طب انا بقى هنزل ومفيش حساب ؟

بنت واقفه فى الشارع مستنيه تاكسى عشان ينقلها للجامعه عشان مستعجله وعاوزة تلحق الامتحان
...الشوراع زحمة والتاكسيات كلها مليانة
واقفه مستنيه
ومن بعيد جاى تاكسى فيه رجل راكب جنب السواق
البنت : تاااااااااااااااااكسى
سواق التاكسى : على فين
البنت : الجامعه وبسرعه لو سمحت عشان عندى امتحان
سواق التاكسى : ماشى
ركبت البنت التاكسى وانطلق السائق فى طريقه
وفى الطريق اشار للتاكسى احد الشبان
الشاب: المحطه
سواق التاكسى : اركب ورا



جن جنون البنت


البنت : يركب فين حضرتك؟..
سواق التاكسى : ورا جنب حضرتك
البنت للرجل الراكب جنب السائق : ممكن حضرتك ترجع ورا وانا هركب قدام
مانا مستحيل اعد جنب شاب


الرجل : وهوا فيها ايه يعنى لما يركب جنبك
البنت : فيها ايه يعنى ازاى ؟...
فتحت البنت بابا التاكسى ونزلت واوقفها السواق يريد حسابه ولكنها انطلقت وتركته دون حساب



سؤالى لك ايها الشاب : هل تقبل انك تركب فى الخلف مع فتاة لا تمت لك بصله حتى ولو كنت مستعجل على معادك ؟...
وسؤالى لكى ايتها الفتاه : ما رأيك فى تصرف تلك الفتاة ؟.. وهل تقبلى على نفسك ان تركبى فى الخلف مع شاب لا تعرفيه حتى تصلى فى معادك وتلحقى الامتحان ؟..

بالنسبه لى استحاله اعملها

وعلى فكرة حصلى موقف مشابه وعجبنى فيه السواق اوى

كنت انا و والدى بنشاور لتاكسى وبعدين كان فيه واحده راكبه هى وبنتها فى الكرسى اللى ورا

ف جه السواق قالى تعالى انت معايا قدام وقال لوالدى يقعد هو فى الكرسى اللى ورا

جميل اوى تصرف البنت دى
الكلام ده فعلا لو تاكسي طبعا هارفض
لكن مسافرة طبعا لكليتى وعربيه كلها ركاب وانا قاعده ومفيش غير مكان واحد فاضى اللى هو جنبى جه حد قعد مش هقعد طبعا هختار اللى هيقعد جنبى بس هاعرف اخليه قاعد محترم
لان ظروف السفر الطويل بتختلف

تقبل راى