انا

امممممم

طيب انا مستغربه كل حاجه ومخنوقه كمان من كل حاجه
ومش لاقيه حد جنبى وتقريبا لوحدى خالص ومش عارفه اكتب اى حاجه
قولت اشخبط عندكو شويه

ببساطه كده كل حاجه راحت منى
كنت بحسب زمان ان اللى راح منى حاجات سهله ممكن تتعوض
يعنى راحت الفرحه راحت البسمه راحت راحة البال راح الاحساس بالامان
راح الاحساس بالانتماء راح الاحساس بالدفء والحنان قلت كله مش مهم
ابويا وامى جنبى ودول بالدنيا
يعنى مش مهم افرح دلوقتى المهم بعدين اكون مبسوطه
ومش مهم ابتسم دلوقتى كفايه اشوف الابتسامه على وشوش كل اللى حواليا
مش مهم انام وبالى مرتاح المهم بال الناس اللى تهمنى يكون مرتاح
وانا بكره بالى يرتاح
مش مهم احس بالامان من جوايا طالما اللى حواليا محققين ليا الامان الخارجى
مش مهم الاحساس بالدفء والحنان مادمت انا اقدر اعطى الاحساس ده لحد تانى
قلت بكره كل حاجه تتعدل
الواحد لما يتجوز هيحب ولما يخلف هيستقر
ولما يربى عياله كويسه باله هيرتاح
ولما يسمع كلمه يا ماما هيبتسم
طيب اعمل ايه لو بعد كل الاوهام اللى انا اقنعت نفسى بيها دى فقت
فقت على واقع غير الاحلام والاوهام
فقت على ناس ودنيا وكل حاجه حواليا صح الصح
الحاجه الوحيده اللى مش لاقياها والحاجه الوحيده اللى مش حاساها
والحاجه الوحيده اللى مفتقداها انا
ممكن ساعتها الواحد يحس بأيه
يروح فين ؟؟ يعمل ايه ؟؟ يتصرف ازاى ؟؟؟؟
انا مضيعتش نفسى بس
انا ضيعت كل حاجه
كل حاجه ضاعت منى
والناس اللى ساعدونى ازيتهم
والناس اللى ازونى ساعدتهم
اعمل ايه

يااااااااااااااااااااااا رب مالى سواااااااااااك[b]

لا تبكي على أي علاقة في الحياة ،
لأن الذي تبكي من أجله لا يستحق دموعك !
والشخص الذي يستحق دموعك ..
لن يدعك تبكي أبداً

ربنا معاكى باذن الله

بسمة أمل كتب:

اول حاجه لازم ناخد بالنا منها كويس فحياتنا
مش عشان نسعد حد حوالينا نعمل عشانه وبس
كمان نفسنا ليها حق علينا قبل اي شئ
لازم ندي وناخد
انما ندي ندي ندي وفالاخر منلاقيش ان اي حاجه من اللي عملناها
حققتلنا اي شئ من اللي بنتمناه اعتقد حنندم ونظرتنا للدنيا وللحياه وللاشخاص حتتغير

بس مش معني كده اننا نخلي اي حاجه تأثر علينا وعلي نفسيتنا
بالعكس دي نعتبرها تجارب واستفدنا منها
غيرتنا .. قوتنا .. عرفتنا ازاي نواجه اي حاجه بعد كده

اقولك بصي لنفسك حتلاقيكي لسه الحياه قدامك كتيييييير
مينفعش نضيع اي لحظه فيها
وبعدين ربنا هو اللي كاتبلنا قدرنا خير او شر

والحمد لله ربنا كبييييييييير وعنده خير كتير

ربنا يوفقك يا جميل ويفك كربك يارب

شكرا ليكى بسمة امل وربنا يخليكى بجد رفعتى معنوياتى شويه وادعيلى ديما الله يخليكى لحسن انا حالتى ما يعلم بها الا الله

eng:mohamed mahmoud كتب:

لا تبكي على أي علاقة في الحياة ،
لأن الذي تبكي من أجله لا يستحق دموعك !
والشخص الذي يستحق دموعك ..
لن يدعك تبكي أبداً

ربنا معاكى باذن الله

شكرا ليك محمد

ARTHUR كتب:

بعد خساره حاجات كان مرتبطه بالامان والحب والامل بنحس ان كل شئ فى وادى تانى مش قادرين نوصله وان ضاع مننا كل شئ
اللى حصل ان كل شئ كان مربوط باللى حاسه انه راح هو بس اللى راح
انما كل حاجه حلوة لسه موجوده بس مش شايفاها
اقولك معلومه عرفتها وحسيتها
ان كل شئ كان فعلا راح واصبح من المستحيل انى اشوف اى شئ
وقررت ان اسيب العالم اللى حواليا واحده واحده وابعد
بس آمنت ان ربنا ليه حكمه فى كل شئ بيحصل للانسان
ربنا ليه نظره تانيه ابعد من نظرتنا الضيقه لنفسنا
اكبر دليل ان ممكن يرجع كل شئ هو انك لما يروح الزفير بيجى بعديه شهيق عشان تعيش وطول ما جواكى دا
يبقى كل حاجه هاترجع زى ماراحت او زى ما اعتقدتى من جواكى انها راحت
هايجى فى يوم اللى ربنا شايلهم يكونوا معاكى
بس ابدأى بخطوة واحده
انك تقتنعى بان كل اللى راح ماكنش اصلا هو اللى لازم تشوفى فيه كل شئ جميل والا ماكنش راح
اللى بيفضل ويستمر دائما هو اللى يستحق
واهمها روحك زى ماقالت "بسمه امل" فى اول كلامها ..

وربنا يسهل ليكى كل سبيل... تقبلى مرورى

فعلا انت عندك حق
كل اللى اقدر اقولهولك
جزاك الله خيرا