تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

آدم اسمـح لي بـإقتــحـام عــالمكـ في محاولــة لـطرق
أبــوابــه..
في نثـــر مــتواضع لعلــه يــروق لكـ..
هنــا ستعــود ذاكـرتكـ للطفولة وستتكلـم عن مرحـلة الشباب والـنضج
لتختمها بحــديث عن نصفكـ الآخــر حــواء..
ولنــبدء بطرق عالــم كــل مــرحلــة..
الموضوع باختصار شديد
سوف نحاول التعرف الي آدم وحياته الخاصة من خلال عدة مراحل

[ندعوك للتسجيل في المنتدى أو التعريف بنفسك لمعاينة هذه الصورة]

عبث الطفولة

1- مكان الميلاد أين كان ؟
2- حياة الطفوله من كان المؤثر الأول بها ؟
3- موقف من الطفوله مازال عالق في ذهنكـ؟
4- هل كان يوجد معامله مختلفه لاخواتك البنات عن
الذكور ؟
5- اليوم الدراسي الأول هل تتذكر حالكـ فيه ؟
6- أصدقاء الطفوله هل مازلوا على تواصل ؟
7- عبث الطفوله كيف تصفه في بضع كلمات ؟
8- موقف غصب عليك والديك بفعله ؟

[ندعوك للتسجيل في المنتدى أو التعريف بنفسك لمعاينة هذه الصورة]

[size=21عــنــــفوان المراهقة 1-
[/size]

في
اي سن قمت بقيادة السيارة ؟ وماذا حدث في اول مرة قدتها ؟
2- مرحلة المراهقه كيف كان تعامل الأهل فيها ؟
3- غالباً مايكون الحب الأول في مرحلة المراهقه
فكيف تصفه إن وجـــد ؟
4- هل كنت مثل شباب اليوم تتسلي وتعاكس حواء ؟
5- إلى ماذا كنت تطمح وهل وصلتِ لطموحكـ ؟
6- هل كتبت مذكراتك ؟
7- عنفوان المراهقه مالذي تبقى منه اليوم في
ذاكـرتكـِ ؟
8- موقف غوصبت علي فعله بواسطة والديك ؟

[ندعوك للتسجيل في المنتدى أو التعريف بنفسك لمعاينة هذه الصورة]

نــضــج
الـرجـولة

1- كيف هي نظرتكـ للحياة اليوم ؟
2- كيف هي حياتكـ بعد الزواج وتحقيق حلم الأبوه ؟
3- هل وجدت حلاوة المسؤليه مابين واجباتكـ
العملية والعائليه ؟
4- هل ستربي أبنائكـ بنفس أسلوب تربية والديكـ
لكـ ؟
5- هل مازلت تحتفظ بمذكراتك ؟ وهل مازلت تكتبها ؟
6- ماأكثر مايشغلكـ تفكيركـ في ظل مرحلة النضج ؟
7- موقف غوصبت عليه من والديك وانت في تلك
المرحلة ؟

[ندعوك للتسجيل في المنتدى أو التعريف بنفسك لمعاينة هذه الصورة]

آدم وحواء

1- المرأة ماذا يعني وجودها في حياتكـ اليوم ؟
2- من هي الشخصية النسائية التي تعجبك ؟
الرجالية ايضا ؟
3- من هو الرجل التي تود ان يكون قدوة كل رجال
الارض ؟
4- بعد الأخلاق الحسنة ماأكثر مايلفت انتباهكـ
في المرأة شكلاً ؟
5- ما رأيك بالمرأة التي اهتمامتها تشبه الي حد
كبير اهتمامات الرجال ؟
6- اذا شعرت بالشك في امرأتك كيف ستكون ردة فعلك
؟ كيف ستتصرف معها ؟
7- بيت شعر تهديه لحواء ؟
8- هل من الممكن ان تخبر امرأتك بماضيك وعلاقاتك
السابقة مع غيرها ؟
وهل ستفضل ان تقول لك امرأتك عن ماضيها ولا تسأل
انت ؟ كيف سيكون رد فعلك ؟
9- كلمة توجهها الي حواء : الام - الاخت -
الزوجة ؟

