منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
منتدى طلاب كلية التجارة بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد Yasmina

 
الرئيسيةالبوابةالأحداثالمنشوراتأحدث الصورالتسجيلدخول
تاريخ/ساعة اليوم : الخميس 28 مارس 2024, 2:40 pm


 

 سيناريوهات ميدان التحرير

اذهب الى الأسفل 
4 مشترك
كاتب الموضوعرسالة
ahmed yousry elsherbiny
عضو مبتدئ
عضو مبتدئ
ahmed yousry elsherbiny


ذكر
عدد المساهمات : 22
العمر : 31
العمل/الترفيه : كنت مهندس وبقيت دكتور حاليا بدرس اكون محاسب
المزاج : على حسب اليوم
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه شوية
المحافظة : البحيرة
المدينة : رشيد
نقاط : 4753
تاريخ التسجيل : 21/04/2011
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 12:59 am

سناريو لا يتغير فى البيوت المصريه من يوم 25 يناير مهم جدا

ها ... الريس اتنحى ولا لأ ؟

حاجة غريبة قوى اللى بيحصل دة ...11 يوم عدوا كلهم زى بعض
مافيش جديد
...
تصحى الصبح تفتح عينيك تسأل نفس السؤال ...ها الريس
اتنحى ولا لأ ؟
......
والأجابة : لا

السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان
تغسل وشك... ولسانك يستغفر ويدعى ان ربنا يعدى اليومين دول

على خير

تشغل التليفزيون شوية على قناة العربية وبعدين ال بى
بى سى ...تلاقى ناس بتسب فى النظام والبلطجية وصورة مركزة على ميدان التحرير من
بعيد وباين فيها ناس كتير وشريط اخبار ان المئات يتوافدون على الميدان علشان يوم
مليونى جديد

اعصابك تبوظ ... وتقول دى قنوات عميله عايزة تشعللها
، لما اجيب التليفزيون المصرى علشان يطمنك شوية ( زى حنان الأم كدة) بس

قبل ما تحول تقول ...اشوف الجزيرة اشتغلت ولا لسه
...وانت متأكد ان الجزيرة مش هاتشوف النايل سات تانى

وتجيب المصرية ...صورة لناس مؤيدين للرئيس مبارك امام
مبنى التليفزيون او فى ميدان مصطفى محمود

وطبعا الصورة من قريب علشان العدد قليل ومش عايزين
يبينوا كدة ...فاديلوا كادر قريب

ونفس المذيع ونفس المذيعة ولسه بيناشدوا كل اللى عايز
يطلع من ميدان التحرير ...كل اللى عايز يطلع يقف ويحط ايده اليمين على صدرة ويغمض
عينه ويقول الحقنى الحقنى يابن الجنى ...واحنا هانبعتله العفريت ينقذة من الغابة
واكلى لحوم البشر اللى فى الميدان

تهز دماغك تانى وتقول كلام قبيح ... وتقفل التليفزيون
وتفتح النت ...ماهو رجع الحمد لله

وتفتح الفيسبوك (سبب المصايب، اعوذ بالله) اللى لو عم
مارك زوكربيرج كان يعرف انه هايكون السبب في كل المصايب دى كان ولع

فى الكود بتاعه

وتبدأ تقرأ ال ستاتس بتاعة صحابك ...

غدا جمعة الخلاص 1

2 بكرة جمعة الأستقرار
(وده طبعا واحد تعب من كتر ما بيتظاهر )و

3 سيبوا الريس بقى ماهوا ماشى ماشى ...اوف

4 هاطلع عين ا اللى مش نازل التحرير

5 الحب يأتى مره واحد فى العمر
(وده طبعا واحد ماعملش ابديت لل ستاتس من ساعة ما قفلوا
النت ) والحمد لله

6 هاطلع عين اللى هاينزل التحرير

7 ياجدعان بيقولوا ان فى شجر بيتكلم وديناصورات حوله
بتأكل المتظاهريين فى التحرير

8 ما فيش حاجة اسمها حب فى الدنيا دى (ودى طبعا نفس
حالة رقم 5 وغالبا بترد علية) و

9 هو الفيسبوك اشتغل عندكوا يا جدعان ( وده عيل
تيييييت ...غبى بيتعامل مع النت كأنه مية مقطوعة )و

10 يا احمد رد عليا ...بتحبنى ولا لأ ...قولى بسرعة
قبل ما يقطعوا النت تانى

وفجأة تلاقى استاتس او كومنت يستفذك ...وتدق طبول
الحرب فى ودنك ...هجوووووووووووووم

وتبدأ ترد وتنقد فى واحد نازل التحرير او واحد مش
عاوز ينزل (حسب ميولك النهاردة) وتلم الناس علية علشان يشاركوا فى الحرب وتعملوا
لايك لبعض لغاية لما يزهق ويسكت او يعمل نفسه اوف لاين لغاية لما يجيب رجالة وييجى

وشوية ويجيلك صورة من شبكة رصد او كلنا خالد سعيد
...والصورة واحدة من تلاتة

ميدان التحرير ....شهيد للمظاهرات ...صورة لحسنى
مبارك

ومع الصورة 956 كومنت و 164 لايك

وتفتح الكومنت وتلاقى خناقة وناس بتشتم بعض ..فتشتم
بدورك وتطلع اوتعمل لايك (برضه حسب ميولك النهاردة) وشوية وتزهق

وتيجى تقفل النت ..تلاقى صاحبك اللى كان عامل نفسة اوف
لاين جاب رجالة ورجع تانى وبيهزقك
وتشتموا بعض ..وبعدين تعتذروا ...وكل واحد يقول
للتانى ..انت فهمتنى غلط ماكانش قصدى

وتقفل النت ...وتسأل تانى ..لسه ماتنحاش ...طب الناس
اللى فى التحرير ما قلتشى ...

