| تفكير الشباب غريب غريب | |
|
+6MIDoOo spiderman YouniS HamdY ملكة الاحزان amr-ma7mmed روان 10 مشترك |
كاتب الموضوع | رسالة |
---|
روان مشرفة سابقة
عدد المساهمات : 704 العمر : 32 نقاط : 6135 تاريخ التسجيل : 19/02/2009
| موضوع: تفكير الشباب غريب غريب الجمعة 20 فبراير 2009, 4:06 pm | |
| الشب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .
2- الشب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .
3- ممكن الشب يعجب بيكي للحظة و ينساكي بعديها ولا كأنه شافك قبل كده .
4- لما الشب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .
5- "بتعملي إيه ؟" أو "كلتي ولا لسة ؟" دي أول أسئلة يسألها الشب لما يكلمك على التليفون بدل ما يقعد ساكت أو يقعد يتأتأ .
6- صحيح ممكن الشب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .
7- لما الشب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .
8- ابتسامة فرح جميلة منك بالدنيا واللي فيها عند الشب .
9- الشب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
10- الشب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
11- لما الشب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .
12- الشب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن
13- على فكرة الشب بيعيط (مهما بان جامد و قوي مهوا بني آدم برضو) .
14- لما تبقي في بداية علاقة متستعجليش على انك تضايقي الشب عشان تتخانقوا ..........صدقيني هتتخانقوا هتتخانقوا .
15- الشب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .
16- الشب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .
17- لما توصلي لقلب شب أنتي كده دخلتي سكة مفيهاش رجعة (دخول الحمام مش زي خروجه) .
18- اوعي تدي شب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .
19- الشب بيتجنن لما بيلمس ايدك .
20- الشب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه
21- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .
22-قولي للشب أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .
23- لما تقولي لشب " لأاااه " بيسمعها هوا حاول تاني بكرا (معلش أطرش هههههههههههههه) .
24- الشب بيكره الشب الفافي .
25- الشب بيموت في أمه (يعني كلوا الا هيا) .
26- الشب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .
27- متستبعديش ان الشب ممكن يفكر في بنت معجبة بيه بس ده مش معناه ان حضرته مغرم بيها .
28- مستحيل تفهمي الشب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .
29- الشب لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
30- حاسبي ........ الشب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .
31- زي ما حصل مع امنا حوا و ابونا آدم أنتي نقطة ضعف الشب (استغلي المعلومة دي كويس هههههههههه ).
32- صح انك تجربي الشب الأول قبل ما تصدقي كلامه بس متسيبيهوش مستني كتير برة دائرة ثقتك .
33- الشب غالبا بيبقى صريح قوي لما يجي يتكلم عن نفسه .
34- مفيش شب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.
35- الشب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .
36- الشب بيحب البنت المحترمة حتى لو مكانتش أمورة للدرجة .
37- انتيمتك (صديقتك العزيزة يعني) اللي الشب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من موله بلا حمص ايد ورا و ايد قدام ) .
38- الشب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .
39- حركة لا إرادية الشب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .
40- الشب لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .
41- الشب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .
42- الشب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه . 43- عملياً الشب بيتفاخر عن كل حاجة تخصه ( ده أساسي يعني هههههههههههه ) .
44- الشب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .
45- الشب دماغه مبتهداش على طول بتودي و تجيب مبيبطلش تفكير ابدا .
46- الشب خيالو واسع قوي (يرمح فيه الخيل يعني . . . ههههههههه) .
47- الشب طولك عندو مش مهم بس صدقيني مفيش عندو أهم من وزنك حااااسبي .
48- الشب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .
49- لما سيادتك تجنني شب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .
50- غالباً بيكون صعب على الشب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .
51- لازم لازم لازم الصراحة يعني تقولي للشب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .
52- تجذير هاااام الشب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو مهيكبر و يعقل ويبطل لعب العيال
53- لو حصلت ظروف مش قد كدة غالباً الشب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .
54- الشب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .
55- الشب يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).
56- لو الشب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .
57- لما الشب يقولك انو مجنوون بيكي يبقى فعلا حبك عملو جنان م غالباً مش بيكدب .
58- لما الشب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .
59-الشب في الحقيقة غالباً ملوش قرار نهائي ( وخدي بالك من النقطة دي) .
60- لما الشب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .
61- لما الشب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .
62- لو الشب فضل ساكت و قافل بقوو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .
63- الشب ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .
64- الشب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .
