مايك المنتدى .........

السلام عليكم ورحمه الله وبركاته

لقد اسعدنى كثيرا ان اتملك المايك ليومين لاحكى لكم وابوح بما يمتلئ به صدرى من حب لكم وللمنتدى

واتمنى من الله عز وجل ان اكون ضيف خفيف الظل عليكم

اولا يتوجب عليا ابداء رايى فى هذا المكان

لا اخفى عليكم سرا على مدى تعلقى بهذا المكان واظن ان الكثير منكم يلاحظ ذلك

ان مدى تعلقى بهذا المكان كبير جدا ولكن فى البدايه احب ان اوضح لكم كيف دخلت ذلك المكان انا لا اخفى عليكم سرا ان فى بدايه تعرفى على هذا المكان
اننى كنت لا اتعامل معه الا على سبيل المصلحه بمعنى ادق كنت استفيد منه ولا اعطيه بمعنى اننى كنت اتملك منه المحاضرات اتابع اخبار النتيجه وما الى ذلك
فى الماضى كان شات المنتدى متاح للجميع بمعنى ان اى شخص كان يستطيع الدخول على الشات وكانت هذه نقطه تحولى على المنتدى لما كنت المسه من حب وموده واحترام بين الاعضاء وما كان للحوار بينهم من متعه خاصه فبدات انجذب الى المنتدى اكثر واكثر فبعد ان كنت متصفحا للمنتدى من اواخر شهر 12/2008
قمت بالتسجيل فى المنتدى بتاريخ 13/4/2009

وبدات رحلتى فى هذا البيت

وبدء تعلقى بهذا المكان وبدات اتعرف على اصدقاء هم الاغلى فى قلبى الان
ولا اخفى عليكم سرا اننى اتخذت فى فتره معينه قرار بعدم دخول المنتدى مره اخرى وتركت موضوع بذلك ولكن حدث ما لم يكن متوقع منى اننى فى صباح اليوم التالى مباشره اخدتنى يداى الى المنتدى وكان عقلى ناسى لكل ما حدث فى الليله الماضيه فادركت فى ذلك الوقت اننى لا استطيع البعد عن هذا المكان وان كان هذا الموقف اعطى انطباع لبعض الاعضاء عنى اننى لا احترم كلمتى ولكن احب اوضح للجميع ان حبى لهذا المكان لا استطيع ان اخفيه او ابتعد عنه مهما حدث وكان هذا هو رايئ فى بيتى الثانى

منتدى كليه التجاره بدمنهور

انتظرونى للحديث بقيه ان كان فى العمر بقيه

وعدنــــــــــ مع مايك المنتدى ومع العضو احمد ـــــــــــــا

واتينا الى الجزء الاصعب من شروط المايك الا وهو ابداء رايئ فى اعضاء المنتدى

ولكن هذا الشرط لا يقلقنى فى شئ لان الجميع لى اخوه هنا انا اقول لكم اخوه كل ما تحمله الكلمه من معانى لانى هنا حزنت ومن ساعدنى ى حزنى اخوتى هنا وهنا فرحت ومن فرح لفرحى اخوتى هنا وهنا تضايقت ومن استحمل ضيقى وغيظى اخوتى

