تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

عندما تتعالى أغنية الفنانة شادية "يا دبله الخطوبة عقبالنا كلنا ونبني
طوبة طوبة في عش حبنا" في الفرح أو الخطوبة طبعا فمعناه أنه قد حانت لحظة
"تلبيس" الدبل والشبكة.. طبعا
الكل بيبقى فرحان وهات يا تصوير وزغاريط، لكن حد فكر في الشبكة دي جابها
العريس إزاي؟ دفع فلوسها منين؟ على ذوقه ولا ذوق مين؟..

اللي دايما كنا بنسمعه أن "الشبكة هدية
العريس للعروسة"، لكن للأسف تحولت الشبكة في الزمن ده إلى "هدية بشروط"،
يعني تلاقي وقت الاتفاقات أهل العروسة يقولوا للعريس الغلبان: "والشبكة يا
بني دي هديتك للعروسة.... وتظل الأقواس مفتوحة لا تقفل والكلام يستمر مش
بيخلص.... "بس عايزين نعرف حتجبها بكام؟"... ولو العريس سكت شوية تلاقي
الكلام: "إحنا بس عايزين نعرف حدود إمكانياتك".

أو تلاقي أبو العروسة بكل "تناكة"
بيقول: "والشبكة دي هديتك للعروسة ... إن شاء الله تكون 15 ألف".. تزيد أو
تنقص طبعا حسب كل أسرة، ولو جت من العريس وقال: "أنا ح جيب شبكة بـ 10
آلاف" .. تلاقي الرد: "طيب ما تزودها شوية خليها 12.. وكله ح يبقى في بيتك
في الآخر".. ما هي تجارة وفصال!.

أو تلاقي أم العروسة تقول: "الشبكة
تكون زي أختها"، ولو معندهاش أخت تقول: "بنت أختي جالها شبكة بكذا"، ولو
اعترض العريس تلاقيها تقول بحنان: "عايزين نفرح البنت".. يعني هي البنت
كانت زعلانة طول عمرها عندكو ودهب العريس هو اللي ح يفرحها ويطلعها من
الحزن؟!

أما اللي يفرس فعلا لما العريس يرضخ
لطلبات الحاج والحاجة عشان عيون بنتهم، أن الناس مش تسكت بقى لا تلاقي
الحاجة تقول: "والدهب بقى ح نجيبه من الجواهرجي بتاعنا"... ماشي يا أمي
أكيد الجواهرجي ح يكرمنا وينزل من المصنعية، بس مش شايفة أن كلمة "بتاعنا"
دي تفرس شوية؟!!

ولو وافق العريس على كل الشروط اللي
فاتت على "هديته"، وتم تحديد موعد للشراء ممكن يحصل شيء آخر، يلاقي العريس
موبايله بيرن قبلها بيوم ويكون المتصل والد أو والدة العروسة: "إحنا بقى ح
ننزل يا بني ننقي الشبكة النهاردة.. أصل فلانة قريبتنا ما شاء الله عليها
بتفهم في الدهب كويس.. والجواهرجية بيعملوا حسابها.. وكمان عشان وقت
الشرا ما نخدش وقت طويل"!

كماااان.. يعني أنتوا اللي بتنقوا
الهدية، وح تخترها الست فلانة مش العروسة ومش سايبن حتى العريس يقول
رأيه!.

وطبعا يوم الشراء وسط الأسرتين ما على
العريس إلا دفع دم قلبه تمن الشبكة ولا يُبدي رأيه، ما هو لو أبداه يعني
بيعدل على ذوق الست فلانة الخبيرة وأهل العروسة اللي بيثقوا في ذوقها، ودي
معناها أنه بيشتمهم!.

حاجة كمان بتلاحظها يوم شرا الشبكة على
الستات اللي جايين من طرف العروسة، كلهم لابسين الدهب اللي عندهم كله،
واللي ممكن يكونوا مستلفينه من الجيران، وطبعا ده عشان يبينوا أن عندهم
دهب ومجوهرات تلبسهم من ساسهم لراسهم، وأن الدهب اللي العريس ح يجيبه نقطة
في بحر!.

