تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و
هي دي مذكره.

*مذاكرة ايه دا اللى على السرير.

*بلاش البرفان وانتى نازله.

*يا ابني تعالي اقعد معانا ولا انت ماجر اوضه جوه البيت ......

* ابقي نشف الحمام بعد ما تخرج منه.

* يا خويا ياراتك حافظ الدروس اللى عندك زى ما انت حافظ الاغانى كده .

* اعملى حسابك اول م الدراسه تيجى الرسيفر هيتشال هو
والتليفزيون.ومفيش نت كمان

* لو كانت اللي علي التليفون طنط سلوي قوليلها ماما نايمة .

* ابقى قابلني بكرة تاخد بالجزمة وتاكل كل حاجة غصب عنك.

* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.

يابنى حرام عليك هات قناة الناس الشياطين ماليه البيت.

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

*ذاكر ياموكوس مش فالح غير فى الهيافه والكلام الفاضى.

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (البوب /بابا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (البوب/بابا).

*أوعا حد يضحك عليك ويقولك جرب السيجارة دي.

* قوم اقرا لك كلمتين ينفعوك .

* وطي الزفت ده شويه .

* مش ملاحقه علي التليفون ولا الموبيل عملالي فيها الست المهمه.

*برة البيت بتضحكوا وجوة البيت لاوية لنا بوزك ............ خلي شوية صحباتك ينفعوكى.

*لما ما ترضاش تاكل في البيت:طبعا مانت اتعودت علي اكل بره .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

* ابقي قبليني لو فلحتي ...بس ديما مش بيقلوا نقبلهم فينّ!!! غربيه .

*مين اللي ساب باب التلاجة مفتوح.

* كفايه رغي في التليفونات .

*لما الولد او البنت ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى الكلية و هلف بيكى على الداكترة.

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة :

* ماتتأخرش علشان عندك كلية بكرة بدرى.

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببه .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط :

* احمد ربنا الاكل الى مش عجبك ده فى ناس مش لقيه لقمة.

*والله لو منضفتيش الشقه ومسحتيها ما في نزول النهرده .

* قومي سخني الأكل لأخوكي.

السلام عليكم
موضوعك حلو اوى وبيحصل صحيح بس بعض الاقوال بتحصلى بس والله طييبن الواحد يزعل شوية كدة اهو يبقوا هيجننوا عشان اروق وابقى كويسة يارب يخليهم لينا ويتكلموا براحتهم لو مش قالوا لينا هيقولوا لمين

تسلم ايدك ومجهودك

طبعا احنا بنحبهم ونسمع كلامهم
وكمان ما ننساش ندعي ان ربنا يخليهم
وشكرا علي المروره بنت البحيره

كل دة يا شبح بس بيحصل

يعني ايه سامو؟

رائع يا مان تسلم ايدك

» كلام .... واحكم انت عليه...!!!!!!!
» اسهل حاجة كلام لكن مستحيل نجد فعل كلام
» كيف تعامل الام
» اقوال ماثوره عن الام
» كلام .......... احلي كلام......

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

كلام متعودين عليه من الام والاب