كفاح .....نجاح
أنا شخصياً اعتقدت أن مخترع برنامج الهوتميل أمريكى طبعاً عارفين المظاهر بتخدع لكن فرحت جداً لما قرأت فى مقال ووجدت إنه شاب مسلم من الهند اسمه "صابر باتيا"
في عام 1988 قدم صابر إلى أمريكا للدراسة في جامعة ستنافورد وقد تخرج بامتياز مما أهله للعمل مبرمجاً لدي إحدي شركات الإنترنت ،
أى شاب عادى طموحه بينتهى عند الوظيفة لكن صابر كان له نصيب من اسمه وكان طموح جدا . المهم تعرف على شاب تخرج من نفس الجامعة وكان معه فى العمل دار بينهم حوارات كثيرة عن كيفية تأسيس شركتهما للحاق بركب الانترنت وكانت هذه المناقشات تتم خلال الدائرة المغلقة الخاصة بالشركة التى يعملان بها وكان هذا ممنوع وحذرهم رئيسهم من استعمال هذه الخدمة مجدداً لغرض المناقشات الخاصة
كان نصب عينيه هدف وهو "اختراع برنامج خاص لكل فرد وآمن ويكون سرى ايضاً " مهم جدا تحديد الهدف انا عاوز اعمل ايه بالظبط ؟؟
تمكن بالفعل من عمل البرنامج واخرجه للجماهير عام 1996 وبسرعة البرق انتشر البرنامج بين مستخدمى الانترنت حتى اصبح عدد المستخدمين فى أول عام عشرة ملايين
هنا ظهر" بيل جيتس" – رئيس شركة ميكروسوفت – وأغنى رجل فى العالم وعرض على "صابر" فى عام 1997 مبلغ 50 مليون ( فى أيام الرُخص ) غير أن صابر ادرك اهمية البرنامج وطلب 500 مليون وبعد مفاوضات وافق صابر على بيع البرنامج بمبلغ 400 مليون دولار
مع العلم انه ينتسب إلى الهوتميل كل يوم 3000 مستخدم عبر الانترنت
انا كتبت الموضوع ده لان القدوة هى اسرع طريق للتربية واسهل طريق لتطوير الذات انا عن نفسى استفادت كتير لما قرأته وحبيت أفيد إخوانى وأخواتى خصوصا الذين ما زالوا طلبة أقول لهم اتقن عملك " المذاكرة "
لانها هى بداية حياتك علشان متندمش عليها بعدبن
طبعا الكلام ده بقوله لنفسى قبلكم لانى واحد منكم لأن الناس اللى بتنجح دى مش من عالم تانى لكن الفرق انهم صبروا واخدوا الموضوع بجد وطوروا نفسهم وكانوا هما التغيير
علشان ميبقاش دمى تقيل بقول السلام عليكم ورحمة الله وبركاته
يارب يكون فى استفادة من الموضوع ده ..آمين
موضوع: احنا كمان نقدر والله 