عند وزن الجواهرجي للشبكة تلاقي العريس
–يا ولداه- ضربات قلبه بتزيد ومستني كلمة الجواهرجي عن تمن الجرامات كأنه
مستني نتيجة الثانوية العامة، وطبعا وأكيد وحتما الشبكة اللي اختاروها
تطلع أزيد من التمن المتفق عليه أو اللي العريس عامل حسابه عليه، وهنا
تلاقي أبو العروسة بكل دهاء يقول: "خلاص أنا هشيل الزيادة"، لكن العريس من
سذاجته ولأنه عارف أنه خلاص "إدبس" ح يقول: "لا لا يا عمي.. خلاص خلاص
مفيش مشكلة.. أنا عامل حسابي"، وهو يا عيني مستلف الفلوس وح يدفع اللى
وراه واللى قدامه.

ويكتب الجواهرجي الفاتورة ويسأل السؤال
المعتاد: "أكتبها بإسم مين؟"، وتبتدي المشكلة بين الأهل "بإسمها".. "لأ
بإسمه"، ويعدي الموقف بتسليم العريس لأنه مش عايز مشاكل وفضايح من أولها.

وتتحط الشبكة في علبة شيك، وتظهر
المشكلة التانية.. لحد وقت الفرح الشبكة ح تكون عند مين العريس ولا
العروسة؟.. "إنتوا مش واثقين فينا ولا إيه"، "لازم أفرج الشبكة لأخواتي
وبنات العيلة".. وبرده يرفع العريس الراية البيضا للمرة التانية.

آدي ما يفترض أنه "هدية العريس
للعروسة".. لا حول للعريس ولا قوة في اختيارها، وحتى دبلته هو، بتكون على
ذوق العروسة..

فعلا: "الراجل مش بس بكلمته.. الراجل
بموافقته على شروط هديته"!!.

اقتباس :: "الراجل مش بس بكلمته.. الراجل
بموافقته على شروط هديته"!!

هههههههههههههههههههههههههههههه

ومالها العزوبيه بس يازميل

وبعدين كلها 10 سنين ويمكن اقل

والعروسه هيا اللى هتجيب الشبكه

ياعم الحب والرومانسيه دول حياه لوحدهم بجد كويس جدا لما تتجوز البنت اللى بتحبها
احساس جميل عنيك تيجى فى عنيها موش لاقين كلام تقوله كلام الكلام هيكون
"ياحبيبى خلاص بقينا واحد ادام الناس كلها"
عزوبيه ايه يا ناااااااااااااس
خلاص هتجنن

والله يابودي مش ديما بيحصل ده
دلوقت الوضع ابتا يتغير شويه
علشان ظروف الدهب الا غليت دي
وفيه ناس كتير مش بيهمها اوي الحكايه دي
وبعدين العريس لازم يجيب شكبكه كويسه
علشان تليق بيه حتي
مهي هتشرفه هو ف الاول

مشكوور جدااا بودي
لمووضعاتك جميله

تقبل مروري

italiano كتب:: ياعم الحب والرومانسيه
دول حياه لوحدهم بجد كويس جدا لما تتجوز البنت اللى بتحبها
احساس جميل عنيك تيجى فى عنيها موش لاقين كلام
تقوله كلام الكلام هيكون
"ياحبيبى خلاص بقينا واحد ادام الناس كلها"
عزوبيه ايه يا ناااااااااااااس
خلاص هتجنن

ههههههههههههههههههه
رومانسية ايه بس
انت عارف ان دي اول حاجه كدب ف ايمنا دي
واول متخطب هتلاقي المسؤليه قدامك
وعايز تجهز ومش عارف ايه
وهتتلهي ف الشقه
ومش هتلاقي وقت اصلا تحب فيه
هههههههههههههههههه
وبعدين انتا لسه بدري اوي عليك
انت فين والجواز فين
ههههههههههه
انا بارفع من معنوياتك بس

