اية رايكم فى الموضوع دة

[ندعوك للتسجيل في المنتدى أو التعريف بنفسك لمعاينة هذه الصورة]

يا جماعة من مبادئ الإعلام الفاسد إنك تشتت الناس .. دلوقتي قلبوا الموضوع هل خالد تهرب من الخدمة العسكرية؟ بيشرب حشيش؟.. طيب يا سيدي: خالد مدمن مخدرات وهارب من الخدمة العسكرية زي نواب مجلس الشعب بتوع الحزب الوطني بتاعكم بالظبط ... عايزين نسأل سؤال: ازاي ينضرب في الشارع ضرب يفضي لحد الموت وصورته تبقى بالبشاعة دي؟ سنان متكسرة .. دم بينزف من خلف الرأس .. تورم بشع بعظام الناحية الشمال من الوش .. وكدمات في مختلف أنحاء جسمه وخاصة ودانه .. هل ممكن تفسرولنا يا ترزية ترقيع صورة الحكومة؟ تشريح ايه ده يا بشر؟ اقرأ كل جملة وغمض عينك واتخيل: انت دلوقتي قاعد في سايبر فجأة اتنين يكتفوك من ورا .. بتقاوم فيمسكوك الاتنين ويخبطوا راسك في الرخامة بتصرخ باعلى صوت ياخدوك على بره .. فكر معايا حاسس بايه وهما بيدخلوك تحت بير السلم ويضربوك في الحديد بتاعه مرة والتانية والتالتة راسك عمالة تنزف وجمجمتك اتشرخت بتستغيث بالناس ومحدش بينقذك بتصرخ هاموت يا ناس هاموت وهما لسه بيضربوك وحتى في اخر انفاسك بيتلذذوا بضربك برجليهم على راسك وعلى كل حتة حساسة في جسمك .. قل لي بأه .. حاسس بايه دلوقتي؟

الله يرحمه وينتقم له وياخد له حقه من اللي افتكرو البلد بقت بتاعتهم
ميرسي كتير ليك