تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بسم الله الرحمن الرحيم

السلام عليكم ورحمه الله وبركاته

طبعا كل الاخوة والاخوات عرفوا اسم الموضوع وهو

( ياترى اية هديتكم الى الله ورسولة يلا ادخلوا سجلوا هديتكم بسرعة )

طيب ياترى انا اقصد اية من العنوان دة؟؟؟

اقولكم

طبعا انا مش محتاج اقولكم على نعم ربنا على كل واحد فينا وانه اد اية كريم وغفور وحليم وووو......

وكلنا عارفين ان نعمه علينا لا تعد ولا تحصى ولا بنقدر نقدرها بثمن ولا بكل كنوز الدنيا

وبردوا كلنا عارفين اد اية الرسول صلى الله عليه وسلم تعب وجاهد وبذل الكثير من اجل نشر رسالة الاسلام ولكى

يجعلنا مسلمين وتعرض للاذى وتحمل الكثير من اجلنا

طيب بذمتك لو واحد عمل معاك حاجة حتى لو حاجة بسيطة مش بتردهالة بهدية

طيب تخيل بقى ان ربنا ورسوله عملوا معانا كل دة واكتر تتخيل بقى احنا المفروض نقدم اية

اقولكم على حاجة كمان

طبعا كلنا بنخطئ وبنرتكب ذنوب لان ربنا سبحانه وتعالى قال كل بنى أدم خطاء وخير الخطائون التوابون

يعنى مفيش حد مننا مش بيعمل خطا سواء كان كبير او صغير لكن المهم اننا نتوب على طول وبسرعة وتكون

توبة نصوحة

طيب ما تيجوا نتوب بشكل تانى وجديد بس الاول نعمل شروط التوبة اللى كلنا عارفينها الندم على فعل الخطا وان

اوقف الذنب وان اعزم على عدم العودة

طيب اية الشكل التانى والجديد دة

بجانب التوبة دى واللى لازم طبعا نعملها نقدم هدية بسيطة الى الله والى الرسول تعبيرا عن الاعتراف بالخطا

والحب والشكر

***************************

طيب اقولكم مثال يخلينا نتحمس اكتر ويوضح عندكم الفكرة اكتر شوية ويحمسكم تقدموا احلى واكبر هدية

لو حد عزمك على عيد ميلاد او فرح وقالك لازم تيجى طبعا انت اول حاجة هتفكر فيها غير انك تلبس اية وتروح

امتى وازاى وكل التفاصيل دى اهم حاجة هتفكر فيها ( هتجيب هدية اية )

وطبعا اهم حاجة فى الهدية دى انها تكون فخمة اوى وكبيرة وغالية ويكون كمان كل اللى يهمك ازاى تجيب اغلى

هدية والناس كلها يقولوا انك جبت هدية غالية اوى وكبيرة وفخمة

تخيل بقى انى بقولك تقدم هدية الى الله وهدية الى الرسول هتقدم اية

اتمنى انى اكون قدرت اوضح للجميع فكرتى بشكل واضح وسلس

واتمنى الاقى القبول من الاخوة والاخوات الافاضل

مستني مشاركاتكم وهداياكم

بس بشرط مهم اوى

اللى يكتب هديتة لازم يكون قادر على انة يقدمها ميبقاش كلاااااااام وبس وتكون الهدية على قدر المحبة ليهم

والاعتراف بالجميل والشكر

يارب يارب يعجبكم

أرقى تحياتي

Ali Weeka

أنا هديتى انى أحاول على قد ما أقدر ما أعصيش ربنا وانتهج نهج الاسلام

واقتفى اثر الرسول واتبع سنته

شكرا ليك كتير على التوبيك يا على

وربنا يجعله فى ميزان حسناتك

اللهم آمين

mido hemdan كتب:: أنا هديتى انى أحاول على قد ما أقدر ما أعصيش ربنا وانتهج نهج الاسلام

واقتفى اثر الرسول واتبع سنته

شكرا ليك كتير على التوبيك يا على

وربنا يجعله فى ميزان حسناتك

اللهم آمين

شكرا لمرورك يا ميدو

نورتني يا حبيبي

انا انشر الفكر الاسلامى الصحيح المتسامح واننا لما اشوف حاجة غلط لازم اقولها حتى لو كلفتنى حياتى
واننا اكون مع الله ديما

شكرا يا فارس

الحريف كتب:: انا انشر الفكر الاسلامى الصحيح المتسامح واننا لما اشوف حاجة غلط لازم اقولها حتى لو كلفتنى حياتى
واننا اكون مع الله ديما

شكرا يا فارس

شكرا لمرورك يا لؤي

جزاكم الله خيرا ونفع بكم

انا افضل ان الهديه تكون بينى وبين ربى حتى تكون خالصه لله

وانا رايئ من راى فجلر الاسلام حتى لاتكون رياء
تقبل مرورى على وجزاك الله خيرا ونفع بك الامه

فجر الاسلام كتب:: جزاكم الله خيرا ونفع بكم

انا افضل ان الهديه تكون بينى وبين ربى حتى تكون خالصه لله

شكرا لمرورك يا فجر الاسلام

نورتي الموضوع

وجزانا واياك كل خير

العيون الساحره كتب:: وانا رايئ من راى فجلر الاسلام حتى لاتكون رياء
تقبل مرورى على وجزاك الله خيرا ونفع بك الامه

شكرا لمرورك يا عيون

نورتي الموضوع

وجزانا واياكي كل خير

ياريت نفعلو الموضوع داه

مفيد جدا

برده

شكرا يا فارس للتوبيك

وجزاك الله خيرا

~*¤ô§ô¤*~حملة نصرة نبينا(لازم تشارك)~*¤ô§ô¤*~

sokr7oda كتب:: ياريت نفعلو الموضوع داه

مفيد جدا

برده

شكرا يا فارس للتوبيك

وجزاك الله خيرا

~*¤ô§ô¤*~حملة نصرة نبينا(لازم تشارك)~*¤ô§ô¤*~

شكرا لمرورك يا حوده

نورتني

» سجل حضورك بذكر الله،،، ادخل مش هتندم
» شرح حديث يا غلام، إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله. الأحد
» سلسه الاحاديث الضعيفه والموضوعه (لو محتار فى حديث ادخل هنا وان شاء الله تجده )
» زوجات النبي صلي الله عليه وسلم ورضي الله عنهم
» اجمل ما قيل في رسول الله محمد بن عبد الله صلي الله علية وسلم

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

اية هديتك الى الله ورسوله؟....ادخل سجل هديتك !!