[ندعوك للتسجيل في المنتدى أو التعريف بنفسك لمعاينة هذه الصورة]

سيتم اختيار الاعضاء بالدور

وللعضو يومان كى يستطيع الاجابه على هذه الاسئله

انتظر ارائكم للبدء فورا

الفكره بواسطة مارى لكنى قمت بالتعديل فيها

اتمنى ان تنال اعجابكم

بما ان على ترك ليا ان اختار العضو القادم

فقمت باختيار

العضو

بل المشرف

الحزين دائما

الغامض

بصراحه كده
هو المشرف الغامض الحكيم

تفتكروا بقى يكون مين

انا حسبكم تفكروا شويه

هو

هو

نسيت انسااااااااااااااك

فى انتظارك احمد

alia كتب:: بما ان على ترك ليا ان اختار العضو القادم

فقمت باختيار

العضو

بل المشرف

الحزين دائما

الغامض

بصراحه كده
هو المشرف الغامض الحكيم

تفتكروا بقى يكون مين

انا حسبكم تفكروا شويه

هو

هو

نسيت انسااااااااااااااك

فى انتظارك احمد

اولا ميرسى ليكى يا عاليه على المقدمه دى
وانا ولا غامض ولا حاجه
واستننونى
بعد قليل

عبث
الطفولة

1- مكان الميلاد أين كان ؟

المحموديه
2- حياة الطفوله من كان المؤثر
الأول بها ؟

والدى ووالدتى
3- موقف من الطفوله مازال عالق في
ذهنكـ؟

كنت فى يوم بلعب انا وابن عمى
بالعجل

وزفيت ابن عمى وقع من على العجله
واتعور وخيط 10 غرز فى دماغه

واتروقت فى اليوم ده
4- هل كان يوجد معامله مختلفه
لاخواتك البنات عن
الذكور
؟

مش حكايه اختلاف ولا حاجه بس انا
الكبير لاخواتى

ومعنديش غير اخت واحده فدى طبعا
واخده الدلع كله بس على قلبى زى العسل والله

مش مساله غيره والحوارت دى

اصل مفيش غيرها

فمدلعه ولما حد يزعلها والدتى تقول
لى محدش يزعلها دى حته عين واحده

فانا اختى طبعا عندى بالدنيا كلها

ولو توصل انى اقطع من عمرى واديها
عمرى ما ابخل عليها
5- اليوم الدراسي الأول هل تتذكر
حالكـ فيه ؟

كان يوم مقرف اكيد يعنى ربنا ما
يرجع الايام دى انا طول عمرى بكره التعليم اساسا
6- أصدقاء الطفوله هل مازلوا على
تواصل ؟

حبروحوا فين اهم فى وشى ليل نهار
وربنا يخليهم ليا
7- عبث الطفوله كيف تصفه في بضع
كلمات ؟

ضحك
ولعب
8- موقف غصب عليك والديك بفعله ؟

انى
ابطل اعمل طيرات ورق واطيرها كانوا بيخافوا عليا اقع من على السطوح

في

اي
سن قمت بقيادة السيارة ؟ وماذا حدث في اول مرة قدتها ؟

فى سن 16 ويومها خبطت فى البوابه بتاعه البيت

2- مرحلة المراهقه كيف كان تعامل
الأهل فيها ؟

طبعا زى اى حد حظر وشد وخوف ده التعامل الطبيعى فى المرحله دى
3-
غالباً مايكون الحب الأول في مرحلة المراهقه

فكيف
تصفه إن وجـــد ؟

اقول عليه ايه ولا ايه ماهو الحب الاول لسه عايش جوايا لحد دلوقتى
وربنا يتممه على خير

فمهما اوصف واقول مش حقدر احكى

انا ملخص حكايه حبى

انى بحبها وبموت فيها

4- هل كنت مثل شباب اليوم تتسلي
وتعاكس حواء ؟

لا مش معاكسات اللى هيا الاوفر

عادى على خفيف

اقدر اقول اللى عندى مكفينى مش مستنى انا اعاكس واحده لانى مش حشوف
فيها حاجه زياده

لان اللى بحبها شايفها ملكه جمال والحمد لله
5-
إلى ماذا كنت تطمح وهل وصلتِ لطموحكـ ؟

