تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

في التمرين ده بكل بساطة هنطبق المبدأين اللي أخدناهم مع بعض

أدوات التمرين

1- قلم أو عدة أقلام ملونة أو ملف وورد

2- ورق طبعا عشان تكتب عليه

3- لاصق أو اللي بيسموه (سلوتب)

هتبدأ تقطع الورق ده على شكل بطاقات

وتمسك بطاقة بطاقة

وتكتب في كل بطاقة الاعتقاد اللي انت عايز تعتقده

يعني مثلا

عايز تعتقد إنك حفظك قوي

فتكتب: أنا حفظي قوي جدا والحمد لله

بس كدة

وبعد ما تكتب البطاقات دي تبدأ تعلقها في كل مكان انت بتشوفه كتير

يعني فوق شاشة الكمبيوتر

فوق المكتب

جنب السرير

في المطبخ

وهكذا

عايز البطاقات دي تبقى مالية عليك حياتك

منين ما تروح تشوف البطاقات دي في وشك

واحد بقى فتك يطلع يقول: ايه الهطل ده؟

بطاقات ايه ياعم وبتاع ايه [ندعوك للتسجيل في المنتدى أو التعريف بنفسك لمعاينة هذه الصورة]

انت شكلك متسحر فول ولا ايه

فأقول له: يا عم الفتك

مانت لو كنت كلفت نفسك وقريت السلسلة من أولها كنت عرفت الموضوع ماشي ازاي [ندعوك للتسجيل في المنتدى أو التعريف بنفسك لمعاينة هذه الصورة]

في التمرين البسيط ده إحنا بكل بساطة طبقنا المبدأين اللي اتكلمنا عليهم

1- الإنسان بيصدق نفسه

انت في البطاقة دي بتكلم نفسك

بتقول: أنا كذا كذا

وزي ما قولنا إن الإنسان لما بيكلم نفسه بيكون اعتقاد في دماغه وهو ده اللي مطلوب

2- الزن على الودان أمر من السحر

وهو إنك بتعلق البطاقة دي في أماكن كتير

وده معناه إنك بتزن على نفسك

لو مش فاهم برضه يبقى بطل فتاكة وروح اقرأ السلسلة من أولها [ندعوك للتسجيل في المنتدى أو التعريف بنفسك لمعاينة هذه الصورة]

نرجع تاني

توصيات مهمة في التمرين ده

1- لازم الكلام يكون بصيغة (أنا) يعني كأنك بتكلم نفسك

تكتب: أنا حفظي قوي أو أنا متفوق في دراستي أو أنا بفهم كويس في المحاضرات أو أنا بعامل الناس بكل هدوء واحترام

وهكذا

2- لازم يكون الكلام بصيغة إيجابية واحذر من الصيغة السلبية

يعني ما تكتبش مثلا: أنا حفظي مش ضعيف أو أنا مش فاشل

إياك ثم إياك ثم إياك

دلوقتي أنا عايزك تستحضر في ذهنك فاكهة معينة انت بتحبها

استحضرت؟

طب استحضر كويس

ما قولنا استحضر [ندعوك للتسجيل في المنتدى أو التعريف بنفسك لمعاينة هذه الصورة]

ودلوقتي

أنا عايزك تنسى الفاكهة دي خاااااااالص

انسى الفاكهة دي

أنا عايزك تكره الفاكهة دي تمامااااااااااا

الغي من دماغك نوع الفاكهة دي

ودلوقتي يا ترى انت بتفكر في ايه؟ [ندعوك للتسجيل في المنتدى أو التعريف بنفسك لمعاينة هذه الصورة]

أكيد بتفكر في نوع الفاكهة اللي كنت مستحضره

مع إني بقوللك انساه والغيه واكرهه

ومع ذلك انت بتفكر فيها

وهو ده المبدأ اللي بيقول: ركز على ما تريد ولا تركز على ما لا تريد

يعني عايز النجاح ركز على النجاح

عايز الحفظ ركز على الحفظ

عايز القوة ركز على القوة

وإياك تذكر حاجة سلبية ولو بصيغة النفي زي: أنا ما بنساش أو أنا مش فاشل وهكذا لأنك بكدة بتركز على الشىء السلبي

تقدر تقول: إن العقل الباطن لا يرى النفي

أكبر ميزة في التمرين ده إنه مش بيستهلك وقت خالص

ومش محتاج مواظبة على شىء معين وإنما فقط بتعلق الورق وبتسيبه وهو بيقوم بالمهمة أوتوماتيك مع عقلك الباطن

ومع الوقت هتلاقي الاعتقاد بدأ يتكون في دماغك وبالتالي تمشي في المنظومة بتاعت أنتوني روبينز اللي شرحناها أكتر من مرة

وهي إنك تتكون عندك قدرات تتناسب مع الاعتقادات الجديدة ثم تنتج أفعال عن
القدرات دي والأفعال تولد نتائج كويسة وبالتالي الأفعال تزود من اعتقاداتك
وهكذا

بالمناسبة

التمرين ده كان بيشرحه الدكتور نجيب الرفاعي في سلسلة (مهارات دراسية) ولكني هنا بينت أصول التمرين وأسهبت شوية في الموضوع

بس يا عم لو واحد دخل الشقة عندي وشاف البطاقات دي يقول عليا عبيط [ندعوك للتسجيل في المنتدى أو التعريف بنفسك لمعاينة هذه الصورة]

ياعم عبيط عبيط

يعني أخدنا من كلام الناس ايه

سيب اللي يقول يقول

من يضحك أخيرا يضحك كثيرا

أهم حاجة مصلحتك

وبعدين المسألة مسألة وقت

مجرد ما الناس تشوف الورق ده أكتر من مرة هتتعود على الوضع وخلاص وده بالتجربة الشخصية

وياسيدي تعليق يفوت ولا حد يموت [ندعوك للتسجيل في المنتدى أو التعريف بنفسك لمعاينة هذه الصورة]

المرة دي بقى

لازم أشوف تجاربكم

وأقرأ تعليقاتكم

وتحكولي على اللي حصل معاكم

وهل فيه أشياء غامضة في التمرين

وهل فيه أي تحديات في عمل التمرين

يعني عايزين إثراء للموضوع عن طريق تعليقاتكم الجميلة

أتمنى إني أكون قدمت شىء مفيد [ندعوك للتسجيل في المنتدى أو التعريف بنفسك لمعاينة هذه الصورة]

وانتظرونا مع تمرين تاني أقوى من التمرين ده في المرة القادمة إن شاء الله تعالى

خلي بالك

مش معنى إني هشرح تمرين أقوى إنك تهمل التمرين ده

ده برضه تمرين مهم وله تأثير قوي وبجد لازم أشوف تجاربكم

والسلام عليكم ورحمة الله وبركاته

شكرا للمجهود

ونتمنى ان لا ينقطع

شكرا جزيلا على الموضوع الرائع

» ياريت والله بس مش قادر – الجزء الأول
» ياريت والله ... بس مش قادر - الجزء الثاني
» عاوز ابكى ومش قادر
» ملاك قادر على عد كل شيء إلا شيء واحد
» بصراحه مش قادر احدد مصر بلد النضافه ولا بلد العفانه

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

ياريت والله بس مش قادر 3