تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمه الله
وبركاته

سلامى للجميع

احدث عضو فى المنتدى الى
مؤسس المنتدى

كلنا مرينا بحاله المنتدى
المزعوره من ارتفاع فى مؤشر العمل والانتاج

والشغل من مواضيع وردود
ومحبه وترابط بين اعضاء فى حزن وفرح ومناسبه وكرب

مش حقول ان انا اللى نهضت
بالمنتدى بس كنت اللى بعمله بحاول اقرب الاعضاء من بعضها

وكلنا حسينا وشوفنا الفتره
ديه من نفوس تحب تشارك علشان الجروب واللى يحب يشارك علشان فعلا الحب

والترابط الاخوى ليس
الا وقابلنا اللى كانت نفسوهم ضعيفه واللى قدامك حبيبيك ويادوب يسيبك يبقى مش
حبيبك

وقابلنا اللى عايز يقرب
علشان الشهره وكل واحد كان فى دماغه حاجه محدش كان بيحس بيها غير اللى عايشها

كنت اتمنى ان الترابط داه
يفضل موجود وكنت بحاول احافظ عليه لكن كان المفروض ان فى حد يتعلم داه ويكمله من
بعدى

لأن انا مش حكون كل حاجه ولا
حفضل كل حاجه لازم حيجى يوم واكون مشغول بحياتى او بأى شىء كان

وفى من الاصدقاء من اتواصل
معهم حتى اليوم والمنتدى مش حنكر عرفنى على شخصيات جميله اوى

ولحد اليوم لو فى مناسبه
بيكونو عندى ولو حد عنده مناسبه بكون عندهم

المهم انى عايز اقول ان نجاح
المنتدى بنجاح اعضائه وترابطهم لا للمصالح الشخصيه

ولكن لمصلحه الترابط والحب
الاخوى اللى بينهم ويعلم ربنا هو داه اللى كنت محتاج اوفره هنا فى المنتدى

زى ماعيشناه وزى ماشوفنا
معاه ايام اد ايه جميله متهيألى عمرها ماحتتنسى فى تاريخ ذاكرتنا

***********************

النهارده جه اليوم انى اطلب من
مؤسس المنتدى ورسمى انه يعزلنى من منصب المدير العام

لأنى من حوالى سنه او سنه ونص
مش استحقه ومش لوحدى ولا اى عضو فى المنتدى لا بشغله

ولا بعلاقته بالمؤسس او
بعلاقته بيا انا شخصيا يستحقه

وفى الوقت ذاته ويمكن الاعضاء
اللى قريبه منى هى اللى كانت تعلم هذا الكلام

انى كنت عايز اشوف عضو يستحق
الادارة بجد ويعنى يكون من الفرقه الاولى علشان يتعايش مع

الوضع ويقضى اكتر وقت فى
الكليه او من الاعضاء الموجودين لكن بصراحه مكنتش شايف اللى يصلح من وجهه نظرى

لأن الادارة فى وقتها كلكم
كنتم عايشنها وكان فيها مشاكل قد ايه وكان فى المتسرع واللى بياخد قرارات بسرعه
ومنش ينفع

ولكن الحظ ان الفرقه الاولى
مدخلتش وقتها الكليه علشان تعديل الصف السادس الابتدائى مكنش فى سنه اولى

والسنه اللى بعدها شباب سنه
اولى عملو منتدى خاص بيهم وربنا يوفقهم فيه

انا عملت على قد ماقدرت
والاعضاء كلها تشهد باللى كنت بحاول اعمله علشان النهوض بيه

لكن انا عايز اقول لأعضاء
المنتدى كلمه ان المنتدى عمره ماحيرتقى بدون بروز ونقش احرف اصابعكم به