فانا اتشرف بان تكونوا لى اخوه واتشرف ان اكون لكم اخ

ناتى للاعضاء واامل من الله ان لاتخوننى ذاكرتى حتى لا يحزن منى احد بعدم ذكر اسمه

ولكن الجميع لى اخوه هنا

اخواتى اللى ربنا يشهد انى بحبهم وبحترمهم ان كانوا اعضاء ام عضوات

الفرعون الصغير
اسير هواك
امير بكلمتى اللى ربنا يوفقه ويسهل له الحال

الفارس الحزين

عاشقه الصمت
العيون الساحره
ملكه الاحزان
بنت البحيره

سندريلا
همس الامواج
ساسو
ساندى

كوكى
زهره الحب

يارب مكنش نسيت حد

وانتظرونى مع البقيه ان كان فى العمر بقيه

ورجعت لكم تانى مع مايك المنتدى
احب اعرفكم بنفسى

وراجع لكم تانى
استنونى

ورجعت لكم تانى مع مايك المنتدى

فى يوم من ذات الايام كان عندى امتحان للى ربنا يكرمها اللى اسمها نشوى وطبعا هى غنيه عن التعريف واخوكم كان عنده ماده تخلف وتانى يوم امتحان نشوى فتعمل ايه يا عم احمد رحت لواحد صاحبى الصيدليه قلت الحوار من هنا لحد هنا وتدينى حاجه علشان افضل صاحى علشان اذاكر قال لى ماشى قال لى حديك حبايه تصحيك وتفوقك ومش تخليك تحس انك عايز تنام خالص قلت له حبيبى المهم دخل وادانى الحبايه وروحت على البيت اكلت واخدت الحبايه هههههههههههههههههههههههههههه
اللى ربنا ينتقم منه ادانى منوم بدل ما يصحينى بس بصراحه هو اقسم لى انه ادهالى غلط المهم نام يا عم احمد من 9 بالليل لحد الساعه 9 ونصف الصبح تانى يوم لحد ما والدتى جات تصحينى وتقول لى انت مش ناوى تروح الامتحان ولا ايه قلت لها اه انا قايم اذاكر اعمليلى انتى يا ست الكل كبايه شاى وانا حقوم اغسل وشى علشان اذاكر قالت لى تذاكر ايه دى الساعه داخله على 10 وامتحانك باقى عليه اقل من ساعتين قلت لها يالهووووووى هو الصبح طلع ولا ايه المهم اخدت القرار الصعب ورحت الامتحان بس واحدى صاحبى الله يمسيه بالخير اسمه شريف نقلنى الامتحان كله وجبت فيها جيد

موقف تانى حصل من واحد صاحبنا ندل معانا فيه جامد قوى

فى يوم الوقفه احنا متوعدين نسهر مع بعض وبنعمل عشا وكلام من ده فواحد صاحبنا نزل يجيب الطلبات واحنا بقا اشتغلناه وكل شويه نكلمه معرفش اللى يقول له هات معاك سجاير واللى يقول له هات معاك حاجه ساقعه واللى يقول له هات كارت شحن واللى يقول له هات لب
فالواد اتخنق ياعينى فيعمل ايه اخد الفلوس واخد نفسه وطلع على دمنهور اتعشى وظبط نفسه ودخل سينما وكل ده وقفل تليفونه ونفض لنا خالص واحنا قلنا الواد مات ولا حاجه فعلى الساعه 3 الصبح لقيناه جى زى الملاك البرئ وقال انتوا اللى اضطرتونى اعمل كده بس متزعلوش انا جبت لكم الاكل لقيناه جايب لنا عيش وجبنه طبعا احنا اتصدمنا من الموقف ومكناش بنفكر فى حاجه غير قلقنا عليه وخوفنا اننا نتصل بيه فى البيت المهم اتفتحنا فى عاصفه من الضحك الهستيرى وبعدين ما خلصنا قعدنا نضرب فيه وادى موقف من اصحابى بس الحمد لله بنحب بعض قوى ومش بنستحمل على بعض حاجه خالص

وخدوا الموقف ده مره كنت على الفيس بوك فلقيت مكتوب لو عايز تشتغل واحد صاحبك خد موبايله وغير اسمك لاسم الشبكه اللى انت فيها وصاحبك فيها وابعت له رساله فيها انه كسب 3000 دقيقه مجانا وعملتها فى واحد صاحبى والواد ياعينى مكنش مصدق نفسه المهم انى كنت مرسى اصحابى على الحوار كله وكل واحد يقول يا احمد هات اتكلم والواد ياعينى غلبان خدوا ياجدعان فرح العمده بقا فانا مقدرتش امسك نفسى من الضحك بقيت بضحك ضحك هستيرى وهو يقول لى انت بتضحك ليه وانا مش قادر اتكلم من الضحك واقول له انى عامل فيك مقلب المهم شك اخد موبايلى ورن على نفسه لقانى مسجل عنده باسم موبينيل واخدت ضرب فى الليله دى بس كان موقف جامد

ودى بعض من المواقف المضحكه اللى حصلت فى حياتى

والان اترك لكم المجال اعزائى الكرام