تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

السلام عليكم ورحمة الله

اظن بل انا متأكده ان الكل هنا مش يعرفوني

اولا انا احب اعرفكم عليا انا ريهام بنت خالة احمد عبدالرحمن

عموما حتي لا اطيل عليكم انا مش بدخل هنا من زمان خالص
ولا بدخل نت لطبيعة كليتى وانى مشغولة
المهم انا دخلت النهاردة بعد ما كنت مع احمد النهاردة
وكان زهقان جدا وزعلان ويقولي انا بعد سنتين في المنتدي
وعمري ما زعلت حد اجي اتشتم وعلي صفحة المنتدي عينى عينك كده
وكان زعلان جدا ليس من كلام امير بكلمتي اللي مش شيفاله اى معني ولا دليل
ولكن زى ما بيقول هو لكل شيخ طريقة
المهم بس انا حبيت اكتب التوبك ده ومن غير ما احمد يعرف انى دخلت المنتدي اساسا ولا كتبته
ولكن انا حبيت اكتبه لأوضح للناس مين هو احمد عبدالرحمن
احمد عبدالرحمن شخصية جميلة جدا جدا فوق ما تتصوروا من خلال معرفتي بيه وعلاقتنا ببعض
وقربنا من بعض فانا اعرف عن احمد كل شئ كل كبيرة وصغيرة احمد عمره ما زعل من حد في يوم من الايام
ولا عمره زعل حد ولو زعل حد يتن مدايق وزهقان لغاية ما يصالحه ويحس ان اللى زعله ده مش زعلان منه
وعلشان مش عاوزه اطول عليكم بس انا هقولكم حاجه
اولا احمد من خلال قريتي للتوبك اللى هو كاتبه مش غلط في حد ولا قال كلام وحش على حد
وهو اعترف انه غلط في شخص في المنتدي وهو اسف علي كده
ولكن ما يدايقنى هو رد اخي امير بكلمتى لانى اري فيه تجاوز كبير جدا
فانا هرد على كلامه من خلال تعليقه

وهذا كلام امير
اخ ايه

انت عملت ايه يوضح معنى الاخوه
مش فاهمة معتقدش ان واحد انت وهو اصحاب من الثانوي ولا من اولي كلية وعمره ما عمل حاجه وشحه فيك وخدك معاه يوم عيد الميلاد وكان فرحان جدا بوقفتك جنبه وكان كل كلامه ان عبدالله طلع راجل معايا ممكن تقولي المفروض يعملك ايه علشان يوضحلك ؟؟؟؟

للاسف انت اللى انسان مقدرتش معنى الاخوه والصداقه
هو عمل ايه بقي علشان تقول انه مش قدرها هل هو شتمك علي النت ولا كتب انك اخدت كلامه معاك ورحت قولته للناس
هو مقدرش معني الاخوة لا احمد قدرها جدا جدا جدا تحب اقول قدرها ازاى ولا انت عارف لو احمد مش عقله كبير كان راح قال هو كمان الكلام اللي انت قولتهوله عن بعض الاعضاء والكلام الخارج اللي قولته بحقهم

مقدرتش مشاعر الناس اللى حواليك
هو بيحترم الجميع وعمره ما غلط في حد من الناس وان كان بهزاره وكلامه معاك يبقي كده مقدرش مشاعرهم فاحمد غلطان احمد غلطان لانه اختار الانسان الغلط يتكلم معاه انا اسفه يعنى

مقدرتش ناس كانت بتعاملك معامله كويسه
مقدرش معاملتهم ازاى يعنى مش فاهمة الجملة دي للاسف

وانت تقول عليهم كلام محصلش
هو مش قال حاجه هو بيتكلم معاك عادى خالص وكان كل كلامه عادي ما كلنا بنقول فلان مظبط مع فلانه ولكن احمد مخطي انه جاب سيرة حد وده غلط هو يتحاسب عليه ولكن ما انت كمان قولت كلام علي بعض الناس مش فيه