انا كان امل حياتى دخولى الكليه الحربيه بس محصلش نصيب

ودلوقتى باعيد ترتيب ورقى من جديد واشوف حعمل ايه وربنا يوفق ان شاء
الله
6-
هل كتبت مذكراتك ؟

لا مذكرات ايه دا انا نجحت بالعافيه كنت حكتب مذكرات ايه

وحكتب فيها ايه
7-
عنفوان المراهقه مالذي تبقى منه اليوم في
ذاكـرتكـِ
؟

حب حياتى ده الشئ اللى فاضل معايا من المرحله دى
8-
موقف غوصبت علي فعله بواسطة والديك ؟

دخولى كليه التجاره لانى انا كان نفسى ادرس حقوق بس الحمد لله محدش
عارف الخير فين ولعله خير

اجابات جميله جدا احمد
وربنا يخليك اختك ويور لاف والدك والدتك
وفى انتظار باقى الاجابات

بجد اجاباتك جميله اوي يا احمد

ربنا يوفقك يا رب

وتحقق اللي نفسك بيه فحياتك الجايه باذن الله

ومنتظرين باقي اجوبتك

فى انتظاااااااااااااااارك احمد

يلا يا احمد

منتظرين باقي الاجابات

فى انتظارك احمد

فى انتظارك احمد

نــضــج
الـرجـولة

1- كيف هي نظرتكـ للحياة اليوم ؟

الحياه فى الوقت ده عايزه التعب والجد والاجتهاد علشان الواحد يقدر يحقق ذاته وكل اللى بيتمناه
2- كيف هي حياتكـ بعد الزواج وتحقيق حلم الأبوه ؟

لسه مدخلتش فى المرحله دى
3- هل وجدت حلاوة المسؤليه مابين واجباتكـ
العملية والعائليه ؟
هو الرد المنطقى على السوال ده انى اجاوب لو كنت متزوج
بس انا لسه

بس اقدر اقول انى حاليا بحاول اتحمل مسئوليه البيت مع والدى يعنى بحاول اريحه وده من ايام الكليه يعنى اشوف الشغل واشوف ايه طلبات البيت يعنى تقدروا تقولوا انى بكون مستمتع جدا وهو بيقول لى اعمل حاجه وانا اعملها
4- هل ستربي أبنائكـ بنفس أسلوب تربية والديكـ
لكـ ؟

طبعا حيكون فى اسس وقواعد مش حتتغير بس اكيد حيكون فى اسس تانيه علشان تناسب الزمن اللى احنا عايشين فيه
5- هل مازلت تحتفظ بمذكراتك ؟ وهل مازلت تكتبها ؟
لا مكتبتش مذكراتى قبل كده
6- ماأكثر مايشغلكـ تفكيركـ في ظل مرحلة النضج ؟
انى اعيد ترتيب اوراقى واشوف ايه اللى مطلوب منى وحعمل ايه علشان ابنى مستقبلى
7- موقف غوصبت عليه من والديك وانت في تلك
المرحلة ؟
مفيش حاجه اتغصبت عليها فى المرحله دى

اجابات جميله احمد
وفى انتظار باقى الاجابات

آدم وحواء

1- المرأة ماذا يعني وجودها في حياتكـ اليوم ؟

انا فى حياتى 3 نساء
الاولى طبعا والدتى ودى فداها روحى ودمى
والتانيه اختى ودى البلسم اللى بيخفف عنى لما بكون تعبان واللى لو وصلت انى اقطع من عمرى واديها مش حبخل
والتالته الانسانه اللى بحبها واللى بتمنى من ربنا انى يجمعنى بيها على خير

