طلب من جميع طلاب الفرقه الثالثه والرابعه

مع انك طلبت من طلبة الفرقة الثالثة والرابعة بس لكن حرد عليك افضل قسم هو المحاسبة لانه فعلا اوسع فى مجال العمل وهو قسم لذيذ جدا وعلى فكرة انا مكنتش بحب المحاسبة زيك بس محاسبة تالتة ورابعة جميلة جدا وحتدرس مواد محاسبة جديدة وجميلة اما بالنسبة للدكاترة فانا سمعت ان الدكارة اللى كانوا بيدونا اتغيروا وهما بجد كانوا افضل واحسن دكاترة فى الكلية
وربنا معاكم وتخلصوا على خير

صلى صلاة استخارة وخلى ربنا يختارلك
واللى قلبك يرتاحله
توكل على الله وربنا يوفقك

بالنسبه ليك لو انت بتذاكر من الكورسات اذن افضل قسم هيريحك في الورق هو المحاسبه اما باقي الاقسام ورقها غالبه مش متوفر وانا كنت زيك اكره المحاسبه بس لما دخلت لقيتها اسهل من محاسبه تانيه وانا بقي طالع من امتحان المحاسبه بقول يا رب انجح بس عاديه يعني خليك في المضمون احسن

والله يا مان معدتش تفرق سينا من سونيا
كله بطيخ .. ادخل قسم محاسبة وريح دماغك .. الشهادة ملهاش لازمه اصلا لو ليك واسطه او هتدفع رشوة هتشتغل حتى لو قسم بطيخ ما الشهادة اللى معاك بكالريوس ولو هتطلع برضه محدش بيدور على قسم اسمك محاسب..
تخيل بقه انا كنت واضع لنفسى انى ادخل اى قسم تانى غير المحاسبة وسبحان الله لقيت نفسى داخل قسم محاسبة ازاى!!!!
الدفعه كلها قسم محاسبة معادا شوية كده تلقيهم فى ركن بتوع جمارك وشوية ادارة وامين على كده
الفرق بين قسم المحاسبة وقسم الادارة اللهم ماده محاسبة ولا حاجه وباقى المواد كلها هتاخدها ده الكلام فى سنة تالتة.. ورابعه تقريبا هتختلف شوية
يعنى معدتش تفرق سينا من سونيا ... يلا غور [ندعوك للتسجيل في المنتدى أو التعريف بنفسك لمعاينة هذه الصورة]