65-الشب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معا غلاسة بغلاسة | |
|
| |
amr-ma7mmed مراقب سابق
عدد المساهمات : 2029 العمر : 34 الجامعة : جامعة دمنهور الكلية : كلية التجارة الفرقة : خريج الشعبة : account المحافظة : البحيرة المدينة : damanhour نقاط : 6650 تاريخ التسجيل : 31/07/2008
| موضوع: رد: تفكير الشباب غريب غريب الجمعة 20 فبراير 2009, 4:17 pm | |
| ههههههههه
جااامد اخر حاجه يا روان بجد جامد | |
|
| |
روان مشرفة سابقة
عدد المساهمات : 704 العمر : 32 نقاط : 6135 تاريخ التسجيل : 19/02/2009
| موضوع: رد: تفكير الشباب غريب غريب الجمعة 20 فبراير 2009, 4:27 pm | |
| ميرسى لمرورك ويارب التوبيك يكون عجبك فعلا | |
|
| |
amr-ma7mmed مراقب سابق
عدد المساهمات : 2029 العمر : 34 الجامعة : جامعة دمنهور الكلية : كلية التجارة الفرقة : خريج الشعبة : account المحافظة : البحيرة المدينة : damanhour نقاط : 6650 تاريخ التسجيل : 31/07/2008
| موضوع: رد: تفكير الشباب غريب غريب الجمعة 20 فبراير 2009, 4:30 pm | |
| طبعا عجبني بس انتي داخله في الشباب ليه شمال كده ههههههههه دول حتي طيبين و غلبنين هههههههه لا بجد اي حاجه منك عشان انتي زمالكاويه لازم تكون حلوه موووت | |
|
| |
ملكة الاحزان نائب المدير
عدد المساهمات : 12667 العمر : 35 العمل/الترفيه : مدرسـة المزاج : اللهم لك الحمد الجامعة : جامعة الأسكندرية الكلية : كلية الآداب الفرقة : خريج الشعبة : عامة المحافظة : البحيرة المدينة : دمنهور نقاط : 19624 تاريخ التسجيل : 10/08/2008
| موضوع: رد: تفكير الشباب غريب غريب الجمعة 20 فبراير 2009, 4:48 pm | |
| شكر على النصائح الغالية وابعدى عن شباب احسن دول غلابة اوى هههههه بدل ماتكسر رجليلك من كثر الدعاء عليك اسالينى انا | |
|
| |
YouniS HamdY نائب المدير
عدد المساهمات : 28954 العمر : 32 العمل/الترفيه : بدور والله المزاج : زفت زفت زفت الجامعة : جامعة دمنهور الكلية : كلية التجارة الفرقة : الرابعة الشعبة : محاسبه وافتخر المحافظة : البحيرة المدينة : شيراخيت نقاط : 34059 تاريخ التسجيل : 06/01/2009
| موضوع: رد: تفكير الشباب غريب غريب الجمعة 20 فبراير 2009, 5:23 pm | |
| ليه بس كده يا ملكه دا احنا ما بندعيش على حد بس موضوع جامد ياروان بس زى ما قالك عمرو احنا طيبين خالص بس عايز اقولك حاجه بس ما تزعليش الموضوع ده مكرر نزل قبل كده بس حابب اشكرك على مجهودك الرائع ده | |
|
| |
spiderman مراقب سابق
عدد المساهمات : 3493 العمر : 34 العمل/الترفيه : العمل عمل ربنا المزاج : 100% الجامعة : جامعة دمنهور الكلية : كلية التجارة الفرقة : الرابعة الشعبة : محاسبة المحافظة : البحيرة المدينة : . نقاط : 7800 تاريخ التسجيل : 13/03/2008
| موضوع: رد: تفكير الشباب غريب غريب الأحد 22 فبراير 2009, 1:41 pm | |
| الله ينور يا روان باين عليكي هتولعي المنتدي | |
|
| |
YouniS HamdY نائب المدير
عدد المساهمات : 28954 العمر : 32 العمل/الترفيه : بدور والله المزاج : زفت زفت زفت الجامعة : جامعة دمنهور الكلية : كلية التجارة الفرقة : الرابعة الشعبة : محاسبه وافتخر المحافظة : البحيرة المدينة : شيراخيت نقاط : 34059 تاريخ التسجيل : 06/01/2009
| موضوع: رد: تفكير الشباب غريب غريب الإثنين 23 فبراير 2009, 2:01 am | |
| ما خلاص ولعت واللى كان كان | |
|
| |
MIDoOo عضوة مميزة
عدد المساهمات : 1049 العمر : 33 الجامعة : جامعة الأسكندرية الكلية : كلية التجارة الفرقة : الرابعة الشعبة : عامة المحافظة : البحيرة المدينة : ــــــــــــــ نقاط : 5652 تاريخ التسجيل : 13/02/2009
| موضوع: رد: تفكير الشباب غريب غريب الثلاثاء 24 فبراير 2009, 1:32 am | |
| | |
|
| |
mahamed sheer عضو نشيط
عدد المساهمات : 457 العمر : 34 الفرقة : الثالثة الشعبة : محاسبة المدينة : دمنهور نقاط : 5683 تاريخ التسجيل : 14/10/2008
| موضوع: رد: تفكير الشباب غريب غريب الثلاثاء 24 فبراير 2009, 9:20 pm | |
| بجد جميل جدا يا روان بس صدقيى اسمعى كلام ملكة الأحزان بجد توبيك جامد جدا جدا | |
|
| |
aly mohamed عضو مبتدئ
عدد المساهمات : 23 العمر : 35 الفرقة : الثالثة نقاط : 5550 تاريخ التسجيل : 25/02/2009
| موضوع: رد: تفكير الشباب غريب غريب الخميس 26 فبراير 2009, 6:52 pm | |
| | |
|
| |
zamlkwy2010 VIP
عدد المساهمات : 1253 العمر : 35 الجامعة : جامعة دمنهور الكلية : كلية التجارة الفرقة : الرابعة الشعبة : محاسبه المحافظة : البحيرة المدينة : المحموديه نقاط : 6215 تاريخ التسجيل : 29/03/2008
| موضوع: رد: تفكير الشباب غريب غريب السبت 28 فبراير 2009, 3:43 pm | |
| ههههههههه والنبي ده انتي دمااااااااااااغ | |
|
| |
kemos عضو مميز
عدد المساهمات : 1515 العمر : 35 العمل/الترفيه : طالب المزاج : الحمد لله على كل حال الجامعة : جامعة الأسكندرية الكلية : كلية التجارة الفرقة : الثالثة الشعبة : دراسات ماليه وجمركيه المحافظة : البحيرة المدينة : ايتاى البارود نقاط : 7171 تاريخ التسجيل : 06/04/2008
| موضوع: رد: تفكير الشباب غريب غريب الأحد 22 مارس 2009, 5:22 am | |
| ثانكس على التوبيك الرائع والى الامام دائما تقبلى مرورى | |
|
| |
| تفكير الشباب غريب غريب | |
|