تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

(( الحوار المثالي بين الشبــاااب و البنــااات ))
: مــرحبـــا أحلى شباب و بنات
سئمنا من كثرة الحوارات التقليدية المنغلقة و الأفكار المتقوقعة
والمواضيع المتكررة اللتي أصابتنا بالملل بسطحيتها و محدوديتها
لذلك خطرت لي فكرة هذا الحوار [ الساخن ]
وهو عبارة عن حوار مثير بين فريقين
فريق [ الشباب ]
فريق [البنات]
وضعتها من باب المداعبة وتخفيف حدة التوتر بين الفريقين.
هناك أمور يكرهها الرجل في المرأه أو لا يستطيع فهمها
(( و ))
هناك أمور تكرهها المرأة في الرجل أو لا تستطيع فهمها
وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيداً عن التعصب حتى نستمتع و نخرج منه بنتائج إيجابية.
[ بداية الحوار ]
سيقوم فريق الشبـاااب بطرح تساؤل عن أمر معين لا يعجبه في البنــاات
وسيقوم فريق البنااات بالرد وتبرير الموقف
وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب.....وهكذا يستمر الحوار
[ملاحظة]
يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز(
(( صافرة البداية ))

سؤال موجه من فريق البنات الي فريق الشباب
ليه معظم الشباب بيسمح لنفسه يبقي عنده صدقات معظمها من البنات ويمنع الانسانه اللي ارتبط بيها ان مايبقاش ليها نفس الحق

يسعدنى انى ابقى اول واحد ارد ع الموضوع وبالنسبه للسؤال اللى انتى سألتيه انا ليا وجهة نظر
فى البدايه انا فى سنه رابعه وممكن تستغربى انى ماليش علاقه مع اى بنت ولو حتى على سبيل الزماله تقدرى تقولى وجهة نظر على رأى محمد صبحى
لكن ليا واحد صاحبى عنده المشكله دى وكتير اوى بتحصل خلافات بينهم لو شافها بتكلم حد وقلتله كذا مره عادى انت فى كليه وعادى جدا ان اى ولد يكلم اى بنت لأنها هتبقى مجرد زماله لكن هو مقتنع بكده
يمكن بيخاف عليها او عايزها تكون ليه لوحده ومتهيألى ان كل الولاد وجهة نظرهم كده.
سؤالى بقى:
ليه بقى البنت ما بتقولش كلمة بحبك قبل الولد مايقولهالها حتى لو كانت متأكده من صدق كلامه ومشاعره ؟

اولا انا عايز اشكرك ملكه على التوبك الرائع ده
وبجد فكره ممتازه
وبشرك يا ابراهيم على ردك وعايز اضيف معلومه
ان مش كل الولاد كلها كده
بس انا عارف ان الاغلبيه دلوقتى كده وده ناتج عن الخوف عليها وحبه الزياده لها لانه لو هو مش بيحبها بجد اكيد مش هيعلق وان كان يوجد ده ولكن الانسان ده مع الاسف بيكون مريض واكيد مش طبيعى

زتقبلو مرورى وارايى المتواضع

ومنتظرين اجابه البنات

ليه بقى البنت ما بتقولش كلمة بحبك قبل الولد مايقولهالها حتى لو كانت متأكده من صدق كلامه ومشاعره ؟

والله اخى لو هى متاكدة من مشاعرة وصدق كلامة ومتاكدة كمان من حبها لية بصدق
هتقولها قبل الولد لان المشاعر هى اللى بتتحكم فينا مش احنا اللى بنتحكم فيها
بس دايما البنات بيقول لا لازام هو اللى يقولها الاول
ودى يبقى عندها البذاء هو الحياء

انا ليا سؤال للشباب
هل تقبل ان البنت اللى انت حترتبط بيها حتخطبها يعنى تقولك انها كانت مرتبطه بشخص اخر قبلك ومحصلش نصيب بنهم ؟
تقبل بعد ما تعرف كده انك ترتبط !!!!؟

انا هضيف لكلام ملكة حاجات انه البنت ماينفعش انها تقوول للولد انه هية بتحبه ماينفعش انه هية اللى تبدا بالكلمة دى حتى لو كانت متاكدة من صدق مشاعر الولد نحيتها لان لو عرف حقيقة مشاعرها فى الاول هيحاول يسيطر عليها وممكن اوى انه مايصارحهاش بحبه خالص

