تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

في هذا الحب نجد فتاه وشاب

الفتاه: دائماً تطمح وكل طوحاتها الزواج من الشاب الذي تحب
الشاب: بما انه يحب الفتاه بصدق وجنون لا يطمح بزواج بها

سوف تتسالون لماذا انا كتبت او تكلمت عن الشاب بهذا الصفات انا سوف اجاوب

لانه متمسك بشعار (( البنت التي تكلمني سوف تكلم غيري ))
وانا اتكلم عن بعض الشباب او بالاحره كثير من الشباب

هنا السؤال : فهل من توضيح النقطه هذي وبكل صراحه دون مبالغه ونحن نتكلم بجديه

الشىء الثانى:

انت ايها الشاب هل نسيت تضحيه البنت إليك ؟

هل نسيت بان عاداتنا وتقاليدنا المتمسكين بها تمنع الفتاه ان تتكلم مع شاب لا تعرفه ومع ذالك فهي تضحي من اجلك؟

هل فكرت ماذا يحل بالفتاه لو اكتشف امرها؟

هل نسيت كل هذا وتمسكت بشعارك الذي للاسف غير منطقي

((البنت التي تكلمني سوف تكلم غيري))

انا حظى حلو النهارده يا ملكه عشان اول واحد يرد على مواضيعك الشيقه دى

انا من وجهة نظرى المتواضعه ان ده يعتمد اساسا على شخصية وصفة البنت وطبيعة واخلاق الشاب
البنت لو كويسه مش حتكلم شخص تانى انما لو مش كويسه اكيد حتتكلم مع ده وتهزر مع ده
والشاب اللى اخلاقه كويسه حيتاكد منها انما الشخص اللى اخلاقه مش كويسه اكيد حيشك ومش حيبقى واثق ولازم تتوافر الثقه بينهم وبين بعض

تحياتى لكى يا ملكه وننتظر المزيد

وتقبلى مرورى

[ندعوك للتسجيل في المنتدى أو التعريف بنفسك لمعاينة هذا الرابط]
شكر اخى على تشريفك وردك وننتظر اراء الاعضاء الاخرين

على فكره يا ملكه فعلا الكلام ده بيحصل بس للاسف ان الغلط هنا مبيكونش من الشاب بس او البنت بس هما الاتنين يكونوا غلطانين
وانا اظن ان لو الشاب قال كده يبقى الموضوع اساسا مبنى على غلط
بس المشكله هنا فعلا ان البنت هيا اللى بتتاذى جامد اما حكايه ان البنت اللى بتكلمنى تكلم غيرى فده ان دل على حاجه فبيدل ان الشاب ده ندل وده تهرب من الوعود اللى وعدها للبنت بسبب ومعلش فى التعبير
سبب اهبل اوى .

with my best wishes

للاسف يا ملكه الشاب اللي يعمل كده يبقي بيتسلي مش اكتر
وعمره ما هيعمل كده غير مع واحده هو متأكد انها كلمت وصاحبت غيره قبله
يعني هو متأكد انها كلمت غيره دا مش مجرد اعتقاد
والنوع ده اصلا لا يعتمد عليه والبنت هنا بتكون هيا اللي جابته لنفسها لما سمحت لنفسها تكلم ده وتهزر مع ده وتصاحب ده يعني بيكون باين عليها هو مش بيختلق الحكايه دي يعني هي اللي بتخليه يقول كده

علي الجانب الاخر

الشاب الجاد اللي عاوز يتجوز ويستقر عمره ما هيروح لواحده كانت مصاحبه قبله ويصاحبها هو كمان
حتي لو كان بيحبها ومستعد يتقبل ماضيها يبقها هيروح البيت علطول مش هيصاحبها هو كمان

تقبلو مروري

midooo_675

شكر اخى على مرورك المميز

وننتظر اراء الاعضاء الاخرين

ismail كتب:: للاسف يا ملكه الشاب اللي يعمل كده يبقي بيتسلي مش اكتر
وعمره ما هيعمل كده غير مع واحده هو متأكد انها كلمت وصاحبت غيره قبله
يعني هو متأكد انها كلمت غيره دا مش مجرد اعتقاد
والنوع ده اصلا لا يعتمد عليه والبنت هنا بتكون هيا اللي جابته لنفسها لما سمحت لنفسها تكلم ده وتهزر مع ده وتصاحب ده يعني بيكون باين عليها هو مش بيختلق الحكايه دي يعني هي اللي بتخليه يقول كده

علي الجانب الاخر

الشاب الجاد اللي عاوز يتجوز ويستقر عمره ما هيروح لواحده كانت مصاحبه قبله ويصاحبها هو كمان
حتي لو كان بيحبها ومستعد يتقبل ماضيها يبقها هيروح البيت علطول مش هيصاحبها هو كمان

