المنتدي بيقع واحنا واقفين نتفرج؟!!

السلام عليكم
‏
بصوا بقي يا جماعه انا عايزه ادخل في الموضوع علي طول طبعا انتم عارفين انا بحبكم قد ايه و بحب المنتدي قد ايه
بس الفتره ده حاسه بحاجه غريبه جدا بقيت بحس بملل رهيب في المنتدي اقعد ألف وادور علي حاجه مش بلاقي ومش انا لوحدي ده انا و ناس كتير حاسين بكده وده مؤشر مش كويس علي مستقبل المنتدي والأخطر ان في ناس بدأت تمشي وتسيبنا و ناس من الاركان الاساسية
ايه بقي العمل؟!
انتم مش حاسين ان المنتدي بيضيع
فين التفاعل والنشاط بتاعنا فين ابداع الناس
ياجماعه التوبكات بدأت تبوظ من الكسل اللي احنا فيه
لو توبك متخصص ليه يوم او يومين يقعد اسبوع كامل او أكتر عشان الكسل بتاعنا ده والاعتذارات اللي مش بتخلص
بجد كده الوضع مش نافع
وبعدين فين الناس فين تفاعلهم ومشاركاتهم
الحكاية مش انك تسجل دخول وبس وتقضيها شات فين التفاعل فين ردودك ومشاركاتك بجد انا تعبت من الكلام حاسه ان مهما اتكلمنا بنرجع ولا كأن حاجه حصلت
من الأخر كده بقي انا واحده من الناس مش حتشوف المنتدي بيقع وتسكت
وأكيد في ناس زي
‏ ياريت نحط ايدينا في ايد بعض و نوقف المنتدي من جديد
‏
تحياتي للجميع

ملل يا نيرو والله بصراحه انا برضه زهقنانه خلاص من كده الناس اختفت ومشت واحنا قاعدين زي ما احنا بنتفرج وبس بجد انا مليت

انا واحد من الناسي بقالى فتره مش بدخل

بس اوعدكم انى خلاص هدخل وهبقى موجود ويا ريت المنتدى يرجع زى ما كان

mido hemdan كتب:

أنا مش حقدر أتكلم

عشان شهادتى حتبقى مجروحه

عشان أنا نفسى مبقتش متواجد كتير

وبرضه مقدرتش أسكت عشان

محدش يقول ميدو كان بيقول ويتكلم أيام مكان بيعمل ويعمل ويعمل

ودلوقتى مبقاش موجود

فعشان كده مبيتكلمش

أنا بس اللى حابب أقوله

ان أنا واحد من الأعضاء عمرى ما بخلت على المنتدى

ومنين مبيبقى عندى أجازه او وقت

بدخل وبتفاعل

وأخيرا ربنا يستر

‏
‏
بص يا ميدو انا عن نفسي مقدره ظروفك واول ما بيكون عندك اجازه بتكون موجوده وسطنا
انا بتكلم عن الوضع الحالي الناس بطلت تدخل و ناس مشت وحال المنتدي اتقلب خالص بعد ما كان كل نشاط بقي كله كسل وممل
فين ايام زمان كنا مع بعض دايما في الفرح والحزن انما دلوقتي كل واحد فينا في وادي
انا نفسي المنتدي يرجع زي الاول بدل ما هو بيضيع و بيقع كده واحنا ولا فارق معانا
‏
شكرا ميدو علي مرورك

el golden boy كتب:

انا واحد من الناسي بقالى فتره مش بدخل

بس اوعدكم انى خلاص هدخل وهبقى موجود ويا ريت المنتدى يرجع زى ما كان

‏
ياريت يا علي لو كل واحد فينا بدأ بنفسه ومش بص لغيره المنتدي هيرجع زي الاول واحسن
علي فكره مش شرط انك ترد في كل التوبكات بس نثبت وجودنا ونتفاعل سوا
شكرا علي علي مشاركتك

kemos كتب:

والله اللى بيحصل دا مهزله بقى دا منتدى كليه التجارة اللى كان بيتواجد عليه بال100 عضو فى وقت واحد وكنا مش بنلاحق تنزيل مواضيع بجد حراااااااااااام اصحوا بقى فوقوا شوفوا احنا كنا فين وبقينا فين وناوين تودونا على فين وشوفوا غيرنا بقى كان فين وبقى فين دلوقتى احنا قولنا اللى عندنا لو عايزين تستنوا كدا استنوا وانتم احرار ويارب ماتخلونيش اندم انى رجعت المنتدى من تانى

‏
مظبوط يا كارم والله كلامه كله صح بس يا ريت الناس تحس بقي عشان بجد الواحد تعب من كتر الكلام بجد الواحد اتخنق م الوضع ده
شكرا علي مرورك

الفتى الحائر كتب:

تحياتى لك همس على الموضوع

بالفعل أنا من أكثر الأعضاء
المقصرة

لا أنكر ذلك

ولكن لن أخفيكم سرا لم يعد المنتدى يجذبنى

لا أنكر أنى لم أعد متفرغ ولكن
من الممكن التواصل وإن كان بصورة متقطعه

لا أنكر تقصيرى
ولعل العلة فى


ولكن سأحرص على الأثل على صداقاتى وعلافاتى بأخوتى وأخواتى

وسأحرص أيضا على المشاركة ولو بالقليل

تحياتى للجميع

‏
اولا احيك يا احمد علي اعترافك بتقصيرك
و هقولك حاجه يا احمد صحيح المنتدي مش بقي بيجذب حد فينا بس لو كل واحد سكت وبعد هنلاقي نفسنا مره واحده المنتدي بقي فاضي و مش فيه حد
انما لو حاولنا نعيد بناء المنتدي من جديد و نحاول نصلح نقاط الضعف اللي فيه
ياريت كل واحد فينا يبدأ بنفسه ومش يبص لغيره و يقول هي جات عليا ما في كتير مشوا عشان لو فكرنا كده يبقي عليه العوض
يمكن انا واحده من الناس مقصره بس والله بحاول ادي علي قد ما أقدر بس صدقوني لازم كلنا نرجع حاجه واحده زي الاول انما ايد لوحدها او اتنين او تلاته عمرهم ما هيعملوا حاجه
‏
شكرا احمد علي مرورك

بجد حرام كده والله اللي بيحصل ده حرام انا عن نفسي تعبت الحاجه الوحيده اللي كانت بتفرحني بقت بتنكد عليا بجد انت حزينه علي وضع المنتدي حرام كده ناس مشت و ناس عايزه تمشي طيب ايه السبب حد يفهمنا و ناس عايزه تسيب المسئولية
اسفه بقي ده اسمه استهبال ودلع يعني ايه واحد مش ليه نفس يدخل اصله زهق ومل من المنتدي
تصدقوا عندكوا حق اصل خلاص احنا عرفنا بعض واتعرفنا علي بعض مش مهم بقي المنتدي يولع
يا اساتذه مش تنسوا ان من غير المنتدي ده مش كان في حد فينا هيعرف التاني ولا كنا هنشوف كل ده صح ولا انا غلطانه
يعني المنتدي ليه حق عند كل واحد فينا
يبقي وقت ما يكي بيقع نتخلي عنه عشان اخدنا اللي عايزينوا وخلاص
ولا الحكاية ماشية ازاي عشان نفهم هو احنا داخلين نكون صداقات ولا ايه؟!
حد يفهمني ايه اللي بيحصل
او حد عنده الشجاعه يقولي لأ انت غلطانة
‏
عارفه ان كلامي هيزعل ناس كتير بس انا خلاص زهقت محدش حاسس ان المنتدي بيضيع فوقوا بقي لحد امتي هنفضل نسمع و نتكلم بس
بجد حرام كده
معلش انا مش هتأسف علي كلامي ده لان ده الحقيقه وانا مش اتعودت ألبس قناع بحب الصراحه حتي لو هتزعل