2- من هي الشخصية النسائية التي تعجبك ؟

الشخصيه الوقوره هادئه الطباع

3- من هو الرجل التي تود ان يكون قدوة كل رجال
الارض ؟

مفيش طبعا زى سيدنا محمد عليه افضل الصلاه والسلام
ياريت يكون قدوه لينا كلنا

4- بعد الأخلاق الحسنة ماأكثر مايلفت انتباهكـ
في المرأة شكلاً ؟

هدوئها وحياءها

5- ما رأيك بالمرأة التي اهتمامتها تشبه الي حد
كبير اهتمامات الرجال ؟

زى ما بيقولوا الشئ اذا زاد عن حد انقلب الى ضده
انا مش ضد بس اكون ضد اذا اصبحت الاهتمامات دى هى كل حياه المراه لان ده طبعا حياثر عليها عن كونها انثى
يعنى تكون اهتمامات بحدود

6- اذا شعرت بالشك في امرأتك كيف ستكون ردة فعلك
؟ كيف ستتصرف معها ؟

معتقدش انى ممكن اكون فى الموقف ده وادعى ربنا ان متحطش فى الموقف ده
لانى ساعتها مش عارف انا ممكن اعمل ايه وبعدين الاختيار الصح بيكون صح طول العمر يعنى ان شاء الله
زوجه المستقبل لاى شاب لو راعى فى اختياره ليها ربنا وشاف اخلاقها والتزامها فحتكون ان شاء الله بعيد عن مستوى اى شبهات

7- بيت شعر تهديه لحواء ؟

أنت النعيم لقلبي و العذاب له فما أ مرك في قلبي و أحلاك
.

8- هل من الممكن ان تخبر امرأتك بماضيك وعلاقاتك
السابقة مع غيرها ؟

مفيش مانع وده الافضل علشان تكون الحياه فيها ثقه وينطوى الماضى بكل ما فيه
من حلو ووحش لان اهم حاجه فى الحياه بين اتنين الصدق

وهل ستفضل ان تقول لك امرأتك عن ماضيها ولا تسأل
انت ؟ كيف سيكون رد فعلك ؟

زى ما قلت الماضى صفحه وانقلبت باللى فيها واحنا على العموم طباعنا بالمجتمع الشرقى اللى احنا اتربينا على تقاليده
وعاداته مفيش حد ممكن يقبل بكده لانها حتكون مساله غيره فالافضل عدم السوال وتكون هى من جواها تكون نسيت وتراعى ربنا فزوجها وده مجرد رائ

9- كلمة توجهها الي حواء : الام - الاخت -
الزوجة ؟

انتم بلسم الحياه ووجها الجميل فلا تجعلوا مراره الحياه تذهبكم الى طريق اخر

اجاااابات جميله جدا احمد
وربنا يوفقك يارب
وفى انتظار العضو الى بعدك

اجاباتك رائعه بجد يا احمد
تسلم ايدك كتييييييييير

ويلا قولنا مين بعدك

بما ان احمد برضو سابلى اختيار العضو الى بعده

فانا قمت بترشيح

العضو الهادى

الفارس على

اتفضل ياعلى
ومنتظرين اجاباتك

فى انتظارك ياعلى

ماتنجز ياعلى

ههههههههههههههه

موضوع: AA الإثنين 16 أغسطس 2010, 5:32 pm

عبث الطفولة

1- مكان الميلاد أين كان ؟

مصر أم الدنيا

( المحمودية )