ههههههههههه

على راى يونس

انا عازب اذا انا حر

ياعم سيبك بلا حب بلا خطوبه بلا وجع دماغ

انا كده ملك وعايش حياتى

هههههههههههههه
يا عينى انت مفروس قوى شكلك مجرب
بس المهم ان العريس يقدر قيمة العروسة اللى حيتجوزها مش مهم الشبكة كام ده رايى
على فكرة الموضوع جمييييييييييل

الواحد ميلاقيش عروسه كده

يديها الشبكه بحبك

والشقه قلبي

والعربيه روحي

والمهر بموت فيكي

هههههههههههههههههههههه

دي تبقي ميه ميه يا جماعه

جميل يا عبدالله الموضوع ده بس اهدي شويه

وعمك احمد الشيخ الرومانسي هند نزلته الواقع

وهيكا نازل الواقع علي الاخر وموته كمان

ههههههههههههههههههههههههههههههه

اولا ميرسى ياعبد الله على التوبيك
ثانيا احب اوضحلك حاجة انت وكل الاعضاء الشبكة ليست هدية من العريس الى العروسة ولكن الشبكة جزء من المهر وفقا لعرفنا المصرى كما ان العروسة ابوها بيشترط تمنها عشان دة مهر بنتة مش هدية والهدية لايشترط ثمنها واذا حدث خلاف بين العروسين من حق العريس المطالبة بشبكتة واذا رفضت العروسة يستطيع ان يرفع دعوى امام القاضى بينما لو كانت الشبكة هدية فيسقط حقة فيها يارب اكون قدرت اوصلكم المعلومة

تسجيل حضور ولى عوده

انا من راي انا ان الشبكه دي لازم تكون اغلي حاجه واكتر من 20الف جنيه عشان بعد الجواز لما يفتكر المبلغ ده ينسي انه يحاول يلعب بديله دغير المهر والمؤخر فينسي خالص موضوع الخيانه ويلم نفسه وهو ده فعلا الي بيحصل

انا ضدك يامصرية فى الراى دة لان اللى بيخون مبيهموش الفلوس مهما كانت قيمتها

انا باة عوزة عريس يكون ابن حلال يقدر يسعدنى ويحافظ عليا ولو على الشبكة مش مهم تكون كتيرة ولاغلية لانة ممكن يجبهالى غلية ويكون مديون فى ثمنها وبعد الجواز يبيعهالى فاانا عوزة واحد يجبلى على قدة وميدينش عشانى عوزاة على قدة

لا دا انت كماااااااااان نسيت تتكلم عن الشقه

ييجوا اهل العروسه يقولوا احنا عاوزييييييين الشقه 7 اوض وصاله

ههههههههههههههههههههههههههههه

تسلم ايديك على الموضوع

تسلم ايدك امير
بس معترضه معاك فى الراى الشبكه عمرها مكانت اهم حاجه ولا الشئ الاساسى الى بيكون عليه اساس الجواز ودى اراء

السلام عليكم ورحمة الله وبركاته

اولا بحييك جدا جدا على الموضوع الجامد داه ياعبد الله

واللى حيطرح بينا وبين الاعضاء شويه انتقادات

وبعد احترامى لكل اللى ردو قبلى على الموضوع

نتكلم فى اول حاجه ونحاول ناخدها تدريجيا

بعد الموافقه والاتفاقات لام يكون العريس ليه دور
ورد وراى وشخصية وانا من راى انو مش لازم يكون فى كل حاجه
نوع الاستسلام داه

وداه ممكن بيرجع لحاجات احنا عارفينا
ياما بيحبها واى طلب ينفذ علشان تكون ليه

وهنا برده بقول لازم يكون فيه راى

او بقى هو ملهوش دعوه باى مصاريف مجرد حيروح ويحط ابدبه
فى جيبه وحد حيدفع له وطبعا مين الحد داه عارفينه

