تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

مرت حتّى الآن ستة شهور وشوية منذ أن بدأت ثورتنا المجيدة، مرت الأيام 25 يناير و26 يناير و27 يناير (إلى 11 فبراير) كأيام مميزة، كانت عصيبة أحياناً ،كئيبة أحياناً وتبعث على البهجة أحياناً أخرى، انتهت الثورة لتبدأ حملات تنضيف الشوارع ودهان الرصيف في دليل إيجابي على أن الشباب بيتحركوا (وعايزين يتغيّروا).

تدريجياً توقف الشباب عن دهان الأرصفة وابتدوا يدهنوا صفحات الفيس بوك والتويتر بأشياء متنوعة تندرج بين (الألش الساذج، والنقد الهادف)، مرّت أيام أخرى وبدأ الفار يلعب في عب الناس، شعروا أن الثورة ابتدت تضيع منهم فقامت عدة مليونات أخرى كانت غالباً ما تقام في يوم التحرير (الجمعة سابقاً).

نهايته ...ما الفائدة من كلامي هذا ؟

الفائدة وبكل بساطة أنني أريد أن أوضّح أن كل شيء قابل للتغيير في أي لحظة، تغيرنا فجأة للأحسن في 25 يناير، تغيّرنا فجأة للأسوأ ولم نهتم بأخلاقيات الثورة، تغيرت وجهة نظر البعض للإخوان فوجدوهم (إنهم مش وحشين أوي)، تغيّر المجلس العسكري للأسوأ ولم يعد فلة شمعة منورة كما كان، تغيّر التلفزيون المصري – للحظات – فظننا إنه ممكن يكون أحسن، تغيّر مرة أخرى للأسوأ (والدليل اللي جاي في رمضان السنة دي)، تغيرت ثقة الناس وتفاوتت في درجات الثقة بمرشحين الرئاسة، فاللي كان فاكر أن البرادعي هو الأفضل اكتشف أنه من الممكن أن يكون العوّا أحسن، والعكس صحيح، تغيرت الآراء والأفكار والمعتقدات وتزايدت الجدالات والحوارات وهاجت الدنيا وماجت والكل يحاول أن يقنع الطرف الآخر بوجهة نظره، أو بمعنى أدق (يخوّنه)، (فأسلوب الإقناع مبقاش ليه فايدة).... وبينما الجميع في هذه اللخبطة تناسى أهم حاجة في رأيي.

هذه الحاجة المهمة جداً تتريق الناس عليها كتير، ولكن لو كانوا يعلمون مدى أهميتها أو مدى فائدتها (لزمانهم عملوها على طول)، هذه الحاجة هي تطبيق وتنفيذ تلك النقاط المكتوبة في الورقة الشهيرة الكاملة الشاملة التي كانت تُوزع بعد الثورة (من النهاردة دي بلدك انتا، مترميش زبالة، متكسرش اشارة، متعاكسش بنات،احترم غيرك، احترم القانون... الى آخره)، هذه الورقة (ومثيلاتها) لو قمنا فعلاً بتنفيذ كل جزئية فيها بذمة – وهو أمر غير صعب أبداً- سنكون فعلاً أفضل بلد في الدنيا.

أعلم جيداً أن تلك الجملة الأخيرة من الصعب تحقيقها (قريباً) ولكن على الأقل فلنبدأ بالتوقف عن الرغي وعن الجدال وعن التخوين (وعن التدخين)، ونبدأ في تنفيذ ما في تلك الورقة.. صدّقني، هنكون بجد أحسن.

[ندعوك للتسجيل في المنتدى أو التعريف بنفسك لمعاينة هذه الصورة]

رووووووووووعه بجد الوصف دا

وياريت فعلا ننفذ الحمله دى على ارض الواقع

متبقاش مجرد شويه بوسترات بتنطبع وتتوزع

ينقل من القسم العام الى القسم السياسى

شكرا يونس للمرور الكريم

وشكرا للمجهود

جميل جدا موضوعك

بس لازم ناخد بالنا اننا كلنا مبتدئين سياسة
ولو حصلت اى سلبيات فدا شئ طبيعى جدا

بس ان شاء الله اللى جاى احسن

واهلا بيكى تانى فى عالم السياسة

حاجه جميله اوى

بس ساعات الانسان اللى محتاج يتغير بيزهق

وبيحس انو هو اللى بيتغير لوحده والناس كلها ضدده

وبياخد الشعور بالملل تدريجيا

يعنى لو فى ايديه ورقه ومنتظر انو يلاقى باسكيت علشان يرميها فيه

وهو ماشى فى الطريق يلاقى الف ورقه

ويلاقى زباله

ويلاقى ناس مش مهمتيه غير بأنها تبيع ومالهاش دعوه

اذا كانت واقفه صح او غلط

مدايقه حد او لا

تدريجيا الورقه ديه لو مش رماها فى ماكن نظيف

حيرميها فى وسط الزباله اللى فى الشارع

فلازم كلنا نتتغير مره واحده ومش نرجع تانى

علشان نحس بالفرق

بصراحه كل حاجه لسه زى ما هيا

مفيش أى تغيير

نتمنى تغيير بجد

بشمهندس محمد / محمود / عبدالله

اسعدنى تواجدكم

فعلا في مفاهيم كتير اتغيرت بعد الثوره

اتغيرت سواء للاحسن او الاسوأ

ولكن تظل المشكله الكبري هي تغيرنا نحن الشعب

مننا من تحول للاحسن وهؤلاء قله متناهيه الصغر

والبعض الاخر تحول للاسوأ استغلال للظروف المضطربه

ولكن كما ذكرتي

سنكون فعلاً أفضل بلد في الدنيا.

أعلم جيداً أن تلك الجملة الأخيرة من الصعب تحقيقها (قريباً) ولكن على الأقل فلنبدأ بالتوقف عن الرغي وعن الجدال وعن التخوين (وعن التدخين)، ونبدأ في تنفيذ ما في تلك الورقة.. صدّقني، هنكون بجد أحسن.

لازم نتغير احنا الاول عشان نقدر نغير في البلد

جزاكي الله خيرا ع التوبيك

وجزاكى اختى خير الجزاء

اسعدنى تواجدك

» 6 شهور سجن لمن يرتدي البنطلون الساحل
» صفات البنات حسب شهور ميلادهم
» إيقاف الحضرى أربعة شهور وتغريمه 900 ألف يورو
» حقائق واحصاءات عن مباراة ارسنال وبرشلونة في ذهاب دور الستة عشر لدوري ابطال اوروبا لكرة القدم غدا الأربعاء.
» ما لم تستطيع تجميعه في شهور رجاء تثبيت هذا الموضوع لوجه الله تعالى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

ما حدث في تلك الستة شهور وشوية !!