2- حياة الطفوله من كان المؤثر الأول بها ؟

الوالد والوالدة

3- موقف من الطفوله مازال عالق في ذهنكـ؟

هقول موقف احمد فكرني فيه بموضوع العجلة ده

مرة كنت اول مرة اركب عجلة كبيرة شوية

كان بابا سندني وزقني المهم سقت شوية وبعدين

كان في ميت وشوية حريم قاعدين في الشارع على الارض بيعزوا

رحت هب لابس فيهم وهما شغالين صوات

ههههههههههههههه

4- هل كان يوجد معامله مختلفه لاخواتك البنات عن
الذكور ؟

لا الحمد لله بنتعامل كلنا زي بعض

وطبعا علشان عندنا اخت واحده بس ممكن تكون يعني فارقه بس بسيط قوي

5- اليوم الدراسي الأول هل تتذكر حالكـ فيه ؟

مش فاكر قوي بس اكيد كنت مبسوط

كنت اهبل بقى كنت مفكر المدرسة حاجه حلوة

ههههههههههه

6- أصدقاء الطفوله هل مازلوا على تواصل ؟

اكيد طبعا هما هما

قاعدين على قلبي وقاعد على قلبهم

ههههههههههههه

7- عبث الطفوله كيف تصفه في بضع كلمات ؟

براءة وحب وصدق

8- موقف غصب عليك والديك بفعله ؟

اه ماكانوش بيرضوا اني اروح اصطاد خالص

علشان خايفين عليا

عنفوان المراهقة

في
اي سن قمت بقيادة السيارة ؟ وماذا حدث في اول مرة قدتها ؟

لا للأسف لسه مش اتعلمت

2- مرحلة المراهقه كيف كان تعامل الأهل فيها ؟

كانوا ساعات بيشدو عليا وساعات بسبوا شوية

والمرحلة دي بجد عايزة كده وعايزة التعامل فيها من الاب للابن كصاحب

3- غالباً مايكون الحب الأول في مرحلة المراهقه
فكيف تصفه إن وجـــد ؟

الحب شيئ جميل قوي وفي مرحلة الراهقة بيبقى يعني غريب شوية

في ناس بتبقى بالنسبة ليه اول مرة تحس واول مرة تحب

وبيبقى الاحساسا في اول مرة مختلف جدا

4- هل كنت مثل شباب اليوم تتسلي وتعاكس حواء ؟

هي مش معاكسات بمعنى الكلمة بس يعني كان بقى اعجاب

وكده يعني وتلميح بس الصراحة مكنش في كلام الواحد كان بينكسف

هههههههههههههه

5- إلى ماذا كنت تطمح وهل وصلتِ لطموحكـ ؟

كان في حاجات كان نفسي اعملها بعض منها عملته واللي هو القليل طبعا

ويعتبر ماعملتش حاجه اصلا هههههههه

بس طبعا في حاجات كتير قوي لسه مش اتعملت

والطموح ده بيبقى مالوش نهاية على فكرة

كل لما الانسان بيوصل لحاجه بيبقى عايز اللي بعدها

هي دي طبيعه الانسان

6- هل كتبت مذكراتك ؟

لا

7- عنفوان المراهقه مالذي تبقى منه اليوم في
ذاكـرتكـِ ؟

في حاجات كتير معايا منها دلوقتي

8- موقف غوصبت علي فعله بواسطة والديك ؟

كان في حاجات كتيرة

نضج الرجولة

1-
كيف هي نظرتكـ للحياة اليوم ؟

طبعا بتختلف عن المراحل اللي فاتت بكتير

دلوقتي الواحد دماغه كبرت شوية وعرف حاجات كتير وعرف الصح من الغلط

وبقى عليه طبعا مسئوليه ووجع دماغ

2- كيف هي حياتكـ بعد الزواج وتحقيق حلم الأبوه ؟

اكيد الجواز ده حلو لأي حد طبعا

وحلم الابوة ده شيئ عظيم قوي

بس الجواز مش نهاية الحلم يعني

يعني مثلا الحب بعد الجوزا للي متجوزها وكده ده حلم برده

مش اتجوزتها وخلاص وفي حاجات تانية كتير برده

3- هل وجدت حلاوة المسؤليه مابين واجباتكـ
العملية والعائليه ؟

والله هي ليها حلاوة وليها وحاشة

الحلاوة في انهم يكونوا واثقين فيك وعاملينك راجل وكده

وبياخدوا برأيك ومعتمدين عليك كتير