تانى حاجه
بالنسبة للشبكة فداه فعلا شىء ضرورى ومش شرط يكون
حاجه غاليه وكل انسان على قد مقدرته

لكن من راى ان الشبكة ان داه شىء ضرورى
تقديرا للعروسه

حكايه انك قايل مثلا انا حجيب شبكه ب 10000 ووالدها

يقول ماتزودها شوية 12000 داه فى الاساس غلط

لان الحكاية كده بقت تجارة فى البنى ادمه اللى حيتقدم لها
والمساله كلها مش كده

وداه يمكن بيقلل من شان العروس

وحكاية الجواهرجى ديه متهيالى مش حتفرق يعنى
من اى مكان

اقتباس :: كماااان..
يعني أنتوا اللي بتنقوا
الهدية، وح تخترها الست فلانة مش العروسة ومش
سايبن حتى العريس يقول
رأيه!.

انا بقى بعلق هنا وممكن ارد عليه فى نفس التليفون واقوله
هى الست ديه هى اللى انا حتجوزها ولا العروسة

لآن مش فى كل حاجه لازم اننا نسكت واهم شىء
ان اهل العروسه يعرفو ان انت ليك رأى فى كل شىء

ومتهيالى يعنى العروسه هى اللى تنقى اللى هى محتاجاه مش حد تانى
وممكن تكون والدتها معاها عادى

اقتباس :: "إدبس"
ح يقول: "لا لا يا عمي.. خلاص خلاص
مفيش مشكلة.. أنا عامل حسابي"

هنا الموضوع بيكون محرج ومش حينفع انك تعلق على اى حاجه

ممكن بتفكيرهم يقولو انك بخيل ومماشيها بالظبط

بس لازم نفتكر هنا مين اللى خلف الشروط والسعر

وى ماقولنا انها مش تجارة او بضاعه رايح اشتريها

اقتباس :: "بإسمها".. "لأ
بإسمه"

مش حتفرق ديه لآنو حيكون ليها اصلا

اقتباس :: لحد وقت الفرح الشبكة ح تكون عند مين العريس ولا
العروسة؟

بصراحه لازم تكون عند العروس ولازم العريس برده
يشوفها ويوريها لاهله

موضوع جميل جدا فعلا يا عبد الله

بس على فكره فيه ناس كده فعلا وفيه ناس غير كده خالص
يعنى مثلا

هاتكلم عن نفسى
انا جبت ب 15 وخطيبتى كانت اختها جايلها ب 24 من 3 سنين
محدش قالى لازم زى اختها ولا حاجه
وبعدين ده كله بتاع العريس فى الاخر
لو قالها اقلعيه هبيعه تانى يوم الفرح هتقلعه مش هتقول لا
وهى واصلها
وفيه ناس بتجيب دبلتين ومحبس وخاتم وخلاص
(وبعد كده ربنا يسهل والى تقدر عليه يابنى)
وبالنسبه للنقاوه العريس بينزل هو والعروسه واختها او بنت عمها لو معندهاش اخوات بنات
وممكن العروسه واخت العريس وبس
وموضوع الدهب يكون عند مين لحد الشبكه كان عندى العكس
هما يقولولى خليه معاك وانا اقولهم لا خليه معاكم
الى هيتفرج ده لا هيزوده ولا هينقصه ولا هيدفعلى من معاه
بل بالعكس ممكن يخبطنى عين يودينى فى الكازوزا

والفاتوره دلواتى بتتكتب باسم الاتنين العريس والعروسه
الجواهرجى من نفسه من غير ما يسأل

اقتباس :

انت عارف ان دي اول حاجه كدب ف ايمنا دي
واول متخطب هتلاقي المسؤليه قدامك
وعايز تجهز ومش عارف ايه
وهتتلهي ف الشقه
ومش هتلاقي وقت اصلا تحب فيه
هههههههههههههههههه

