مش انوثه منــــــــــــــــــك.....!!!!!!!!!
- مش أنوثه منك تلبسى ضيق ولما تتسألى ليه تقولى بكل بساطة شكلى بيبقى زباله فى الواسع !!!!!!!!! ودا كله وانتى ناسيه ربك والحلال والحرام!!
- مش أنوثه منك تفضلى قدام المرايا بالساعات متنحه لنفسك قال يعنى الى خلقك ماخلقش غيرك. وتحطى 2 كيلو ميكب ع وشك وال ايه عشان تكونى اجمل !!!!!!
- مش أنوثه منك تتنططى وتتشطرى بالكلام على واحده مبتعرفش تكلم رغم انك عارفه ان في اللي بتتكلم احسن منك 10 مرات وانسيه ان ربنا خلقنا كلنا زى بعض!!
- مش انوثه منك انك تتريقى على اللي رايح واللي جاي لمجرد التريقة وكل واحد فينا فيه العبر وانك تبصى لعيوب غيرك وتطنشى عيوبك
- مش انوثه منك ان قدوتك في الحياة تكون مذيعه بحمالات أو مطربه ببودى أو حتى ممثله والناس دي في غنى عنك وعن حبك وتشجيعك ويمكن تموتى ويموتوا ومتشوفيهمش وتنسى افضل قدوه ليكى فى الدنيا حبيبك وحببنا كلنا سيدنا محمد صلى الله عليه وسلم وزوجاته وامهات المؤمنين تحت شعار مودرن واستايل !!!
- مش أنوثه منك انك تفضلى تلوكى فى التليفون بالساعات مع صاحبتك أو صاحبك وقافله على نفسك اوضتك وسايبه والدتك قاعده لوحدها لا ولما تناديكى تزعلى وتعملى مصيبه!!!
وترجعى تقولى دانا وحدانيه ومحدش فاهمنـــــــــــــــى!!!!!
- مش أنوثه منك انك تدلقى ازازة البيرفيوم على هدومك لمجرد بس انك تلفتى الانظار ونسيتى حديث الرسول الكريم (ماستعطرت امراة ومرت على قوم فاشتموا ريحها الا وهى زانيه) بس المفروض وقتها بتعملى ناسيه !!!!!!!
....
- مش انوثه منك انك تكلمى ده و توعدى ده بأحلام ورديه ... و في الأخر ترضى باول واحد يتقدملك لمجرد انه جاهز .... وناسيه انك غاليه بس اهو اديكى بتتسلى !!!!!!!!
- مش أنوثه منك انك تفضلى تتكلمى فى التليفون مع واحد وتفهميه انه كل حياتك ودنيتك واحلامك ويكون عالويتنج واحد تانى..... !!!!!!!
ولما تردى عالتانى تقولى سورى كانت صاحبتى وتقوليله نفس الكلام الى قولتيه للاولانى وسايبه قلبك مساكن شعبيه لاى حد !!!!!!
- مش انوثه منك انك لو رايحه درس او كورس او أى مشوار تفضلى تتزوقي مع ان لو قومتى تصلى بيكون غصب عنك
وبتلبسى مهرول ومستعجله ولا تكونى مركزة ف واجبك تجاه ربك!!!!
عاااااارفه بقا ايه هى الانوثه بجــــــــــد..........
♥ الأنوثه مش بالشكل ولا بالجمال ..الانوثه روح حلوة وقلب صافى وقبول♥ الانوثه انك تعرفي انك غاليه وتعرفى قيمه نفسك وتقدريها وتحتريميها عشان الناس تحترمك.. الانوثه فعل ومبدا لمن تجردت منها .........................!!!!!!
.. ويا ريت البنات ميزعلوش منى ..
......؟
موضوع: مش انوثه منــــــــــــــــــك.....!!!!!!!!! 
