ايه الاهم عندك انك تثبت نفسك ولا تحافظ على اصحابك

--------------------------------------------------------------------------------

موضوعنا النهاردة بيتكلم عن اصحابنا واراءنا
ياترى تقدر تتخلى عن اصحابك عشان رأيك مختلف معاهم؟
ياترى تقدر تقتنع لو رأيك غلط؟
ياترى هتقدر تجيب حل وسط عشان ماتخسرش صاحبك ولا رأيك؟
ياترى هتقدرتقنع اللى قدامك برأيك؟
ياترى اول ماتشوف اى موقف او رأى من اصحابك بتفكر ان فى الاول والاخر انتوا اصحاب قبل اى شئ تانى ولا رأيك اهم حاجة؟
الاول يا جماعة انا عايز اقولكم اللى اتقالنا من واحنا صغيرين وحفظينه ((الاختلاف فى الرأى لا يفسد للود قضية))
اننا نختلف فى الرأى دة حاجة واننا نحارب اصحابنا ونضايق منهم دة حاجة تانية
لو انى اختلفت مع صاحبى لازم الاول قبل اى شئ اراجع نفسى والمراجعة دى عن طريق سؤال اكتر من شخص غيرى اكبر واصغر واعقل واجن منى المهم انى اعرف الاراء والثقافات كلها عشان اقدر اعرف اية الصح من الغلط
وبعد ماعرف
اذا كنت صح اعرف ازاى اقنع اصحابى برأى وازاى اتعامل معاهم من غير زعل بينا وازاى اتعامل معاهم بعد الموضوع مايخلص
واذا كنت غلط لازم اقتنع برأيهم واقولهم ايوة انتو صح وانا كنت غلطان مافيهاش اى عيب لأننا فى الاول والاخر هنتبع الصح مش كلام الاصحاب
فى ناس بقى بتعتبر انها بالشكل دة تبقى تابع بالعكس انت تابع للحق مش لكلام الاصحاب يعنى لو كانوا غلط انت كنت هتقف وتقول لأ انا مش مقتنع بس لازم تكون انت اللى صح
واعرف ان اهم حاجة فى الدنيا الاصحاب من اول اختيارهم مرورا بالتعامل معاهم والاختلاف معاهم ولعلمك الاختلاف دة يخليك تعرف حاجات اكتر وتقدر تفهم احسن من الاول
يبقى لازم تقدر الصحوبية دى وماتخليش اى حاجة تفرق بينكم بالعكس لازم تخلى الاختلاف دة سبب فى قربك منه اكتر
عايز اراءكم كلكم عشان اقدر اكمل الموضوع
مستنى الردود
_________________

شكرا على الموضوع يا جانا نقطه مهمه
وانا من راى ان مش من الصحبويه ان صحبك يكون ماشى وراك فى كل حاجه صح وغلط
لازم طبعا تتعارضوا مع بعض بس بدون ما نخسر بعض
ده مهما كان اختلاف فى نقاش فى الراى
وكمان مش عيب ان الواحد ان الواحد بالغلط بالعكس العيب انه يضحك على نفسه ويمشى فى طريق مش صحيح
واسف للاطاله

شكرا لمرورك يا رجب

مرسى يا عبد لله على مرورك

شكرا ليكى يا جانا موضوع هائل

انا راى بصراحهان الصاحب اللى بجد دا المفروض ميبقاش زى اى انسان انا اعرفه
وكمان المفروض ميبقاش فى حاجه اسمها انى انفذ رائ او صاحبى هوا اللى ينفذ رايه مادام فيه صداقه بج يبقى طبيعى ان احنا الاتنين راينا واحد ولو فيه اختلاف فى الراى هنقعد مع بعض لحد منخلى الراى ده واحد

شكرا ليكى مره تانيه يا جانا ع التوبيك ده

ميرسي جانا علي التوبيك
انا رائي ان الانسان بطبيعته طماع طاب ليه مش يستغل النقطه دي في حاجه مفيده بمعني انه يحاول يجمع الاتنين مع بعض مش يختار حاجه ويندم انه فقد التانيه والانسان الزكي يقدر يجمع بينهم من غير اي مشاكل

شكرا جانا عالموضوع
وأنا بالنسبة لي باختار صحابي من البداية كويس أوى وبعد كدة نتقبل أى حاجة حد يعملها في التاني