هههههههههههههه
لا هتعيشلك يومين رومانسيه برده فى الاول
وفعلا موضوع المسئوليه والكلام ده كله
بس برده لو انتا مش قدها او تقيله عليك مكنتش خطبت
محدش ضربك على ايدك عشان تخطب

اقتباس :

طبعا الى ملوش راى من اولها هيبقا ايه بعد كده (00000)

اقتباس :

"إدبس"
ح يقول: "لا لا يا عمي.. خلاص خلاص
مفيش مشكلة.. أنا عامل حسابي"

مش شرط تدبيس
هو ممكن يكون فيها احراج فعلا بس عادى اكيد الفرق مش بيكون كتير
عندى قلت 200 جنيه
كانت احلا مصلحه دى
هههههههههههههههههههههههه

اقتباس :

لحد وقت الفرح الشبكة ح تكون عند مين العريس ولا
العروسة؟

بصراحه لازم تكون عند العروس ولازم العريس برده
يشوفها ويوريها لاهله

زى ما قلت مش هتفرق لان الى هيتفرج ده مش هيفرق معاك حاجه

سؤال للكل
انتا لو اتفرجت على شبكه عروسه هتفرق معاك حاجه
هتفرق مع العريس حاجه
هتفرق مع العروسه حاجه؟؟؟؟؟؟؟؟؟؟؟

هو موضوع فضول وحشر مناخير مش اكتر
ومحدش يقولى عشان اقول مبروك
لانك يعنى مش هينفع تقولها من غير ما تتفرج على الدهب

اقتباس :

مش شرط ولا قاعده خالص لان الخاين هيفضل طول عمره خاين مش الفلوس هى الى هتربطه
لا تانى يوم من الجواز لو قالها اقلعى الدهب ابيعه لانى مزنوق فى فلوس هتقلعه
ولو مقلعتهوش هتبقا معندهاش اصل

واخر حاجه احب اعلق عليها
ان الى يندين عشان يتجوز يبقا غلطان ويستاهل ضرب ال0000
لان مجاتش عالفتره الى هيكمل فيها نفسه
وعلى راى المثل
يابخت الى عاش عازب ولا اتجوز مديون
لان الى بيبدا مديون بيعيش طول عمره مديون
ودى قاعدتى ورائ شخصى

younis كتب:

اقتباس :: "الراجل مش بس بكلمته.. الراجل
بموافقته على شروط هديته"!!

هههههههههههههههههههههههههههههه

ومالها العزوبيه بس يازميل

وبعدين كلها 10 سنين ويمكن اقل

والعروسه هيا اللى هتجيب الشبكه

ههههههههههههههههههههههه

الجواز سنة الحياه يا يونس

italiano كتب:: ياعم الحب والرومانسيه دول حياه لوحدهم بجد كويس جدا لما تتجوز البنت اللى بتحبها
احساس جميل عنيك تيجى فى عنيها موش لاقين كلام تقوله كلام الكلام هيكون
"ياحبيبى خلاص بقينا واحد ادام الناس كلها"
عزوبيه ايه يا ناااااااااااااس
خلاص هتجنن

كلامك جميل اوى يا احمد ومظبوط

بس انت شكلك واقع واقعه سواد

ههههههههههههههههههههههههههه

شكرا لمرورك الجميل يا حبيبى

نورت التوبك

عاشقة الصمت كتب:: والله يابودي مش ديما بيحصل ده
دلوقت الوضع ابتا يتغير شويه
علشان ظروف الدهب الا غليت دي
وفيه ناس كتير مش بيهمها اوي الحكايه دي
وبعدين العريس لازم يجيب شكبكه كويسه
علشان تليق بيه حتي
مهي هتشرفه هو ف الاول

