تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

منتدى والمدير العام والاعضاء المميزه وعاشقيين الصمت وكل من فكر انه يتواصل وماتواصلش لسه .... ااحترت ابدا ازاى او اتكلم فى اى مكان من اماكن المنتدى بس قررت انه يكون فى القسم العام لانى موش لاقى لنفسى قسم هنا ؟؟؟ بس ياترى هوا انا جييت متاخر ولا ده الوقت المناسب بعد ما السنيين رسمت الخطوط والملامح على جبينى ؟؟؟ يمكن بعد ما السنيين غيرت من فكرى ووجهتنى لحجات تانيه كتييره كنت موش شايفها وانا لسه فى الكلييه زيكو .. المهم انا حبدا بحدوووته كده صغيره اتمنى كتيير منا يفهم معانيها لانها حصلت والله بجد فى جامعه كايرو وانا بشرب الكوفى وقت الاستراحه من سمنار هناك فى مركز البحوث وانا بحضر الماجستيير التانى فى حاجه كده حقول علييها بعديين ... الحوار ده دار بينى وبين شاب فى سنه اولى تجاره وزميلتو كانو جنبى فى الكافتيريا وقت الاستراحه واتعرفو على حسو انى كبيير قوى وانى بعمل اييه فى وسطيهم هاهاهااهاه ... الحوار ده انا قولتهلهم وانا بقولو وبحكيييه اتمنييت من جوايا انى كنت وقت ما كنت فى سنهم الاقى حد يقابلنى ويقولهولى لانه كان حيوفر على جرى وتعب سنيييين كتيير وانا بتاكل جوا تروس الحياه ....... وبجرى فى سكك كتيير متفرقه وكل ماوصل اخر واحده اوقف واقول اييه ده موش هيا دى سكتى انا عاوز غيرها ...... باختصار حكايتى مع الزمان ....... بس بصوتى انا موش بصوت الفنان والمبدع محمد منير قبل ما ابدا اتكلم فى التجارب والخبرات فى مجال العمل والبزنس والشغل ......... ..............يستكمل ......

بسم الله الرحمن الرحيم
احب الاول ان اشكر كل الاخواه والاخوات وزملاءى الكارم فى المنتدى على التواصل معى وعلى مرورهم بموضوعى ووضعهم للرد المشجع على التكمله
وحابب اقول لاخى الكبير ان الحياه فعلا مجموعه من التروس محدش حيحش بيها الا لما ينهى الدراسه ويبدا فى حياته العمليه ويلاقى نفسه ترس بيلف وسط تروس الحياه ومضطر انه يجاريها ويمشى اموره علشان يعيش بس الانسان الزكى هوا اللى يحط نفسه كترس فى الاله المناسبه .... المهم ما علينا نرجع لموضوعنا
كان الشاب والشابه اللى فى سنه اولى مستغربين جدا ازاى واحد فى سنى موجود فى الكليه وقاعد بينهم فى الكافتريا بيشرب قوهو ومعاه ورق ودوسيهات ....
انا ابتسمت وقولتلو يمكن كلامى ده يزعلكو بس خلينا نتكلم بصراحه ... انتو هنا ليييه ؟؟؟
قالولى هنا لييه ؟؟؟؟ علشان نتعلم ؟؟؟
قولتلهم تتعلمو اييه ؟؟؟
قالولى احنا فى كليه تجاره وبنتعلم علشان نتخرج ونشتغل ؟؟؟
انا ابتسمت وقلتلهم وهل انتو متخيليين انكم بعد ما تتخرجو حتشتغلو ؟؟؟
قالو اه البلد مافهاش شغل واحنا عارفيين كده بس لازم نتعلم ونتخرج وهوا ده الهدف ؟؟؟
ايوووه الهدف ؟؟؟؟؟.................
للاسف كلو فاكر ان ده الهدف والحقيقه ان لو ده كان الهدف يارتنى كونت استنييت فى الكليه لحد دلوقتى على الاقل كانت اجمل واحلى واروق ايام
للاسف كلنا موش عارفين الهدف ايييه ولا بره عاوزيين اييه ؟؟؟؟
يعنى اييه بره عاوزيين اييه ؟؟؟
بره انا اقصد بيه سوق العمل ......اصحاب العمل ..... الشركات .....
بجد يادى النيييله يعنى بعد التخرج ولا حتنفع الشهاده وفعلا ولا حتنفع حاليا لان متطلبات العمل عاوزيين حضرتك ماجستيير او دكتوراه او زماله من اى جامعه بره ....