والوحاشة ان كل حاجه بتبقى عليك

وساعات الواحد بيزهق

ههههههههههههه

4- هل ستربي أبنائكـ بنفس أسلوب تربية والديكـ
لكـ ؟

الحمد لله هما ربوني تربية جميلة قوي واتمنى اني اربي اولادي زيها

بس اي حد بيبقى حاطط في دماغه تربية معينة لأولاده وكده

وباسلوب معين

5- هل مازلت تحتفظ بمذكراتك ؟ وهل مازلت تكتبها ؟

لا اصلا مافيش مذكرات

6- ماأكثر مايشغلكـ تفكيركـ في ظل مرحلة النضج ؟

المستقبل واللي هيبقى فيه

7- موقف غوصبت عليه من والديك وانت في تلك
المرحلة ؟

هما دلوقتي سايبني براحتي كتير

آدم وحواء

1-
المرأة ماذا يعني وجودها في حياتكـ اليوم ؟

المرأة لها دور كبير في حياة اي انسان

2- من هي الشخصية النسائية التي تعجبك ؟

الشخطية اللي كلها حياء واحترام واخلاق
الرجالية ايضا ؟

يكون محترم وخلوق وصادق في كلامة

3- من هو الرجل التي تود ان يكون قدوة كل رجال
الارض ؟

اكيد رسول الله محمد صلى اللي عليه وسلم

4- بعد الأخلاق الحسنة ماأكثر مايلفت انتباهكـ
في المرأة شكلاً ؟

حيائها وكسوفها

5- ما رأيك بالمرأة التي اهتمامتها تشبه الي حد
كبير اهتمامات الرجال ؟

والله يعني على حسب الدرجو دي

يعني ممكن في بنات بيعملوا كده بس بزيادة وبينسوا انهم بنات

وطبعا كده ماينفعش

6- اذا شعرت بالشك في امرأتك كيف ستكون ردة فعلك
؟ كيف ستتصرف معها ؟

الحمد لله وان شاء الله يعني عمري ماهفكر اشك فيها ابدا

علشان الشك ده بيعتبر مرض اصلا

والحمد لله انا واثق فيها ان شاء الله

7- بيت شعر تهديه لحواء ؟

مش عارف اهديها ايه ولا ايه
بس هديها حاجاه حلوة وخلاص

( حبيني واخلصي وفي قلبي لغوصي انا قلبي عود قصب بيقولك مصمصي )

8- هل من الممكن ان تخبر امرأتك بماضيك وعلاقاتك
السابقة مع غيرها ؟

ده بعتبر ثقة وصراحة ودليل على الحب

وده ماضي طبعا وهي اكيد مش هتزعل منه

وهل ستفضل ان تقول لك امرأتك عن ماضيها ولا تسأل
انت ؟ كيف سيكون رد فعلك ؟

في حاجات ممكن اسألها عليها

وفي حاجات مش هخليها تقولها

9- كلمة توجهها الي حواء : الام - الاخت -
الزوجة ؟

الأم

انتي اغلى شيئ في الوجود

الأخت

انتي حاجة جميلة قوي

وحاولي تكوني مكان والدتك

الزوجة

هديتك قلبي فحافظي عليه وصونيه

وبحبك من كل قلبي

يارب تعجبكم الاجابات

أرقى تحياتي

Ali Weeka

اجابات جميله على
تقبل مرورى وتحياتى

حلوه اوي اجاباتك علي

ربنا يوفقك فحياتك

حلوة اوووووووى اجاباتك ياعلي

وربنا يوفقك في حياتك

وتحقق كل اللي تتمناة

alia كتب:: اجابات جميله على
تقبل مرورى وتحياتى

شكرا لمرورك الجميل يا عاليه

نورتي

بسمة أمل كتب:: حلوه اوي اجاباتك علي

ربنا يوفقك فحياتك

شكرا ليكي يا نيرو

نورتي

romansya كتب:: حلوة اوووووووى اجاباتك ياعلي

وربنا يوفقك في حياتك

وتحقق كل اللي تتمناة

شكرا ليكي يا رومانسيه

نورتي

جميلة اجباتك يا على ان شاء الله ربنا يوفقك

» سؤال لشباب والبنات
» احدث الازياء لشباب
» وقفة صامتة لشباب القاهرة والاسكندرية
» اسئله!!!!!!!!!!!!!!!!!!!
» [اسئله للشباب فقط.

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

اسئله لشباب المنتدي