مشكوور جدااا بودي
لمووضعاتك جميله

تقبل مروري

حتشرفه هو الاول

اه منكم انتم

بس اعتقد ان لو اهل العروسه كويسين

و عارفين ظروف الدهب ده كويس

اكيد مش حيطلبوا من العريس انه يجيب كتير

و كمان يخلوه يجيب على قد ما يقدر

مشكووووره هند لمرورك

نورتى التوبك

عاشقة الصمت كتب:

italiano كتب:: ياعم الحب والرومانسيه
دول حياه لوحدهم بجد كويس جدا لما تتجوز البنت اللى بتحبها
احساس جميل عنيك تيجى فى عنيها موش لاقين كلام
تقوله كلام الكلام هيكون
"ياحبيبى خلاص بقينا واحد ادام الناس كلها"
عزوبيه ايه يا ناااااااااااااس
خلاص هتجنن

ههههههههههههههههههه
رومانسية ايه بس
انت عارف ان دي اول حاجه كدب ف ايمنا دي
واول متخطب هتلاقي المسؤليه قدامك
وعايز تجهز ومش عارف ايه
وهتتلهي ف الشقه
ومش هتلاقي وقت اصلا تحب فيه
هههههههههههههههههه
وبعدين انتا لسه بدري اوي عليك
انت فين والجواز فين
ههههههههههه
انا بارفع من معنوياتك بس

قطمتى الواد يا هنوده

ههههههههههههههههههههههههههههههههههههههههههههه

بس الرومانسيه والحب موجودين

لو الطرفين بيحبوا بعض حب صادق

hika كتب:: ههههههههههه

على راى يونس

انا عازب اذا انا حر

ياعم سيبك بلا حب بلا خطوبه بلا وجع دماغ

انا كده ملك وعايش حياتى

يا بنى الجواز

انت بيه بتكمل نص دينك

ههههههههههههههههههههههههه

رؤيا كتب:: هههههههههههههه
يا عينى انت مفروس قوى شكلك مجرب
بس المهم ان العريس يقدر قيمة العروسة اللى حيتجوزها مش مهم الشبكة كام ده رايى
على فكرة الموضوع جمييييييييييل

ههههههههههههههههههههههههههههه

مجرب ايه بس يا رؤيا

لسه بدرى

كلامك مظبوط جدا جدا جدا

و ده رايى انا كمان

مش مهم الشبكه

المهم انهم يقدروا بعض

مشكووووووووووره لمرورك

نورتى التوبك

wantedMan كتب:: الواحد ميلاقيش عروسه كده

يديها الشبكه بحبك

والشقه قلبي

والعربيه روحي

والمهر بموت فيكي

هههههههههههههههههههههه

دي تبقي ميه ميه يا جماعه

جميل يا عبدالله الموضوع ده بس اهدي شويه

وعمك احمد الشيخ الرومانسي هند نزلته الواقع

وهيكا نازل الواقع علي الاخر وموته كمان

ههههههههههههههههههههههههههههههه

هههههههههههههههههههههههههههههههههههه

ده انت ناقص بقى تقول

ان هى تشتغل وانت تقعد زى البيه ف البيت

جيجى كتب:: اولا ميرسى ياعبد الله على التوبيك
ثانيا احب اوضحلك حاجة انت وكل الاعضاء الشبكة ليست هدية من العريس الى العروسة ولكن الشبكة جزء من المهر وفقا لعرفنا المصرى كما ان العروسة ابوها بيشترط تمنها عشان دة مهر بنتة مش هدية والهدية لايشترط ثمنها واذا حدث خلاف بين العروسين من حق العريس المطالبة بشبكتة واذا رفضت العروسة يستطيع ان يرفع دعوى امام القاضى بينما لو كانت الشبكة هدية فيسقط حقة فيها يارب اكون قدرت اوصلكم المعلومة

جميل رايك يا جيجى

وشرا للاضافه والمعلومه الجميله

نورتى التوبك

sokr7oda كتب:: تسجيل حضور ولى عوده

منتظر عودتك

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

دبلة الخطوبه تدبيس ام تلبيس ؟؟؟؟