يونس
hika

,وشكر على تفاعلكم وردودكم

هل تقبل ان البنت اللى انت حترتبط بيها حتخطبها يعنى تقولك انها كانت مرتبطه بشخص اخر قبلك ومحصلش نصيب بنهم ؟
تقبل بعد ما تعرف كده انك ترتبط !!!!؟
الموضوع ده يختلف من شخص لاخر
بس بالنسبه للنا اللى طبيعيه ومش بتفكر بطريقه تقلديه وغير صالحه الان
ايه المشكله اهم حاجه ان الموضوع يكون فى نطاق الاخلاق والاحترام والادب
عادى اقبل وعلى فكره معظم الزيجات الان بتم كده

فالموضوع ده عادى خالص بالنسبه لنا

سوالى بقى بالنسبه للبنات بس الاجابه تكون بصراحه

ليه اغلب البنات بيحاولو يلبسو ماسك يعنى مش بيتصرفوا على طبيعتهم
ليه بنحس انكم مصطنعين؟

الغريب فى الموضوع ان الولاد بتشوف البنات لابسة ماسك واحنا البنات بنشوف الشباب لابسين برده ماسك يعنى كل طرف مننا بيشوف الطرف التانى لابسله ماسك وزى فى بنات مش بيبقوا طبيعيين فى بردو شباب كدة وفى شباب مصطنعييين كتير جدا جدا وبعدين اى واحدة بتحب تظهر بمظهر كويس ادام اى حد زى مااى ولد فى الدنيا بيحب انه يظهر بمظهر كويس برده ادام اى حد سواء اصدقائه شباب او ادام البنات يعنى يايونس الطرفين مصطنعين ومش بيبانو على حقيقتهم الا اذا حصل ارتباط رسمى كل واحد بيظهر على طبيعته بقى بجد

في بداية كل علاقة حب بين أي رجلٍ وامرأة يُصرّ الطرفان على ارتداءِ الأقنعة
وهكذا يصرُ كلٌ منهما أن يضع تلك الأقنعة التي سرعان ما تسقط ويسقط معها كل شيءوبالنسبه للاقنعه التى يرتديها الرجل والمراه او اغلب البشر
فهذا هو مايكون السبب فى كثير من المشاكل والصدمات التى يصاب بها الطرفين
.. لذلك الصدق افضل شى
وعلى فكرة يونس السوال دة موجة للطرفين
وطبعا التعميم مرفوض ومش كل بيرتدى القناع

سؤالى موجهه للشباب
انا بقى بسئلكو ايه مواصفات فتات احلامك ؟؟؟؟؟؟؟؟؟؟؟؟؟؟

ممكن انا ارد على السؤال دا
بصى مواصفات فتاة احلامى مواصفات عاديه جدا اولا تكون بسيطه بمعنى تتميز فى البساطه فى كل شىء ماتكونشى مصطنعه زى ماقولتو وكمان تكون متدينه وجميله الشكل والروح وتكون من عيله محترمه وتعليمها يكون تعليم عالى يعنى تكون معاها بكالريوس او ليسانس مش فارقه بس يكون شهاده عاليه وخلاص دا شرط اساسى عندى علشان المستوى الفكرى يكون متقارب بينا وتكون اصغر منى بسنه على الاقل وعلى فكره انا يمكن اكون لقيت اللى بدور عليها انا بقول يمكن هااااا علشان مفيش حد يفهمنى غلط اووك
انتى بقى ........ايه مواصفات فتى احلامك وياترى لقيتيه ولا لسه ؟؟؟؟
دا سؤالى
وتقبلوا مرورى
كــــــيموس

سؤالى انا ليه الشباب لما بيعرفو بنات كتير بيبقوا مغرورين؟؟؟؟؟؟؟

اسمحيلى شيماء انى ارد عليكى
اولا مش كل الشباب اوووووك
ثانيا اقولك انا ليه بيبقوا مغرورين لان الشاب من دووول بيحس انه روميوا فاهمانى يعنى بيبقى حاسس ان مفيش غيره اللى يقدر يكلم بنات ويقف مع بنات مع انه لو بص حواليه هايلاقى شباب كتير واقفين مع ىبنات اكتر يعنى دا تقدرى تقولى عليه معلش وسامحونى غباااااااااء

