الحلفانات عندنا 24 ساعه .........
بسم الله ما شاء الله الشعب المصري اجدع ناس تحلف ايمانات ربنا على اي حاجه
تيجي تكلم واحد تقوله الشعب المصري ده بيحلف كتير اوي
يقولك والله العظيم تلاته دي اشاعه طيب يمين بالله اللي بيقول كده ده مفتري
ولا يسلام بقى تيجي تسال واحد على معاد برنامج ولا فيلم يقولك الساعه 6 تقوله بس تقريبا كان بيجي الساعه 7 علشان تتاكد بس مش علشان شاكك انه يكون بيضحك عليك
يقولك والله العظيم ابدا اقسم بالله بيجي 6
يعم فيه ايه انا قولتلك احلف
علطول اسهل حاجه عندنا الحلفان مش عارف ليه يعني ما اللي عايز يصدق يصدق واللي مش عايز براحته
هل ده عدم ثقه بالنفس ولا لعدم ثقه الاخرين بيك ولا علشان يتاكدو وميسالوش تاني
مش عارف بصراحه مع ان الحلفانات الكتير اعتقد ان اللي لسه مولودين بيبقو عارفين ان الحلفان على اي حاجه حرام بس لا حياة لمن تنادي
انا قولت اشوف رايكو ايه ......
موضوع: بنحلف كذب 24 ساعه في ال 24 ساعه .. وعجبي ... 