يادى النيييله تانى يعنى لسه حدرس بعد الكليه يجى خمس سنييين كمان ....
ايوه هى دى امعادله الصعبه اللى محدش حاسس بيها ...
اولا انا عاوز ابقى اييه ...
وهل انا عاوزه ولا علشان لقييت المجموع رمانى هنا وخلاص فبقييت عاوزه ....
بره عاوزيين ايييه علشان اكون مناسب للمكان اللى رايحلو وعلشان مترفضتش ....
مطبخ بجد .... الحياه والعمل طبخه ومطبخ وتسبيييكه زى الفل محدش بيعرفها الا بعد ما يتخرج ويلف على شغل ويشتغل كام سنه ويرجع تانى للصفر ويفكر ....
هوا انا ليييه معملتش كده من كام سنه ووفرت الوقت ده كله ...
.... اعمل فاصل الاول هنا واروح موضوع تانى ونرجع للموضوع الاساسى
اخوكم العبد لله بيشتغل اييه يمكن مجدش يعرف او بيسال...
انا بشتغل فى وظيفه زى اعلاقات العامه والتدريب فى مجال الاتش ار او زى ما بيقول الهيومن ريسورس وبتغل مسؤل علاقات دوليه وشويه حجات تانيه كلها مرتبطه ببعض وحنقول بعديين ازاى ...
لفييت على كل مصانع مصر وكل المدن الصناعيه وعرفت ميين المسؤليين فيهم وميين اللى بيقولو علييه الكى بيرسون او سيد القرار ...
من خلال لفى ده لقييت ناس عندها خمسين سنه بتاخد مرتبات نص افرنك فى الشهر
ولقييت شباب بيقبضو فى حدود التلات او الارعه الاف فى الشهر ..... طيب ليييه ...
لان الشباب دوول عرفو احتياجات السوق اييه ودرسوها وعملوها وهما لسه فى الكليه او فى الصييف ...
ايوه النقطه هنا بقى ....
نرجع تانى .... ممكن
فاقالى الشاب حضرتك لخبطتى يعنى انا اعمل ايييه ولا ايييه ؟؟؟ ولا اعمل اييه علشان لما اتخرج ابقى مطلوب وكان ده هوا السوال الصح اللى انا كنت مستنييه ...
قولتلهم انتو تجاره ... يعنى حتتخرجو من قسم اييه ولا حابيين قسم اييه ...
قالى محاسبه ان شاء الله قولتلو اى قسم موش مهم المهم انك تمشى فى خطين متوازيين ...
بمعنى تدرس فى الكليه وفى الصيف تروح اى مكان تتعلم منه بالمجان تطوع يعنى وخلى صاحب المكان وبرغبه منك والحاح يضغط علييك فى الشغل ...
يعنى اييه يسخرنى عنده ببلاش ....
انا ابتسمت وقولتلو اه يارييت كنت لقييت اللى يعمل معايا كده تعرف ليييه ؟..
لانى بعد ماتخرجت وروحت اشتغل ...قالو خرييج جديد طيب تعالى بقى لما تتفرم عندنا بنص افرنك ...
اوووووه نص ارفنك طيب انا بحب وعاوز اخطب واتجوز وعاوز عربييه وعاوز وعاوز ....
طيب اقبل ولا امشى ؟؟؟؟ لا حقبل لانى اتخرجت وخلاص المصروف بح بح وقف
ماهما بيعملو كده لييه لانى جديد ومعنديش خبره ...
خبره ....
هى دى اللى انا عاوزه بس اخدها امتى بقى
<FONT color=black>اخدها بقى فى الكليه وانا بدرس من اول سنه ومجهود جامد قوى قوى علشان لما اتخرج واروح عند حد اشتغل حيكون كونت اسم لى فى السوق وفى مكاتب المحاسبه او فى الجمارك او اداره الاعمال او اى مجال انا بحبه
حكون خدت كل الكورسات اللى بتتباع مخفضه للطلبه وانا لسه طالب وجمعت كل الشهادات اللى اقدر اجمعها تبقى جنب شهاده التخرج بتاعتى تعزز مكانى فى سوق العمل ...
وانا طالب عندى الوقت فى الصييف ..
ناس كتيير بتدينا بدعم ...
