تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

انا لقيت اليوميات دي وعجبتني قولت اجبهالكم
الفيزا كارد

اتخرجت من الجامعة بعد ما خسيتالتلت تربع ومعايا شهادة اد الدنيا وتقدير كبير اد كده وقولت بس بقا ااقل ما فيها ومع التواضع شركة تمامسنه ابقا معايا عربية واتجوز شاب فل يعنى احلام بقابواسطة والدى المحترم اشتغلت بعقد مؤقت لمدة بمبلغ هايل حاجه كده تكفى وتفيض 2 جنيهفى اليوم مع خصم الجمع والعطلات الرسميه قولت يابت عاتى ولازم ابدا من الصفر لقيت نفسى يااخوانا تحت الصفر بـ 30 درجه بالميت و من غير الميت 60 درجةمدير عامل زى بشكاتب الافلام الابيض واسود حاسس انه وزير وموظفين من ايام المواطن المطحون قولت يابت عاتى وايه يعنى تحت الصفر مو ش وحش هاخد ثواب بردةوفضلت ياسادة على الوضع ده 3 سنين لحد ما حصل النهارده بقا اللى خنقنىوجبلى غيظ مركب ادى الى عبط متاخر جه قرار بتحويل مرتبات السادة الموظفين الىكارد ومن الموظفين انا تخيل بقا النكته انى اروح بفيزا شيك والحته اللى علىالحبل لحد البنك اقبض 50 جنيه فين العقل يابشر ماهو حل من اتنين انا اتجوز واقعد فى بيتنا وده مش متوفر حاليا اواتجنن وانا لسه صغيرة
وانتظرواني

جامده يا ساسو

بس هي الاحسن تتجنوتقعد في البيت
هههههههههههههههه

تسلمي ساسو ومنتظرين باقي الحلقات

هههههههههههههههههه

جامده بجد

وانا من رايى الكفاح ثم الكفاح ثم الكفاح

وف الاخر اتجوز واقعد ف البيت

هههههههههههههههههههههههههههه

ميرسى ليكى ساسو

NERO كتب:: جامده يا ساسو

بس هي الاحسن تتجنوتقعد في البيت
هههههههههههههههه

تسلمي ساسو ومنتظرين باقي الحلقات

ميرسي نيرو لمرورك
بس خليها بتشتغل احسن واهو قضا اخف من قضا هههههههه

younis كتب:: هههههههههههههههههه

جامده بجد

وانا من رايى الكفاح ثم الكفاح ثم الكفاح

وف الاخر اتجوز واقعد ف البيت

هههههههههههههههههههههههههههه

ميرسى ليكى ساسو

هههههههههه ماشي يا يونس
نورت التوبيك

صباح الخير على
اخواتى اتمنى تكون الحلقة الاولى من يوميات نالت القبول مش هقول الاعجاب
علشان الغرور والحركات دى حتى لو مش قبولتها انا بقا هطلع ناصحه واديكو
الحلقة التانيه على طوووووووووووووووول :-

[مارثوان المواصلات][ندعوك للتسجيل في المنتدى أو التعريف بنفسك لمعاينة هذه الصورة]

كل يوم ياسادة لازم نركب المواصلات ولان المرتب زى ما عرفتو فى الحلقة
الاول كبير وبيكفى ويفيض فمشروع ركوب التاكسيات دى بيقى منظره وقلاطه
فارغه ندخل على اليوم من اوله بصحى من النوم متاخره كالعاده انط جوه
الهدوم وابدء فى رحله الذهاب للعمل اللى طبعا مينفعيش فيها الكعب العالى
ولا الانوثه طبعا احب اوضح انى ساكنه فى الهرم والشغل فى الجيزة احدى
المراكز البحثيه الحكوميه اقف بكل وقار فى المكان المخصص لانتظار
الميكروباص اللى هو معرفيش فين اصلا اهو اى حته على جنب بدل ما تيجى اى
عريبه تخلص من الدنيا وبلاويها وانت مش واخد بالك اول ما يجى الميكروباص
ياجماعه مفيش داعى للكسوف يبدا السباق وهنا مفيش مكان للاتيكيت والستات
الاول اللى يلحق ينط والميكروباص بيهدى علشان لو وقف الظابط هياخد رخصه
اووم اجرى انط وانط نطه يحسدنى عليها الرجاله اللى واقفين واخد مكانى تحت
الشمس قصدى جوه الميكروباص وتبدا الرحله لو عمو السواق راجل ابن حلال
هتلاقى قران شغال ولا مش كده هتسمع اغرب اغانى فى حياتك ومفيش مانع وانت
متاخر كده الميكروباص يدخل يمون فى البنزينه ساعتها ببقى هموت من الغيظ بس
بقول يابت اسكتى بدل ما الراجل يحدفك من الميكروباص ويطلع الميكروباص من
البنزينه ويكمل طريقه ولازم الشارع يقف 3-4 مرات ما انا متاخره وحتى
الشارع متأمر عليه اوصل الشغل وانا متاخر والمدير يرزعنى كلمتين عن
الانظباط فى العمل اسمعهم واسكت واقول فى سرى يارب فكها علينا بقا وتوب
علينا بقاااااااااااااااااااااااااااااااااااااااااا