سورى نسيت اكتب سؤالى
هوه ليه ؟؟؟؟ هاا ليه البنت من دول دايما بتعمل تقيله عليك مع انها جواها نفسها تكلمك ولما تروحلها تقولك (((( اسفه مش بكلم حد )))) مش عارف انا ليه على راى اللى قاااالواا يتمنعن وهن الراغبات

KEMOS كتب:: اسمحيلى شيماء انى ارد عليكى
اولا مش كل الشباب اوووووك
ثانيا اقولك انا ليه بيبقوا مغرورين لان الشاب من دووول بيحس انه روميوا فاهمانى يعنى بيبقى حاسس ان مفيش غيره اللى يقدر يكلم بنات ويقف مع بنات مع انه لو بص حواليه هايلاقى شباب كتير واقفين مع ىبنات اكتر يعنى دا تقدرى تقولى عليه معلش وسامحونى غباااااااااء

شكر اخى لردك
ومعك حق

بس فين سوال موجة للبنات ؟؟؟؟؟؟؟

لان الشباب رغباتهم افعوانية عاوزين البنت اللى ماتبقاش واضحة معاهم واللى تبقى تقيلة عليهم علشان يحبوها ويجرو وراها غير كدة تبقى ولا فى دماغهم حتى مايفكروش مجرد التفكير فيها

لازم البنت تكون تقيله علشان الولد يحبها لكن اللى بتبقى خفيفة فى مشاعرها وصادقة عمرها ماتتحب صدقنى علشان كدة بقولك رغبات الشباب افعوانية عاوزين البنت اللى تلف وتدور عليهم علشان يحبوها لكن لو واضحة عمرها ماتتحب

وانا اتفق مع شيماء

بالاضافة للمقولة يتمتعن وهن الراغبات

وأما عن الاجابة على هذ السؤال
فالرغبة متوحشه تأتي من النفس الامارة بالسوء ومن الشيطان وممن يريد من الفتاة هذه الرغبه
فالفتاه المؤمنه المذبه المحترمه المتربيه هي التي تستطيع ان تمنع نفسها عن تلك الرغبات ولا تستسلم لها

فكلنا ذوات رغبات

سوال موجة للشباب

هل تقبل ان تتعرف اختك على شاب

زائر

هل تقبل ان البنت اللى انت حترتبط بيها حتخطبها يعنى تقولك انها كانت مرتبطه بشخص اخر قبلك ومحصلش نصيب بنهم ؟
انا عن نفسي مش اقبل انا عاوز اكون اول واحد في حيات البنت اللي حاخدها عشان الحب الاولاني اول حب و احلي حب

لازم البنت تكون تقيله علشان الولد يحبها لكن اللى بتبقى خفيفة فى مشاعرها وصادقة عمرها ماتتحب صدقنى علشان كدة بقولك رغبات الشباب افعوانية عاوزين البنت اللى تلف وتدور عليهم علشان يحبوها لكن لو واضحة عمرها ماتتحب
انا مش معاكي خالص انا واحد من الناس لو البنت قالتلي كده مش ابص في وشها تاني انا مش حتحايل عليها اصلا اني اكلمها فيغيرها كتيرر جدا و الولد عنده كرامه و مستحيل يدوس عليها
اما بالنسبه لسوال ملكه
انا لو اعرف الولد ده و اعرف انه محترم و كده عادي علي الاقل اكون عارف احسن ما تتعرف علي واد زباله و من ورايا صح و لا ايه و كمان اي بنت في كليه بتتعرف علي صبيان و اي ولد يعرف بنات بس المهم اننا نختار اصحابنا و اللي ان نصاحبهم صح

شكر اخى على اجابتك

طيب ننتظر سوال من فريق الشباب موجة للبنات

انا اسال بليز نيابه عن الاخ ساي تو مي واي

ليه البنات ممكن تحب واحد بس و لكن بتعجب 100 واحد؟

ايه ياجدعان كل ده حصل وانا غايب مش مشكله ع العموم فى رد عايز اعقب عليه
وهو ان لو البنت هى اللى قالت للولد كلمة بحبك الواد هيتقل عليها وهيسيطر عليها ومش هايقولهالها وكلام غريب اوى بس انا شايف العكس ان لو الولد قالهالها والله بتتغير وبتحس بنفسها وتحس انه خلاص بقى تحت امرها تقوله روح يمين يروح روح شمال يروح وده طبعكم..................... وتقبلوا ردى ده