انت انسان بتتكلم عن اشخاص من وراهم
وانت اللي مش بتتكلم صح يا استاذي الكريم علي فكرة ما فيش حد فينا مش بيغلط ومافيش حد فينا كامل الكمال لله

متقدرش تواجههم
علي فكرة لو احمد مش يقدر كان قال لا ليكم في الكلية لما انتوا واجهتوه

لانك معندكش الجرأه لكده
علي فكرة احمد جرئ جدا جدا وعمره ما بيخاف من حد

علي فكرة كان مكتوب هنا شتيمه في احمد ولكن باين حد مسحها
تعليقي عليها انت مراقب يعنى المفروض تراقب علي الناس اى حد يغلط في التانى توقفه فما بالكم انتوا لما المراقب يغلط هو وشتم اخوه ؟؟؟؟؟؟؟

وللاسف انت كمان خنت الناس اللى اكلت معاها عيش وملح
عندك حق بس هو مكنش يعرف انه بيتكلم مع واحد مش امين علي كلامه

واللى يخون العيش والملح

ميلزمنيش بتعريفه
هتعرفه بايه وانت اول واحد خنته واخدت كلامه وجريت قولته للناس انت اللى خت مش هو

يلهث به ويردده بين الناس

انا مرددتوش لناس
يا راجل عيب عليك قول كلام غير ده ده كل اللي كانوا موجودين يوم الخميس عرفوا علي راي احمد كان فاضل تكتبها في توبك
انا رددته للى انت تكرمت وقولت عليه الكلام
[b]الفتنة اشد من القتل

لإن ده من واجبى تجاه اصحابى واخواتى

انى لما اسمع كلام بيتقال عليهم

أقولهم
جدع وانا احي فيك الحركة دي بس مش تاخد الكلام وتجري الحقوا احمد بيقول عليكم دي اسمها فتنة والفتنة اشد من القتل

مش أقعد اطلع عليهم كلام
هو طلع كلام حسستنى ان احمد كان ماشي عمال يقول الحقوا يا جدعان فلان مظبط مع فلانة

لإن مفيش انسان محترم يقول اللى انت قولته ده
علي فكرة احمد محترم جدا وبشهادة الجميع ومش محتاج انك تقول انه محترم ولا لا

وأظن انت عارف كويس انت قولت ايه

ولا حتنكر
احمد مش انكر بس تعالي قول انت بقي كمان قولت ايه علي بعض الناس مش الكلام ده كان ضمن كلامك مع احمد

للاسف اللى ميقدرنيش وميقدرش اصحابه

ولا يلزمنى

علي فكرة اظن ان احمد هو اللي قال انك متلزمهوش مش انت اللي تقول لانه قالها قبلك انك مش تلزمه وانا دخلت وكلمتك علشان احاول اصلح بينكم ولكن كان ردك معايا بالرفض

يا جماعة انا اسفة انى طولت عليكم وقولت كلام مش هيعجب بعض الشخصيات ولكن ده رأي في ابن خالتي وانا بحترمه ومن خلال معرفتى بيه وكلامنا سوا عرفت منه كل شئ وعرفت كمان انه بيعز شخصيات كتيرة هنا وانه حتي الاشخاص اللى امير قال عليهم انه غلط فيهم هو بيعزهم جدا وكان كلامه مجرد كلام عادي ومش كان يقصد اي اساءة لاحد

يا جماعة انا اسفة بجد دوشتكم ولكن انا حبيت اوضح شئ لان عمرى ما اشوف انسان غالي عليا بيحصله كده واقد ساكته

وعلي فكرة حتة ان احمد مش ليه مكان هنا انا بجد شوفتها بجد لان لو انك لسه بتحبوا احمد كنتوا عملتوله احتفال بعيد ميلاده زي السنة اللى فاتت علي المنتدي ولكن علي رايه انا اقعد في مكان مكروه ليه ؟؟؟؟؟؟؟؟؟؟