توب علينا بقى يارب

من اللى بيحصل فينا دا

ههههههههههههههههههههههههههههههههههههه

جامده ياساسو
ميرسى ليكى

ومنتظرين البقيه

هههههههههههههههههههه

حلوه بجد ياساسو
تسلم لنا ايديكى

ههههههههههههههههههههههههه

حلقتين جامدين

وكلمات القصه تحفه

الحوافز جت ياشباب [ندعوك للتسجيل في المنتدى أو التعريف بنفسك لمعاينة هذه الصورة]
النهاردة
يوم عادى جدا بدا زى ما انتو عارفين بمارثوان المواصلات اللى اتعودت عليه
وجودى على مكتبى المتواضع لحد ما لاحظت حاجه غريبه فى حركه

مش طبيعه بين المكاتب وناس
داخله وخارجه وكلهم من اصحاب المراتبات المرتفعه امثالى قولت يابت قومى
شوفى ايه النظام ليكون فى زيادة فى المرتبات وده نوع من الاحلام [ندعوك للتسجيل في المنتدى أو التعريف بنفسك لمعاينة هذه الصورة]قوم
اسال واطقس عرفت انه الوازة قررت تحط اسمائنا فى كشف الحوافز ياحلاوة
ياولاد يعنى هنقبض وياترى الحوافز دى كام وهنقبضها امتى اول خبر عدل اسمه
من يوم ما دخلت المكان الفظيع ده قعدت افكر واحلم الاحلام وياخوفى ياتقلب
بكابوس [ندعوك للتسجيل في المنتدى أو التعريف بنفسك لمعاينة هذه الصورة]او تطلع اشاعه

ساعتها ممكن اموت
يالهووووووووووى مش اشاعه اكيد حقيقه هى الحكومه هتهزر ولا ايه المهم
معرفيتش اى معلومات تانيه غير دى وقعدت يوم وراء

يوم احلم بالفلوس اكيد
الوزير حسه بالمعانه بتاعتنا او يمكن دخل على النت وقرا اليوميات قرر يفرج
عننا عدى حوالى شهر ومفيش جديد لحد ما جالى

اكتئاب وصدقه انها اشاعه
وزعلت واتاثرت جدا هو فى حد بيعمل اشاعه موذيه نفسيا زى دى وقبل ما الحق
ازعل جم زمايلى وقالة بت ياساسو الحوافز جت [ندعوك للتسجيل في المنتدى أو التعريف بنفسك لمعاينة هذه الصورة]فى الخزنه تعالى علشان تقبضيها قولتهم ياجماعه ازاى اذا المرتب لسه مش اتقبض قالو هتقبضى ولا ايه قوم زى الصاروخ على الخزانه

وقعدت استنى دورى وانا بحلم
بصو ياجماعه انا مش طماعه بس لو الحوافز تبقى بدل المرتب مثلا 100-150
جنيه انا موافقه ساعتها هشترى جزمه وشنطه واشحن الموبيل وياسلام بقا فى
غدوه بره او فسحه مع اصحبنا فى وسط كل الاحلام الانسانه ساسو .[ندعوك للتسجيل في المنتدى أو التعريف بنفسك لمعاينة هذه الصورة]. الانسه ساسو ده انا فقت من

الاحلام ورحت على الشباك ولا
اجدع اسد استلمى ياستى وامضى هنا والصراف بيعدى وانا هيغمى عليه من الصدمه
ادى 50 و 20 يبقى 70 جنيه فتحت بقى بهبل [ندعوك للتسجيل في المنتدى أو التعريف بنفسك لمعاينة هذه الصورة]وانا بقوله 70 جنيه قالى اه لسه همضى ببص على المبلغ لقيته 75 بقوله يااستاذ مكتوب 75 جنيه قالى الخمسه جنيه دمغات اللى

بعده اخدت الفلوس وانا حاسه
بخبيه الامل راكبه طيارة وقولت فى سرى حسبى الله ونعم الوكيل عوض عليه عوض
الصابرين يارب ................. نشوفكم الحوافز الجاية قصدى الحلقة
الجاية [ندعوك للتسجيل في المنتدى أو التعريف بنفسك لمعاينة هذه الصورة]

حلوة اوووووووووووووووى
تسلم ايديكى

[ندعوك للتسجيل في المنتدى أو التعريف بنفسك لمعاينة هذه الصورة]

» كيف الحال
» لكل من ضاق به الحال.....إليك هذه الأعجوبة
» كيف تصبح إيجابي كليا فى الحال
» يوميات مدرس فى لجنه
» يوميات طفل

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

يوميات موظفه على اد الحال