من مواضيع وردود وحب للمنتدى

وكل داه بجد مش حيجى غير
بالتراااااااااااااااااااااااااااااااابط

وكلمه للأعضاء اللى مش عاشو
الايام اللى انا اتكلمت عليها

بجد المنتدى داه فيه روح
جميله اوى وناس جدعه اوى وحب وترابط بين اعضاءه

ولكن مشغال وظروف كل عضو
تبعده عن هذا المكان اكيد بيكون لظروف خاصه زى اللى بعديتنى من سنه

بحضر لحياتى الجديده
والخطوبه والجواز والوقت هو اللى كان مأخرنى عن كل داه ومعاه طبعا الالتزامات اللى

اتفقت عليها وكان لازم تتوفى
كل شىء فى ميعاده وان شاء الله ربنا بيدبر كل شىء وادعولى ربنا يوفقنى فى حياتى
القادمه

ويجعل زوجتى الزوجه الصالحه
ويرزقنى الذرية الصالحه

*************************

طلب من مؤسس المنتدى يجعلنى فى
صفوف الاعضاء وانا مش حقطع المنتدى

انا ححاول انهض بيه وسطكم على
قدر المستطاع والوقت المتاح لكن اوعدكم عمرى ماحنسااااااااااكم ابدا

*****************************

طلب من الاعضاء

اللى شاف او حس انى ضايقته فى
يوم او شايف انى ظلمته او شايف ان نصفت حد عليه

انا والله كنت بحاول اعمل كل
حاجه وبحط نفسى مكان الموقف وبحاول اكون محايد ليس الا

ان اطبب على هذه الكفه او ذاك

ومع ذلك

رجاء انه يساااااااامحنى او
تسااااامحنى

****************************

موضوع الترقيه الاخيره
لأمير بكلمتى وملكة الاحزان

كنت فى فرح محمد مؤسس
المنتدى وكانت فكره امير انه عايز ينهض بالادراه والمنتدى قولتله لو انت شايف

انك تقدر النهارده حتكون
مدير للمنتدى بس حاول النهوض بيه لأن انا مش فاضى اليومين دول

وقالى على فكره ديه فكره
ملكه الاحزان وهى بتحاول تكلم اعضائنا للنهوض بيه مره تانيه