وبالنسبه لسؤال عمرو ياريت يعنى حد يرد عليه هو انتوا يعنى مابيملاش عينكم واحد بس

وتقبلوا مرورى

ليه البنات ممكن تحب واحد بس و لكن بتعجب 100 واحد؟

الاعجاب انك تاخد انطباع كويس عن شخص متكونش علاقتك بيه قوية اوى انك تعاملك معاه محدود كزميل مثلا ف الشغل او الدراسة و دة بيبقى من تصرفاته معاك و مع الناس التانيين اللى انتا بتلاحظها و كمان على حسب طباعك اللى جايز تكون متوافقة مع طباعه اللى لاحظتها
الاعجاب مرحله من مراحل الحب ممكن يتحول لى حب و ممكن يوقف لى حد اعجاب بس على حسب التواقف بين الطرفين ممكن كمان يكون اعجباب بى مظهر بس و لما يقرب من الشخص يلقى انه مش فيه تواقف و كان مجرد اعجاب
اعجاب يعنى فتره وهتعدى بمجرد ان الشخص يغيب
اما الحب بيقى ليه علامه فى القلب عشان كدة لم البنت لم تحب تحب واحد بس

( سوال) من فريق البنات .... موجة للشباب
لماذا يفكر الرجل بالزواج من امرأة اخرى

لية بقى شباب مابيملاش عينهم زوجة واحدة فقط

اقول انا بقى الراجل بيدور على وحدة تانية لية
الوحدة هى اللى فى ايدها تربط الراجل جنبها يعنى تحسسة دايما بحبها لية
هو الرجل عاوز اية غير وحدة تحبة وتخاف علية واكيد هو مشفش الحاجة دى فى المرة الاولى

سؤال للبنات لية الوحدة بتتغير بعد الزواج عن قبلة

كلامك مظبوط يازيكو وعايز اضيف عليه
ان الزوجه هى اللى بعد الزواج بتنشغل بالبيت والولاد عن زوجها
علشا كده هو بيلجا للزواج من اخرى لانه مش لاقى الاهتمام اللى كان فيه قبل الزواج وحتى فى اول سنتين او تلاته من الزواج

ومستنين اجابه فريق البنات على سوال زيكوو

إن التغير في شخصية الزوجة يختلف حسب موقفها من الزواج وقدرتها على التكيف مع الطرف الآخر، فإذا كانت حريصة على زواجها ستبذل كل جهد لتكون بالصورة التي يحبها عليها زوجها، أما إذا كانت غير حريصة بالقدر الكافي فإنها ستكون لا مبالية ولن تبذل جهداً في الحفاظ على صورتها.

فإذا كان الزواج يمثل قيمة حقيقية للمرأة وهدفا أسمى فإن قدراً كبيراً من الاستقرار سيشمل حياة المرأة لمجرد أنها أصبحت زوجة، وهذا يحقق لها إرضاء نفسيا وسعادة حقيقية.

ولهذا قد تسترخي إلى الحد الذي قد يبدو في عين الزوج أنه تغير وإهمال وعدم عناية،

وقد تتكشف أشياء عن الزوجة كانت خافية على الرجل قبل الزواج، واستطاعت المرأة أن تخفيها، ويفاجأ بها الزوج بعد الزواج، ويبدو الأمر على أنه تغير حدث في الشخصية كالمرأة العصبية والعدوانية والغيورة والأنانية والمادية والنرجسية والأهم من ذلك المرأة غير الملتزمة.
سوال جميل بجدااااااا

وياريت بردة لو حد من البنات عايز يقول حاجة او فى تعليق
وبعد كدة نسال سوال للشباب

» ماذا تعرف عن الحوار؟,,,,
» من هو ادم المثالي في عيون حواء الرومانسية ؟! انه هذا ...
» كيف تكون الشخص المثالي للفتاه
» عشر همسات فى فن الحوار
» نصائح مهمه لكل بنوته بتدور عالجمال المثالي

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

(( الحوار المثالي بين الشبــاااب و البنــااات ))