لماذا تسمح لنفسك أن تحب ... وأختك لا؟؟؟؟؟؟؟؟؟؟؟؟؟؟؟؟؟؟؟؟؟

SAMO كتب:

والله الموضوع جميل جداً رومانسيه
وشكلك بتعملي حاجه من ورا أهلك

المهم الموضوع ده فيه وجهات نظر كتير وأنا مقتنع بوجة نظري
أن الحب = الأرتباط
ولو أن الشخص غير جاهز للأرتباط يبقي يسكت وميقولش لغاية ميجهز
ونفس الموضوع لأختي لو حبت حد يبقي يدخل من الباب
غير كده لا ..... وبكده يبقي عليا وعليها

ومشكورة علي الموضوع

اولا احب اشكرك سامو على مرورك


ثانيا

انا مخطوبة يعنى مش بعمل حاجة من ورا اهلى

و حتى قبل ما اتخطب كان مبداى انى

ما اسمحش لاى شاب باى علاقة اكتر من زمالة

و كل كلمة قلتها مظبوطة

و شكرا لك على رايك

police_alshbh كتب:

علي فكره انتي لو فهمتي معني الحب مش هتسالي السؤال ده

عارفه ليه لان محدش يقدر يمنع حد من الحب او يسمح له او ما يسمحلوش

لان اكيد لو اختي حبت انسان انا مش هقدر امنعها

وشكرا علي الموضوع

تسمحلى انا معترضة معاك فى رايك


من ناحية ان ممكن شخص يحب واحدة

طبعا محدش يقدر يلومه على كدة و لكن اللى احنا نلومه عليه

هو التصرف اللى هيعمله بمعنى ان ممكن واحد يحب واحدة و يقولها هخطبك بس لما ظروفى تتحسن

و هى تدخل فى صراع مع اهلها عشانه طبعا دا مرفووووووووووووووض تماما

المفروض اللى يحب واحدة يخاف عليها و يبعدها عن المشاكل

مش يدخلها فى مشاكل

و على فكرة انا سالت السؤال ده علشان

انا بشوف ناس كتير كدة مش علشان انا معرفش يعنى ايه حب

و شكرا لك على مرورك

الموضوع جميل جدا والاراء اللي اتقالت كويسه جدا ومقبوله تماما
انا يمكن هعيد بعض الكلام اللي اتقال لكن اسمحولي اقول رأيي ولو كان مكرر

طبعا الحب محدش يقدر يدخل فيه لأن ده خارج اراده الانسان
ودا حق لكن شاب وبنت
لكن المشكله والكلام يكون بعد الحب ده ايه اللي هيحصل
ايه التصرفات اللي هيعملوها
هل هيضربو صحوبيا ويهري رجليها ع الكورنيش والخ الخ الخ .....

والا هيصبر لحد ما يخلص جامعه ع الاقل وييدخل البيت من الباب

واجابه علي سؤالك
انا مش هرضي لنفسي اني اعمل اي حاجه مع اللي بحبها لأن اختي اكيد هتعمل اللي انا بعمله
واي حد بيعمل حاجه مع بنت لازم يتخيل اخته ف نفس الموقف قبل ما يعمل ايه حاجه مع اي بنت سواء كان بيحبها او لا

وشكرا وتقبلو مروري

شكرا لك اسماعيل على رايك

و على مرورك الراااااااااائع

KEMOS كتب:

رومانسيه ثانكس تووووماتش على التوبيك وانا اتفق مع سامو تماما ان
الـــــحب = الارتبـــــــــاط وغير كدا ماينفعشى
تقبلى مرورى

شكرا لك كيموس على مرورك

منور الموضوع

يا باشا

police_alshbh كتب:

رومانسيه جداا

اولا الف مبروك علي الخطوبه وربنا يتمم بخير

ثانيا بما انك وافقتي ترتبطي بانسان معين

عايز اعرف ايه الحاجات اللي انتي لقتيها في الانسان ده علشان توافقي ترتبطي بيه

وسبب الارتباط ده قصه حب ولا لقيت انسان فيه مواصفات كويسه ومش مهم الحب

شكرا لك تخى على المرور

انا لما اتخطبت بصراحة اول حاجة بصيت لها

هى ان مواصفاته مناسبة

يعنى مكنتش بحبه بس الحب جا بعد كدة

اهم حاجة الاختيار الصح فى الاول

و الحب بييجى مع التفاهم و الاحترام بعد كدة

و المواصفات دى كانت

1_ مش بيشرب سجاير

2_اخلاقه عالية

3_كان بيشتغل و هو فى الكلية

و مواصفات تانية كتير

توبيك جميل جداااا

ولو كان شاب فكر في كدا قبل مايرتبط ببنت

حيتقي ربنا فيها
تقبلي مروري

انا بتفق مع حودا في وجه نظره
تسلم ايدك يا رومانسيه