وخليها معايا فى الاداره

قولتله اوك

وكان يوم الترقيه ى ماكتبت
الموضوع بتاعها علشان محدش يقول اشمعن ملكه الاحزان

او اشمعن عبد الله امير
بكلمتى

لأن المنتدى كان ميت ميت
وبحاول اعمل اى حاجه قبل ما اسيب الاداره

وكنت بفكر فى الموضوع داه
من فتره بس مش كتير اللى كان يعرف كده

وشخصيات مهمه فى المنتدى هى
اللى كانت رافضه انى اسيبه

لكن بعد التدهور الاخير
وبعد مانهض على ايد امير وملكه

ومن قبلهم يونس ولا ننسى
مجهوداته

فانا بسيب لهم
التجديف للسير بالباخره الى بر النهوض

*****************

واعلن من منطلق هذا الموضوع

انه من يوم الجمعه 11 ديسمبر
2009

ومن بعد يومنا هذا 6 اكتوبر 2012

اننى غير مسؤل عن الادارة
واننى قضيت فتره فى هذه المده

محفوره فى ذاكرتى لا انساها
ابدا بمض وقتها وبأصدقائى وصديقاتى

واخواتى جميعا اشكركم على سعه
رحب صدوركم ان اكون بينكم

ومن اليوم اعلن انضمامى
الى صفوف الاعضاء

وسوف اكون بجانبكم فى اى وقت
شئتم

وسوف اعمل مابوسعى فى رقى هذا
المنتدى بروحه التى تعودنا عليها دائما

حاجه اخيره محدش ينسى يعمل لى توبيك فى
المناسبات تهنئه لى بالزواج

وان شاء الله الكل معزوم من دلوقتى

وعقبالكم جمييييييعا

والسلام عليكم ورحمة الله
وبركاته

قبل كل الناس
مبروك ياحودا
زواج مبارك ان شاء الله
ربنا يوفقك فى حياتك الجديدة

عليكم السلام
قريت كل حرف وكل كلمة بالموضوع
Cool

كان كلام طالع من القلب وصل لقلب وحيوصل لكل القلوب لي حبت المنتدى والروح الاخوة لي فيه
ولاني عضوة فيه وعشان قضيت احلى ايام هنا مع احلى اخوات
بقلك ربنا يوفقك بحياتك ويجعل زوجتك الزوجة الصالحة ويتمملك على خير
وبجد ماعمري شفت منك غير كل زوء واحترام
ربنا يسعدك ويوفقك
اختك حنان

مبرووووووووووووووووووووووووووووووووووك يا حودا وعقبال البكارى يارب [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه

بلح

الف مبروك يا حودا ع الزواج
وان شالله ربنا يتمم لك ع خير
ويكون نصيبك احلى نصيب
وربنا يرزقك الرزق الحلال الطيب دايما ان شالله

وبجد زعلانه انى اول ما ادخل المنتدى من فترة الاقى الخبر ده قدمى
بس ربنا يوفقك فى حياك يارب

وبجد فعلا المنتدى ده مكان جميل
وقضينا فيه اجمل الاوقات
وعرفنا فيه اجمل الناس

ربنا يوفق الجميع

أولا يا حودا الموضوع مكنش محتاج كل الكلام ده
الناس كلها عارفه ان انت يقالك زمن عايز تسيب الادارة والناس هيه اللى مش راضية
وناس كتيره شاهده على ده ومنهم أنا وعبدالله خليفة ويونس وسيد والشيخ ومحمود سبايدر وناس كتير

وبالنسبة لموضوع انك تكون ظلمت حد على حساب حد معتقدش ان فيه حد
عانى من الموضموع ده طول عمر المنتدى سواء وانت موجود أو قبل كده فاطمن

أما بالنسبة لقرارك نفسه فانا عاذرك بس صدقنى يا محمود أنا راى الشخصى برضه
ان بلاش حتى لو مكنتش حتدخل لأسباب بسيطه جدا منها
ان أنا مش شايف حد من الكوادر اللى موجوده فى المنتدى مداوم على انه بيكون موجود عشان يمسك الاداره
فلو الموضوع حيبقى هو هو يبقى تفضل انت أحسن حتى انت فاهم الدنيا كلها فيها ايه

وبالنسبة لانها تتساب لحد جديد فحنرجع لنفس مشكلة زمان
لما فعلا كنا عايزين حد من الناس الجديده اللى من الفرقة الأولى أو التانيه
فمفيش حد برضه مداوم وفاهم فى الموضوع ده

وبالنسبة لموضوع الفرح فمن غير عزومة ياكبير طبعا موجودين جمبك ان شاء الله
وألف مبرووووووووووووووك يا حبيبى وربنا يتمملك على خير يارب

ربنا يوفقك

مفيش كلام بجد يعبر غير اننا نقولك الف مبروك وربنا يتمملك ع خير يارب وبجد انت كنت مدير ناجح جدا للمكان الجميل ده
وصعب نلاقى حد يكون مكانك لكن لو ده
فى مصلحتك اكيد احنا منقدرش نقف قدام قرارك ده
وللمره التانيه الف مبروك وربنا يرزقك الذوريه الصالحه

سيبك انت من كل دة ومش تبقى رغايا زى اختك
الف مبروك ياعريس المنتدى

دا انا كيس بطاطا ببقى

» تم فتح باب الاشراف على الأقسام
» لكل اعضاء المنتدى
» تهئنة ودعوة عريس المنتدى سكر حودا
» رسالة إلى جميع الاعضاء والمشرفين
» هدية لكل اعضاء المنتدى شرح محاسبة مفصل

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

رسالة من حودا الى جميع اعضاء المنتدى