لما اخلص بقى الكورس الواحد تكلفته بتبقى مهوووله وبتوصل فى تلات ايان لخمسه الاف جنييه واكتر والله
قالولى يعنى تنصحنا باييه ؟؟؟
انا قولتلو بكل امانه وحياهه ولادى كان نفسى من 12 ولا 15 سنه حد يقولى الكلام ده وكانت حياتى حنكون احسن من كده مع ان الحمد لله انا عملتو بس كلفنى كتييير قوى وتعب وشغل سنيييين دفعتو اتعلم وانا بشتغل علشان افضل مطلوب فى السوق وعلشان ابقى مدير تسويق ومبيعات دولى موش جوا مصر وبس وعلشان لما ارفع السى فى بتاعى على اى موقع توظيف انطلب فى شركات اجنبيه .... اجنبييه ااااااه يبقى اللغه مهمه كمان
تعملو اييه بقى ودى نصحتى ليكو ولك الزملا ....
انا النهارده اروح من الكليييه اسال نفسى انا عاوز ابقى اييه او اوصل لاييه ؟؟؟ او احقق اييه ؟؟؟
انا عاوز ابقى ميين فى المجتمع او طموحى لحد فيين ....
انا بدرس تجاره او اداب او تربيه او اى كليييه ...
طيب حتخصص مجال ايييه واجرى اتدرب فييه وببلاش لانى باخد مصرووف وبيتصرف لسه على ...
اجرى اشوف الدورات اللى بتتعرض للطليبه ومدعوومه واجى اخادها واعمل لنفسى فايل اجمع فيييه الشهادات اللى بتقول خبرتى اهى ...
اعمل علاقات فى السوق ويعرفونو وانا طالب انى بدرس وباشتغل فى المجال نفسو يعنى اللى بدرسو بطبقو ... الله انا على كده لو بدرس محاسبه وبشتغل عند محاسب موش محتاج ازاكر بقى لانى بشتغل عملى ...
يبقى بعد اربع سنيين دراسه حتخرج والاول كنت حروح ادور على وظييفه وانا معنديش خبره ويياااااااااادوب الفايل بتاعى فيييه شهادتى وشهاده الميلاد وحبه اوراق ولا ليهم اهميه ولا حيزودو المرتب
انما دلوقتى لا بالفكر الجديد لا
معاي شهادتى
وحبه شهدات دورات وكورسات من اماكن صح وحلو
شهادات خبره بتقول انى فى المجال بقالى اربع سنييين وعندى خبره كويسه
والباقى حبه الاوراق التانيه اللازمه للتوظيف ...
هل بقى ساعتها حشتغل بنص افرنك ؟؟؟؟
هل ساعتها حترفض ....
هل ساعتها حيقولولى لا موش محتاجييين ؟؟؟؟؟
والله وانا متاكد لا وشتييين لا بل بالعكس حتكون متخر او متخرجه جديد بس عندك خبره سنييين والكل عارفينك فى مجال العمل
وبكده كل واحد منا يبدا بدايه صح فى حياته العمليه ويقدر يبدا فى مكان كويس يكبر فييه ويقدر يكمل الكورسات الحديثه اللى بتنزل كل يوم زى الزمالات والحجات دى .....
الحياه حتكون مرتبه اكتر والله والبدايه حتكون افضل واقوى ...
ودى كانت نصحتى للشاب وزمييلته واقنعو بيها ولحد اللان هما متواصليين معايا على الايميل والتلفون وبقو اخوات لى
ودى نصحيتى لكل اخواتى وزملاءى هنا فى المندى على مختلف الكليات ...
وانا بفتح باب النقاش بينا اللى حابب يسالنى او يستفسر مننى على اى حاجه انا تحت امره ....
اللى حابب يعرف اماكن شغل يدرب فيها انا تحت امره ....
اللى حابب يطلع على الجديد واللى موش متوفر ببلاش فى مجالات التدريب والاداره انا تحت امره ...
لانى مديين لكل من علمونى وساعدونى انى اكون انسان انى ارد الجمييل ده فى الغيير وكما تدين تدان
واخر حاجه فى الدنيا ممكن يكون فيها بخل هى العلم
انا منتظر المداخلات من الجمييع هنا او على الخاص او فى اى مكان وبشكل اخوى
واخرا وليس اخيرا احب اقول
اللهم ارحم والداى كما ربيانى صغير ... وادخلهم فسيييح جناتك
وزكاه العلم هوا ان تعلمه لغييرك
والله الموفق للجميع
اخوكم احمد الرشيدى