تقبلو مروري

رد اكثر من رائع وعندك حق فى كل كلمة
على فكرة انا بستفاد كتير اوى من ارائكم
وشكر لك اسماعيل

انا عمري ما قلت كده يا ملكه وبعدين اكيد البنت اللي تكلمني هتكلم غيري بس ايه المشكله

ما هو برده اكيد الشاب اللي هيكلم بنت هيكلم غيرها

مش فاهم انتي عايزه ايه من الموضوع ده؟؟؟؟؟؟

انا عاوزة ارد على موضوعك ياملكة اذا سمحتيلى مع انى حاسة ان فى شى غير عادى اللى هوة ان انا البنت الوحيدة اللى ردت على موضوعك ده لحد دلوقتى مش كل الشباب بيحطوا فى دماغهم انه البنت اللى تكلمه ممكن تكلم غيره فى بعض الشباب ممكن بيعملوا اختبار للبنت عشان يعرفوا هية ممكن تكلم حد تانى ولا لا وفى ناس لا وده بيتوقف على الشخصية نفسها مشكورة ملكة على الموضوع الرائع

أسمحى لى أن أجيبك على جزئيات :

اقتباس :

الفتاه: دائماً تطمح وكل طوحاتها الزواج من الشاب الذي تحب
الشاب: بما انه يحب الفتاه بصدق وجنون لا يطمح بزواج بها

سوف تتسالون لماذا انا كتبت او تكلمت عن الشاب بهذا الصفات انا سوف اجاوب

لانه متمسك بشعار (( البنت التي تكلمني سوف تكلم غيري ))
وانا اتكلم عن بعض الشباب او بالاحره كثير من الشباب

اذا كانت كل بنت تعلم هذا وتعى أنه ليس بعض الشباب ولكنه كثير منهم
أريد أن أسأل الفتاه ما يدفعك للتضحيه طالما أنك تعلمين ذلك ؟
وما يدفعك لان تخالفى عاداتك وتقاليدك طالما أنك تعلمين جيدا أنه لن يتزوج بك ؟

أباسم الحب نفعل هذا !!!!!!
نلغى عقلنا ونسرى وراء بصيص أمل لعلنا نجد ما نبحث ؟

هنا ألوم على البنات وأقول لها لا تخدعى نفسك .

أما الجزء الثانى :

اقتباس :

انت ايها الشاب هل نسيت تضحيه البنت إليك ؟

هل نسيت بان عاداتنا وتقاليدنا المتمسكين بها تمنع الفتاه ان تتكلم مع شاب لا تعرفه ومع ذالك فهي تضحي من اجلك؟

هل فكرت ماذا يحل بالفتاه لو اكتشف امرها؟

هل نسيت كل هذا وتمسكت بشعارك الذي للاسف غير منطقي

((البنت التي تكلمني سوف تكلم غيري))

لا أعتقد أن الشاب الذى يقيم علاقه مع فتاه قد يلتفت الى هذه الكلمات
الفتاه يتغلب عليها طابع العاطفه فقد تتأثر كثيرا بهذا الحب
أما الشاب وأن كان صادقا فى حبه لن يتغلب عليه طابع العاطفه ولن يتأثر كثيرا بالفراق

أما تلك الأسأله فدعينى أوجهها الى الفتاه لا الى الشاب ؟
أختى من يستحق التضحيه !!!!!!!
ولماذا لم تفكرى ماذا سيحل بك أذا كشف أمرك ؟

أنتى الخاسره أولا وأخيرا فالشاب سيأتى يوما يبحث بين هذه وتلك ليتزوجها ؟
أما أنتى ........ستضحى وتجرحى وتيأسى وتغضبى ربك
كل هذا لماذا ومن أجل من ؟
أنى أرى أن الشاب الصادق أذا أحب لن يدفعك لما يضرك ولن يقيم معك علاقه ليقول تلك الكلمات فى النهايه
ولكن أذا أحب فسيتقدم الى أهلك بلا تردد وأن كان لا يستطيع
فسينسحب من حياتك بهدوء
مشكوره ملكه على تلك المواضيع المتميزه
حقا متميزه وعذرا للأطاله .

والله بصي كده م الآخر ده ف الأول وف الآخر بيعتمد ع البنت نفسهــا
بمعنى حيبان من تصرفاتها ومن اسلوبها ومن طريقة تعاملها مع الشخص ده ..
وعلى أساس التصرفات والحاجات دي الشاب ممكن يحكم ع البنت دي اذا كان ممكن يثق فيها ولا ولا ..

ميرســي ليكي

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

البنت التي تكلمني تكلم غيري,