يا جماعة انا اسفة جدا علي كلامى ولكن جزاكم الله خيرا علي سعة صدركم

ملحوظة بس انتوا اخواتي هنا لو لقيتم اى رد فيه تجاوز في حقي هسبكم انتوا تدافعوا عني لانى مش بفتح نت نهائي شكرا لسعة صدركم

السلام عليكم ورحمة الله

احمد امبارح حكالى على كل اللى حصل

وهو فعلا زعلان جدا جدا جدا

ومش عاوز يخش المنتدى ده تانى

والله انتى كلامك جميل جدا ياريرى ومظبوط
هو انا علاقتى باحمد مش اد كدا
وماعرفوش اساسا
بس اسمع ان الناس كلها بتحبه
وبتحترمه
وليا تعليق على كلامك
الحب مش بيتقدر بانى اعمل عيد ميلاد وانى ابين للناس المحبة كدا
زى ماعملو
انما طالما بنعز شخص
بيفضل فى قلوبنا وفى عيد ميلاده بنهاديه
انما كل الناس اللى هنا بنحبه
وانا معرفش الموضوع الا منك
بس اكيد سوء التفاهم دا هيتصلح
وكل حاجة ترجع تانى
لان ماينفعش واحد هو يعتبر اساس منتدى كلية التجارة يغيب عنه
واحنا داخلين على سنة جديدة وعلى ايام امتحانات
ومش عاوزين زعل بين اى حد
وشكرا على التوضيع ياريرى
وكل سنة والاعضاء بخير

كنتى محتاجه توصلى كلام لناس
والفكره وصلت

مشكوره لزوقك ونورتينا
وانا اتكلمت فى الموضوع داه
وكمان مافيش حاجه بين عبد الله وبين احمد
انا اللى واجهت احمد وناديت على عبد الله
عشان يشهد مش اكتر

تقبلى اعتذارى
سوف يتم حذ التوبيك
لعدم حدوث اى منازعات فى التوبيك والمنتدى

استاذ محمود مع احترامى الشديد لحضرتك انا حاطه التوبك علشان الناس تقراه مش علشان حضرتك تحذفه وان شاء الله مش يحصل حاجه لأنى مش اتكلم فيه كلام غلط ولا غلط في حد فرجاء بلاش سياسة الحذف المتكررة دي

مهما حصل بينا هنفضل اخوات
ومهما حصل ممنوع ان اي شخص يغلط في اي حد هنا على المنتدى مهما كانت الاسباب
الموضوع هيفضل مفتوح ومش هيروح للارشيف
بس يا ريت اللي غلط في حد على المنتدى يقدم اعتذاره احترام لكل الأعضاء وإداري المنتدى

اعتذر عن الاساءه والخطأ فى الرد

فى الاستاذ احمد عبدالرحمن

وهذا لم يأتِ الا نتيجة انفعال زائد

ريرى كتب:: استاذ محمود مع احترامى الشديد لحضرتك انا حاطه التوبك علشان الناس تقراه مش علشان حضرتك تحذفه وان شاء الله مش يحصل حاجه لأنى مش اتكلم فيه كلام غلط ولا غلط في حد فرجاء بلاش سياسة الحذف المتكررة دي

انا وضحت لك وجهه نظرى من الحذف
وانا محبش ارجعه برده
لكن كلام الخرادلى يمشى وهو يرجعه
وانا قابل اتهامك ليا فى حكايه السياسات ديه

هذا ما كنا نتمناه جميعا يا امير وانتوا اخوات وانا لما كتبت التوبك كتبته علشان نوضح بس اللى حصل وان شم ينفع انكم تزعلوا من بعض وعموما ربنا يوفق الجميع وفاضل احمد يدخل وان شاء الله هكلمه

اقتباس :

علي فكرة كان مكتوب هنا شتيمه في احمد ولكن باين حد مسحها
تعليقي عليها انت مراقب يعنى المفروض تراقب علي الناس اى حد يغلط في التانى توقفه فما بالكم انتوا لما المراقب يغلط هو وشتم اخوه ؟؟؟؟؟؟؟

