عاشق بحب
عضو مبتدئ
عدد المساهمات : 31
العمر : 34
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبة
المحافظة : البحيرة
المدينة : شبراخيت
نقاط : 5216
تاريخ التسجيل : 08/03/2010
 |  موضوع: ملحمة العبور الإثنين 11 أكتوبر 2010, 11:36 am | |
| الصبر طيب قلنا نصبر
لكن يا عينى الصبر طال
واليأس عاش جوانا يكبر
والأمل أصبح محال
وفى القلوب الحزن عمّر
وع الشفايف 100 سؤال
ياهلترى.. ممكن.. ح نقدر
ح نعدى فى يوم القنال
واللى راح معقول ح يرجع
وللا دا صعب المنال
......................
قالوا خلاص مصر انتهت
والدرس كان قاسى وعسير
لليأس قالوا استسلمت
افرح ياموشى انت ومائير
قالوا الجنون لو فكرت
تتحدى بارليف الخطير
قالوا الدمار ح يكون لها
ولأهلها بئس المصير
وف حقنا وف حقها
كان الكلام علقم مرير
......................
أنا قلت لما الضغط يكتر
ضرورى يحصل انفجار
والليل ساعاته مهما تطّول
لابد يطلع له نهار
ولما الحليم يثور ويغضب
تتحول النظره لشرار
واللى دايما يقول يارب
سكته تفضل عمار
والمصرى لما يقول ياحرب
يرجع وجايب الانتصار
........................
وف اكتوبر وقف الأسمر
وقف الثائر ابن الريف
بكل شجاعة شاور أشّر
ياللا انقضوا على بارليف
ياللا يا مصرى اقهر دمر
هد وحطم بلا تكليف
دوت صيحة الله أكبر
شقت جوف السما كالسيف
خلت فكر العدو يتخدر
وصار النصر لمصر حليف
..........................
خبر العبور كان صدمه
ذهلت عقول الأمريكان
والعالم قال فى دهشة
دا مكنش فى الحسبان
سألوا ديان فى جلسه
إزاى حصل دا وكان
ازاى دا كله يجرى
وكنتوا فين ياديان
قال تعمل ايه الدفة
وهى فى ايد غرقان
........................
وبكل الوفا وبكل الحب
بضمير صافى ما يعرف كدب
بهدى سلامى لأعظم شعب
ست وراجل بنت وشاب
وقت المحنه اتحدوا الصعب
صبروا وصلوا وقالوا يارب
كانوا إيد واحدة عقل وقلب
ويا الجيش على نفس الدرب
حلفوا ما يهدا ويرتاح جنب
إلا إذا راح وانزاح الكرب
...........................
وألف تحية لكل شهيد
ضحى بروحه ف يوم العيد
لاجل مايمحى عار النكسة
لأجل شموع النصر تقيد
فى السما علا جباه الأمة
خط بدمه عهد جديد
عهد ما يعرف نار ولاغربة
عهد سلام نشوان وسعيد
ألف تحية ومليون قبلة
لروح شهدائنا ف أجمل عيد | |
|
sokr7oda
المدير العام
عدد المساهمات : 35736
العمر : 39
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : لسه بدور
المحافظة : البحيرة
المدينة : دمنهور
نقاط : 41395
تاريخ التسجيل : 04/12/2008
| | موضوع: رد: ملحمة العبور الإثنين 11 أكتوبر 2010, 7:42 pm | |
|
شكرا ياعاشق لمجهودك الراقى
تقبل مرورى
| |
|
future flower
مشرفة سابقة
عدد المساهمات : 5823
العمر : 31
العمل/الترفيه : القراءه
المزاج : تمام الحمد لله
الجامعة : جامعة دمنهور
الكلية : كلية التجارة
الفرقة : الثالثة
الشعبة : شعبة عامة
المحافظة : البحيرة
المدينة : دمنهور
نقاط : 11539
تاريخ التسجيل : 09/08/2009
| | موضوع: رد: ملحمة العبور الثلاثاء 24 مايو 2011, 8:50 pm | |
| تسلم ايدك
وفى انتظار مزيدك
| |
|
