الدين راح فين؟وهل بناتنا حاليا منافقات؟

أشكرك أخى على النقاش
اولا التعميم مرفوض
سواء بنت او شاب
اذا كانت فى بنات متبرجة يوجد بنات متحجبة
واذا كانت فى بنات متحجبة وبتكلم شباب
فى بردة بنات متحجبة ومش بتكلم شباب

آنت قلت في العنوآن الدين رآح فيــن ؟؟

أاعترض عن هذا العنوان
الحمد الله دين موجود واحنا بس الا بعدنا عنة
وكل الا بيحصل دة من علامات الساعة
لبنات دلوقتي نادر لما تلاقي واحدة ملتزمة و لابسة

الزي الإسلامي.

الحمد الله اخى الان نسبة الحجاب زادت اوى بفضل من الله وبارك الله فى الشيخ محمود المصرى بمشروع القضاء على التبرج
بفضل تحجبت الاف من بنات

فهل بنات الأمة هذه الأيام في الدرك الأسفل؟
اخى لاتنسى ان امة سيدنا محمد افضل امة
لايصح ان نقول بنات الامة فى النار او فى الجنة
الله وحدة عالم الغيب يعلم من فى الجنة ومن فى النار
ويعلم مافى النفوس
ولا يجب ان نحدد ان شخص ددة مثلا هيدخل جنة فى اعتقادك ان بيعمل عمل صالح

وربنا يهدى بنات وشباب المسلمين
تقبل مرورى

فعلا ياملكة اتفق معاكى فى هذا الراى

ومشكور يأحمد لمجهوداتك

اولا العنوان غلط مثل ماقالت ملكة المفروض نقول احنا ضيعنا دين فين مش دين راح
مش معنى اى واحدة محجبة واقفت مع شاب تبقى منافقة
النفاق انك تعمل حاجة وتعمل حاجة تانية من جواك
على سبيل مثال لم بنت بتتصلى عشان الناس بس يقول ان هى بتصلى تبقى كدة منافقة
مش بتعمل لاخلاص لله
وانا شايفة من وجهة نظرى ان البنت لم تاخد من زميلها محاضرات على سبيل المثال مش بيبقى نفاق محدش يعرف وعلى حسب نية كل شخص جواة
ولم بنت تكون محجبة ولابس زى اسلامى واقفة مع زميلها اعتقد ان هى كدة مش بتفتنه
بالعكس هى كدة محترمة نفسها من قبل ماتحترمه
انت بتقول المنافقين هيدخل النار واكتر بنات دلوقتى منافقين
عرفت منين وحكمت منين
والتعميم غلط والبنات فقط كمان
واية ضمنك ان كلهم منافقين
وحكمت عليهم كلهم انهم هيدخل النار
وانت بقى عرفت انك هتدخل الجنة
دة لو كافر ماتقولش ان الكافر هيدخل النار

السلام عليكم
المحجبه الى بتقف مع شباب
لا أرى فيها أى شبهة نفاق
النفاق نوعان أخى الكريم
نفاق أعتقادى وهو أن يظهر الأيمان ويبطن الكفر وهو مخرج من المله
نفاق عملى لا يخرج عن المله ولكنه خطر على المسلم وهو نفاق السلوك وأظنك تقصده
الأخت الملتزمه بالزى الأسلامى لها أجرها على حرصها أن تعف جسدها من أعين الناس
أما وقوفها مع الشباب فعليها وزر بما تفعله بما يخالف الشريعه ولا علاقه له بالنفاق لأنها تقف معهم على مسمع من الناس فلا نفاق فى ذلك
فليس معنى ألتزامها بالزى الأسلامى أنها ملك لا ذنوب لها
فهناك منا من يحافظ على الصلوات وصيام النوافل لكنه يعتاد فعل ذنب معين مثلا هذا ليس معناه أنه منافق