والله يا حودا انا ما عارفه اقولك ايه انت قولت كل حاجه ومع حق في كل كلمة قولتها صح
واحنا كلنا عارفين كده بس العادي بتاعا اننا اتعودنا نضحك علي نفسنا و نداري الحقيقه
والمشكله مش مشكله اداراه زمان قبل ما الاداره تتغير الناس قالت لأ الاداره ده مش بتعمل حاجه احنا عايزين حد يشتغل حد لما نحتاجله نلاقيه والكلام ده حصل بنا وانا واحده من الناس كانت طلبت كده واما جات الاداره الجديده في البداية كان الشغل ماشي تمام والناس اتبسطت وبعد كده الناس نامت تاني واللي مشي عشان مش عارفه ايه واللي بقي بيدخل عشان الشات و بدأت مشاكل تظهر بين الناس وده يزعل ده وده يمشي و سبحان الله اللي بيمشي من غير سبب عشان زعلان او مخنوق او مش ليه نفس
المشكله مش مشكله اداره يا حودا انا شايفه ان انت احق واحد بيها انما المشكله فينا احنا وفي تفكيرنا داخلين ليه عشان نتعرف ولا نحب ولا نقضيها شات وخلاص حتي اما نقول نتجمع الناس بتكبر هو خلاص عشان اخدنا اللي عايزينه مش مهم بقي بجد الوضع يخنق
بجد انتم بتتحسسوني بالذنب اني اول واحده مشت وسابت المنتدي دلوقتي بلاقي ايه حد يزعل يمشي بجد كده حرام والله احنا من غير المنتدي ده مش كان هنعرف بعض اصلا
ومعلش يا جماعه من الاخر كده احنا مش هنتاحيل علي حد عشان يشارك او يكون وسطنا اي حد عايز يمشي يمشي ولان انا عارفه انه كده كده بيرجع تاني يبقي ليه من الاول و المنتدي عمره ما هيقف علي حد حتي لو فضل فيه واحد او اتنين او تلاته بس الناس ده هتقدر توقفه من جديد عارفين ليه لان الناس ده هي فعلا اللي بتحبه اللي مش بتبخل عليه باي حاجه
وبعد اذنك يا حودا انا عايزه اقول حاجه انا شايفه ان اي حد مش يستحق الرتبه اللي فيها ينزل حتي لو كنت انا اولهم ومن الاخر كده وبقولهالك الناس مش هتتعدل الا بكده اما تشيل رتب منهم هتلاقيهم الشغل بيكتر و بيدخلوا باستمرار و متواجدين دايما ده الحقيقه واللي يقولك غير كده يبقي كداب كل واحد هنا عايز يبقي مشرف او اول او مراقب او مدير اه عشان برستيجي ازاي انا ادخل عضو مميز او نشيط لأ انا عايز لوني اخضر صح ده اللي بيحصل ولا انا غلطانة
‏
وعايزه اقولك حاجه يا حودا انا فرحانة انك اتكلمت لان خلاص مش ينفع نتفرج وبس اما نوصل لدرجه ده يبقي وقت الفرجه خلص
‏

بصوا بقي من الأخر كده انا واحده من الناس مش هقف اتفرج و خلاص حتي لو فضلت لوحدي
وياريت بقي محدش يزعل لان ده الحقيقه فياريت بقي كده اي حد عنده كلمه يقولها و نشيل بقي المسكات ده و نتعامل مع بعض من غير اقنعه او خوف ان حد يزعل

‏ ‏

ياريت الناس تتفاعل أكتر

ياههه كل ده كلام يا جماعه اعملو ما تتكلموش

وياريت كل واحد ياخد الينك ويحطه ع الفيس بوك او اى حاجه

عشان الشهرة
وياريت المنتدى يتفعل تانى زى ماشوفته اول ما دخلت