اه صحيح كنت حنسى
انا اللى حذفت الشتيمه اللى انتى بتقولى عليها ديه
واحمد كان معايا فى التليفون وقالى عليها وقولته
ححذفها ياحمد

استاذ محمود انا مش اقصد شئ ولكن كنت اتحدث علي ان مش ينفع تحذف التوبك بدون داعى وتقبلت كلامك ولك منى كل احترام ونتمنى ان جميع الاعضاء تشاركنا وتقول هي كمان رايها في اننا اخوات ومش ينفع نزعلوا من بعض

شكرا ليك يا استاذ محمود على توضيحك ودمت بخير

صافية لبن

جبنة بيضة [ندعوك للتسجيل في المنتدى أو التعريف بنفسك لمعاينة هذه الصورة]

ياميتو
بلاش الردود اللى خارج نص الموضوع
وتحذير
علشان حتخلى الاعضاء كده تتكلم
اوك
وماتردش على المساهمه ديه

تم معاقبه المراقب امير بكلمتى اللى قام بلفظ
( جبان )

وتمت الغاء رتبه مراقب
وتحويله لمشرف بقسم الشباب

احب اوضح حاجه صغيره يا ريري اذا كان في حد غلطان في البداية خالص يبقي انا وانا السبب في اني احط حودا واحمد وعبدالله في الموقف ده انا بقولهم انا اسفه
وكده الصوره اكتملت لحضرتك والناس كلها اعتذرت
عشان كده انا نفسي بقي نقفل الموضوع ده لانه بجد انا تعبت من المشاكل ده
وبكررها تاني
انا اسفه لاني اخطأت في حق الجميع
وتقبلي مروري

لحظه أخوتى
اذا كانت الأخت ريهام تريد أن تستمع الى رأى الأعضاء
فأقول لكى أختى
علاقتى بطرفى النزاع ليست قويه
ولكنى أحسبهم على خير
لم نتقابل كثيرا
وليس لدى المام بالموضوع لكى أثرد فى الرد
ولكن
مما قرأت أسمحى لى أختى
الخوض فى أعراض الناس ليس بمجرد غلطه
اذا لم تعد من الغيبه أو النميمه
لكلاهما المتحدث والمستمع
فأولى للمستمع أن يرد أخاه عن الغيبه
اذا ماذكر أخا له بسوء
ولكن اسمحوا لى السبب وراء هذا هو
الأختلاط المحرم
ندعى أننا أخوه ولكن لا نلتزم بأى ضوابط شرعيه
لن أقف مع أحد ضد الأخر ففى نظرى الكل مخطئ
المقصود بالنميمه مخطئ لأنه أعطى الفرصه لغيره بالخوض فى عرضه وان كان هذا ليس بعذر
والنمام مخطئ لأنه وان رأى على أخيه شئ فيجب عليه عدم النقل
والناقل مخطئ لأنه أولى عليه أن يرد أخيه فى قوله لا أن ينقل ما يثيرمن القول
نعم الكل مخطئ ولعلى أكون أول المخطئين
ولكن أسمحوا لى أخوتى
الأخوه ليست أن نردد كلام على أخوتنا بغض النظر عن صحته من عدمها
وان كنا نردد هذا القول بعفويه
فنحن نؤاخذ بكل ما نقول لا بما نقصد فقط
فكثير منا يسب الدين دون قصد هل هذا معناه أنه لا يحاسب على القول
أكرر أعتذارى
فلست ملما بتفاصيل الموضوع
فأنا أرد من واقع ما قرأت هنا
أعذرونى أخوتى

تم غلق الموضوع

» توضيح بخصوص ماحدث في الايام السابقة
» دعوة فرح من أحمد عبدالرحمن
» دعوة عامة للجميع كتب كتاب أخت أحمد عبدالرحمن
» تهنئة من أخوكم أحمد عبدالرحمن بمناسبة عيد الأصحي المبارك
» توضيح ... اعتذار ... عدم رحيل من المنتدى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

توضيح بخصوص أحمد عبدالرحمن ليس اكثر