أما حجاب النساء الكاسيات العاريات
فهو كارثه بكل المقايس ولا أرى أن له علاقه بالنفاق
فقد ورد فيهن حديثا صحيحا أنهن لا يدخلون الجنه ولا يجدون من ريحها
ليس الحجاب مقتصر على هذا الشئ الذى يوضع على الرأس أنما سمى الحجاب لأنه يحجب لا يصف ولا يشف
نرى فى هذه الأيام أن الفتاه تسير متحجبه من رأسها فقط أما باقى لبسها لا علاقه بينه وبين الحجاب ولا حول ولا قوة الا بالله
مصيبة العرى أشد من الحجاب وأن نادى البعض بأن الحجاب فريضه
نعم الحجاب فريضه وأنما أى حجاب
أذكر حديث القس الأمريكى الذى أسلم
كان قد عاد الى مصر بعد غياب عشرة أعوام
فسؤل عن التغير الذى لاحظه فقال
من عشر سنوات كانت النساء نوعان أخت ملتزمه بالزى الأسلامى وأخرى غير ملتزمه
أما الأن فقد أختلط الأمر لم نعد نعرف الملتزمه من غيرها
نعم أخوانى قد ضل الكثير من بناتنا الطريق وتيه بهم فى بحور من الظلمات
وأختلطت عليهم أمور دينهم
ولكن أقول كما قال رسول الله <صلى الله عليه وسلم>
الحلال بين والحرام بين
أخى الفاضل أذا رأيت أختك الملتزمه بزيها تخالط الرجال فأدعى لها بالهدايه
وأذا رأيت فتاه كاسيه عاريه .............فأدعى لها بالهدايه
وأعلم أخى الفاضل أنك أذا رأيت المنافق لن تعرفه والا لما سمى المنافق
وأحذر أن ترمى المحصنات الغافلات المؤمنات فتبوء بأثم عظيم
النفاق لا يقتصر على بنات أو شباب
فعبد الله ابن أبى أبن سلول رأس النفاق
كان أبنه من الصحابه وقد صلى عليه الرسول وهو منافق
وجاء ولده الى الرسول يطلب منه أحدى ردائيه ليكفن أبيه فيه فأعطاه الرسول ردائه
وأستغفر له رسول الله
حتى نزلت الأيه على رسول الله أن تستغفر لهم سبعين مره فلن يغفر الله لهم
وقال حينها رسول الله لو أعلم أنه أذا زدت عن السبعين لغفر الله لهم لفعلت

أختى صاحبة أول مشاركه أسمحى لى
لن أتوقف سوى عند الكافر لا نستطيع أن نقول أنه فى النار
لا أختى نستطيعفمن نزلت فيهم أيه صريحه فهم فى النار
ومن جاهر بالكفر فهم فى النار بالأستناد على القرأن والسنه
لا يجوز أن نكفر مسلم ولا نتهمه بالنفاق اذا لم يظهر منه شئ يدل على ذلك
أما من نطق بالكفر متعمدا وليس جاهلا فهو فى النار الا أن يتوب الله عليه

أعتذر كثيرا للأطاله
تحياتى أخى

اولا
معلش ياجماعه بلاش كلام فى حكاية النار والجنه دى لان مفيش حد يعلمها غير الله عز وجل

ثانيا
انا شايف العكس فى حكاية التبرج دى
لو حد يفتكر ايام زمان اوى او كنت سمعت من حد حكالك ان زمان ماكنش فيه وعى بالدين زى اليومين دول يعنى قليل اوى لو شوفت واحده محجبه لان ماكنش فيه فضائيات زى دلوقتى تعرفنا الصح من الغلط كشباب وبنات وربنا يكتر منها لانها خير لينا كلنا ومرشد لينا فى وسط الضلمه اللى احنا فيها اليومين دول
لكن لو بصيت دلوقتى هتلاقى بسم الله ما شاء الله البنات عندها وعى ومعظمهم عارف الصح من الغلط وعارفين دينهم كويس وحجابهم زى الاسلام ما قال
لكن فى اى مجتمع لازم يكون في كده وكده فيه الصح والغلط
ولازم نركز ع الجانب الصح وندعمه ونوسع نطاقه
واحنا والحمد لله من وجهة نظرى شايف ان الصح اكثر شويه من الغلط بل اكثر بكثير
وتقبل وجهة نظرى ومرورى