انت مصرى ....... من امتى؟؟

بسم الله الرحمن الرحيم

انا بصراحه الموضوع ده كنت حابه اطرحه من زمان
وكذا مرة اكتبه ومش ارسله

بس الصراحه بعد ما شوفت رد بعض الاعضاء موضوع فى القسم السياسى
زاد استغرابى وقررت انى اطرح الموضوع

الموضو هو ببساطه انت مصرى من امتى؟

ممكن تستغربوا للسؤال

لكن انا حاوضح لكم انا سالته ليه

ببساطه انا من بعد ثورة الشباب العظيمه ثورة 25 يناير

وانا كل ما اقرا الجرايد واسمع اقرا الشباب فى التليفزيون

وانا باستغرب اكتر يمكن عندى اجابه لاستغرابى لكن بالنسبه لى مش مقنعه

الصراحه انا باستغرب من كلامهم

يعنى مرة نت باقرا جريده وكان الحوار مع طالبين فى ثانوى من اسكندريه

وكانوا فى حمله تنظيف الشوارع وكان السؤال المطروح عليهم انتم ايه التغير

اللى شايفه حصل بعد الثورة فلقيتهم بيكلموا عن التغير اللى حصل لهم هم

ولقيتهم بيقولوا انهم مثلا لما كانوا قبل الثورة بيروحوا المدرسه مش كانوا بيهتموا بالدراسه

لكن بد الثورة باقى عندهم اصرار للاهتمام بالدراسه لانهم كانوا حاسين ان البلد مش بلدهم وكله محصل بعضه

بدل ما فى رشاوى ووسايط فطول ما معايا وسطه اقدر اشتغل حتى لو مش معايا شهاده بتقدير

وكمان قالوا انهم لما كانوا بيحيوا العلم فى طابور المدرسه مش كانوا بيرددوا حتى التحيه

ولاهم لا صحابهم وكمان كان كام واحد اللى بيردد التحيه فى المدرسه كلها

لكن بعد الثورة بيقولوا ان وقت تحيه العلم باقى يحسوا لانهم واجب ليهم يحيوا

وان صوت طلبه المدرسه بيبقى زى الزلزال ومليان حب للبلد ديه

واكتر حاجه استغربت لها بجد لما قالوا انهم بعد الثورة رجعوا يحبوا مصر من تانى

لكن قبل الثورة كانوا مش حاسين انهم مصريين

واراء كتير لشباب زيهم

فى ثانو ى وفى جامعات

اللى كان عايز يهاجر ويسيب البلد

واللى عايز واللى عايز


يا ريت تكونوا فهمتوا ايه قصدى من السؤال

وتجاوبوا لى ليه

انت مصرى من امتى وبتحب البلد ديه من امتى
وياترى حبك للبلد ديه اتغير بعد الثورة
وايه افكارك قبل وبعد الثورة كشاب
وهل كنت بتحبها قبل الثورة
وانت شايف ازاى نعبر عن حبنا لبلدنا بالفعل مش بالكلام
نعمل ايه عشان نعبر عن الحب ده؟


اسئله كتير مضمونها فى انت مصرى وايه احساسك ببلدك قبل وبعد الثورة؟

عارفه انى طولت
واسفه للاطاله
واتمنى تفاعلوكم
وردكم

يعنى انت بتقول انك حسيت انك مصرى من بعد الثورة وانك بتحب مصر من بعد الثورة
لكن قبل كدا مش كانت فارقه معاك
نفسى اعرف ازاى انتم بتفكروا ازاى
البلد تتصلح تتفضلوا فيها
مش تتصلح تسيبوها وتهرب
البلد تنظف احنا نفضل تفضل مش نظيفه نسيبها ونمشى
مش ده تفكيركم
وايه ذنب البلد الزباله واحنا اللى بنرميها
الفساد واحنا اللى كنا عملينه وكنا مشتركين فيه
بتصرفاتنا وسلبيتنا
يعنى البلد مش كان لها ذنب عشان تفكروا انكم تسيبوها
صح
العيب فينا بنجرى ورا مصلحتنا
وبعدين يا استاذ لو دلوقتى اتعرض عليك تعيش فى اغنى واحسن مكان فى العالم
وتبقى احسن واغنى واحد فى العالم
ع شرط انك تستغنى عن جنسيتك المصريه
وتبقى باى جنسيه ولا من غير جنسيه
طبعا حتوافق عشان فرصه مش تتعوض اكيد فلوس وعيشه كويس وبرستيج
وفى داهيه الجنسيه هى بتعمل لى ايه يعنى مصر
مش ده اللى ممكن تقوله لنفسك
صح ولا غلط
الكلام مش موجه ليك انت بس يا محمد
لكل اللى كان بيفكر زيك
وبدا يعرف انه مصرى لما الثورة قامت
ومش بعيد لو الفساد انتشر تانى ينسى الموضوع ده

انتم ايه معنى الوطن عندكم
شويه فلوس ومصالح ومستقبل كويس
المستقبل الكويس ده احنا اللى بنعمله
والبلد ديه ليها حقوق علينا اللى طول مرنا بناخد من خيرها
حتى لو كان القليل بناخده فهى بلدنا
اللى لازم مش ننسى حبها مهما كان يحصل
مش فاهمه قلوبكم ايه
صحيح اه منك يابلد اه

حلو الموضوع

وايه براحه علينا فى الرد انتى حتزلينا علشان

عملتيلك موضوع

هههههههههههه


بصى كنت قبل الثوره مش بحب اتظلم خصوصا من الحكومه

بس احيانا كنت لما بحب اعمل ورق ولا حاجه بتخانق الف مره

وكمان كنت ساعات بمشى امورى واعديها علشان انجز
اوراقى

طول عمرى مش بحس بحب مصر غير فى ماتشات المنتخب

مع انى مش بتفجر على اى ماتشات غير المنتخب والكلام داه قريب

وحسيت انى بجد عايزها تفوز دايما
مش حكايه انى الماتشات بس يمكن

مش حسيت بكده علشان مكنش فى اى حاجه

ممكن تحسسنا خوفنا عليها

لكن حبها فى قلبونا ويمكن لما كنت فى الجيش حصلت مواقف كتير

حسيت من خلالها الحب داه

لكن بعد الثوره وان شاء الله تعدى على خير

والديمقراطيه تعم والاستغلاليين يبعدو عنها

حنقدر نقرر بعدها

احنا ماننكرش ان لولا وقوف الجيش معانا مكنش داه بقى حالنا

وكنا ممكن نبقى اكتر من ليبيا لكن القيادات اللى فى الجيش عندنا

بتفهم وكمان الجنود كلهم اخواتنا وعمرهم مايضربو فينا

لكن الامر العسكرى صعب بجد لازم يتنفذ خصوصا فى الاوقات الحرجه

حلو كده عليكو

وشكرا ياسهير للتوبيك