا اهلا منورين انتم هايتعملكم محضر

طبعا فيه موسيقى تصويريه دخلت فى النص وكده وكلنا اتصدمنا وقعدنا نتهته مح مح محضر ايه احنا عملنا ايه

راح الظابط منجعس اوى كده وقال محضر عبور شريط !!!!!!

قولناله ايه ؟ يعنى ايه عبور شريط اصلا قال عشان مشيتوا من ع السكه الحديد

يا سلااااااااام شوفتم قد ايه بلدنا منظمه المهم

الظابط ده كان بيعاملنا زى متهمين بالظبط وراح جايب لكل واحد ورقه وقال كل واحد يمضى هنا فطبعا مارضيناش نمضى غير لما نعرف احنا بنمضى على ايه قالنا امضى يابنى انت وهو فلقيناها غرامه بعشرة جنيه هتبقى تتبعت ع البيت وندفعها ولحد دلوقتى بقالنا حوالى 4 سنين ولا حاجه وصلت انتم عارفين بقى الروتين

بس خرجت انا وصحابى وطول الوقت قاعدين نضحك على منظرنا واحنا جوه وكل واحد يقول للتانى انت كنت خايف كده ليه يابنى شكلك كان تحفه وقعدنا نضحك لحد ما وصلنا البيت

عشان تبقى اخر مره ومش عايز اكتب تانى فاضل تقريبا حكاية الشعر والقصايد وكده

بصوا انا مليش فى الحاجات دى ولا بقرا شعر ولا حاجه بس فيه نوعيه من الكتب بقراها زى المقالات الساخره والكتب اللى بتناقش المشاكل الاجتماعيه باسلوب ساخر

وبحب اقرا لعبد الوهاب مطاوع بتاع بريد الاهرام وعندى كتابين ليه واحد اسمه نهر الحياه والتانى اسمه قالت الايام ودول عباره عن تجميع لبعض المشاكل وحلولها وبستفيد منها اوى لانى اكيد بتعلم منها لان ممكن يحصل اى موقف من دول معايا ولازم اعرف هاتصرف ازاى فيه

بحب اسمع افلام كوميدى وفنتازيا ورعب انما الرومانسيه دى حسب الظروف بقى

انا كده خلصت معلش طولت عليكم بس اعمل ايه بقى استحملونى

السلام عليكم ورحمة الله وبركاته

تسلم ايدك يا هيكا

عاليومين دول

مع اننا كنا عايزين منك حاجات اكتر

بس اموقف حلو اوي
بس ليه بس سابوكم

هههههههههههههههههههههههههههه

والله ضحكتنى يا هيكا

دا مين دا أنته الى بيحب الأطفال

الله يرحم لما البت الصغيره شتمتك من رزالتك عليها

ماشى يا هيكا

على فكره هيكا مرمى جنبى اهه

وقاعد أقر أ بصوت عالى ونتريق عليه أنا وزمايلى

سلامى للجميع شباب والبنات

كلامك جميل جدااا ياهيكا
بس ليه الاختصارات ديه انا كده ولا حاجه من الى كنت عاوزة اعرفها
عرفتها يعنى تدبستى طلعت على الفاضى
بس ده ميمنعش ان الموقف كميل جدااااااااااااا تسلم

nero

اخس عليكى كنتى عايزانى ابقى سوابق ولا ايه

الفتى الحائر

انت يابنى هاتفضل كده على طول تقول نص الكلام بس

وبعد ماعملت كده ايه اللى حصل بعديها مش راحت جابتلى اندومى وبسكوت وجايت صحابها وقعدنا مع بعض خليك حقانى مره واحده فى حياتك

همسة عتاب

مش عارف ايه اللى انتوا عايزين تعرفوه تانى ماكل حاجه قدامكم اهى ده انتوا حاجه غريبه بجد

يومين قميلين خالص ياهيكا
والموقف هههههههههههههه جامد موت
بس اليوم مختصر موت

يومين رائعين هيكا كنت منور
والموقف جامد اوى
ههههههههههههه

ياسلام ياعمو هيكا

ايه الحلويات دى كلها

ادب ساخر واطفال وبحر ومحضر تعدى

ههههههههههههههههههههههههههههههههه

بجد ميه ميه ياريس

يومين حلوين اوى يا هيكا

والموقف جامد اووووووى

هههههههههههههه

بجد رائع جدا يا هيكا

تسلم ايدك

ايه ياعم المواقف ديه كلها

والظابط لما قولك عبور شريط

يبقى عبور شريط

ههههههههههههههههه

العيون الساحره

الاجمل مرورك ياعيون بس مختصر ازاى بس كل حاجه موجوده اهى

ملك روحى

شكلك فرحانه فيا ياملك عشان اتحبست مش كده
ههههههه

younis

ايه رايك ياعم احنا ناس مش سهله برضه وسوابق

نورتنى

امير بكلمتى

مش قولتلك يابنى خليك فى جيشك

ههههههههههههه

منورنى والله ياعبد الله

sokr7oda

حاضر يا افندم

محسسنى انى عبرت حدود اسرائيل ده شريط ياعم وبيسف كمان

منور ياكبير

جميلة اوى الفكره

sheva_Ac

فكرة ايه اللى جميله يابنى

انت كنت فى غيبوبه ولا ايه

روق كده واهدى واشرب بوق ميه ونام تانى

هههههههههه

دلوقتى بقى المفروض انى اختار حد

وبجد احترت جدا لانى لو اخترت اعضاء قدام اكيد معظمهم دخل قبل كده واشترك فى المايك

قولت اخلينى فى الجديد

واخترت عضوتنا الجديده

alia

ياللا يا عاليه ادوشينا

قصدى سمعينا

hika كتب:: sheva_Ac

فكرة ايه اللى جميله يابنى

انت كنت فى غيبوبه ولا ايه

روق كده واهدى واشرب بوق ميه ونام تانى

هههههههههه

لا انا على فكره بشجع النوم المتصل

يومين حلوين هيكا
بس متقلقش الغرامه حتوصلك كمان عشر سنين هههههههه

اسف حبيبى هيكا موش شفت التوبيك غير دلوقتى
كان نفسى اشوفك وانت ادام الظابط كده والعرق يتصصبب والموسيقى شغاله الله ينور
ههههههههههههههههههههههههههههههه
ياله يا عليا مين قدك المايك بيدك

عاليه

يالا بقى

صدعينا

قصدى

متعينا

ومين قدك المايك بيدك

يلا يا عاليه

منتظرينك

مين قدك ميك بيدك

alia

لما توصل الغرامه هاقولك عشان تدفعيها انتى

خلاص اتفقنا

italiano

ولا يهمك ياحبيبى

بس مش للدرجه دى يعنى عرق وكده انا كنت ثابت برضه عيب عليك

» مايك المنتدى .........
» تم فتح باب الاشراف على الأقسام
» لكل اعضاء المنتدى
» المنتدى كالانسان ... كيف؟
» من هو اول شخص لفت انتباهك في المنتدى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

مايك المنتدى .........