وأحمد شفيق يظهرلك فى كل القنوات ويحلف ...عزة جلالة
الله الريس اتغير وعايز يصلح البلد اقبل مايمشى

ومذيع او صحفى رخم يقولوا ...وايه اللى يضمنلى
...ويقترح ان حد ينزلهم التحرير

وشفيق يقول يا ريت

تقفل التليفزيون وتقول اوف ...لما انزل شوية ، وتبص ف
الساعة وقلبك يقع فى رجليك ...الساعة بقت خمسة

الحظر جه ...الحظر جه

وعلى مزيكة ميشون امبوسيبل ...تتحول وتلبس وش الرجل
الذئب ...وتطلع السكينة من تحت السرير وتنزل ع الشارع

تلعب دورك فى مهزلة اللجان الشعبية ... لحماية مصر من
اللصوص والعصابات المتوحشة

ويجيلك واحد كل نص ساعة ويقولكوا ... "يا جدعان
، فى عربية هاتعدى دلوقتى فيها 3 معاهم سلاح وخاطفين عيال...خلى بالكوا " ثم
يختفى والا حد يظهر

وعينك تغفل ولما تيجى تأخد تعسيله ع السريع ...يطلع
راجل رخم تانى ..." يا جدعان ، جايين دلوقتى فى عربية فراخ وعملين نفسهم
كتاكيت"

ولا تغيير ... لا العربية بتيجى ولا صوت لكتكوت واحد

والساعة تيجى تمانية الصبح ...تطلع تنام علشان

تصحى الصبح تفتح عينيك تسأل نفس السؤال ... ها الريس
اتنحى ولا لأ ؟

والأجابة : لا

عالطول السؤال التانى : طيب الناس اللى فى التحرير
روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان
تغسل وشك...
الرجوع الى أعلى الصفحة اذهب الى الأسفل
https://www.facebook.com/a7medelsherbiny
ARTHUR
عضو مميز
عضو مميز
ARTHUR


ذكر
عدد المساهمات : 1065
العمر : 33
العمل/الترفيه : كاتب بعد الضهر :D
المزاج : مبقاش عندى ،يادوب بعرف اكتب
الجامعة : جامعة الأسكندرية
الكلية : كلية التجارة
الفرقة : الثالثة
الشعبة : اقتصـــــــــاد

المحافظة : البحيرة
المدينة : المحمودية
نقاط : 6099
تاريخ التسجيل : 04/04/2011
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: رد: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 2:09 am

ههههه جميل اوى تسلم على الموضوع الرائع ده ونشوف منك
المزيد بإذن الله
الرجوع الى أعلى الصفحة اذهب الى الأسفل
sokr7oda
المدير العام
المدير العام
avatar


ذكر
عدد المساهمات : 35736
العمر : 39
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : لسه بدور
المحافظة : البحيرة
المدينة : دمنهور
نقاط : 41360
تاريخ التسجيل : 04/12/2008
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: رد: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 2:25 am



هههههههههههههههههه

جامده اوى اوى اوى

بس المحطمين كتير والله

واللى عمل اللى احنا فيه داه كل واحد حتى لو كان فى بلده

لآن داه قلل الشرطه انها تبقى فى مصر بس

كان الموضوع حيبقى اكتر عندهم

وانا من المؤيدين وقولت نعدى فتره الرئاسيه ديه على خير

ويسلم السلطه وخلاص ومن وقتها وانا وقفت عن الخروج فى المظاهرات


لآن الوضع بدأ يتدهور واللى كانو فى التحرير اقتناعنا انهم صح

وكمان قولنا ان هما واقفين والوضع هنا خلاص كان مراكز الشرطه

ادمرت وتانى يوم كل واحد واخد العيله وبيتفرجو على متحف دمنهور

اللى هو امن الدولة سابقا

فقولنا هما اللى فى التحرير اللى صوتهم مسموع دلوقتى

وهما الامل الوحيد علشان كده مش طلعت تانى

بس الواحد كان عايز استقرار بعد ماشوفت الناس واخده اسلحه

من المركز واللى راكب على عربيه نقل وشايل بنادق فى ايده

واللى ماسك كرسى وبيجرى بيه

واللى شايل باب اوضه

والمنظر كان زباله زباله

هو داه كان قصدى من الاستقرار لآننا شعب مستغل



لكن دلوقتى تعرف العيب الوحيد فى كل واحد

العيب فينا احنا

تلاقى سواق تاكس رخم واقف فى نص السكه وانزل يشترى سندوتش

اللى كان ولما العسكرى يجى ويقوله لو سمحت كده ماينفعش

يزعق ولا مايردش عليه

اللى كان نفس سواق التاكس برده لما عسكرى المرور يبصل له من

بعيد علشان بينزل ناس

ينزل معلش انا اسف ياباشا ويديله الجوز جنيهات

العيب فينا دلوقتى واقتنعت ان الاجيال القديمه او اللى قبلنا

آن اكتر الشباب مش بتعمل كده واللى بيسمو نفسهم بلطجيه

يتمركز فى مكان ويفتح كشك بقاله وهو بيبيع فيه مخدرات

امال حيكسب منين


اقتنعت بأن العيب فينا

ان العصايا كانت ممشياهم زى حد كده ممكن يهوهو بالليل

لو شاف قطه ممكن يجرى منها

زى ماالثوره نفعتنا

قلبت علينا


بس ان شاء الله الاصلاح هو اللى حيكسب فى الاخر

بس اهم حاجه التغيير مننا

مش كل واحد يدور على مصلحته الشخصية


الرجوع الى أعلى الصفحة اذهب الى الأسفل
ahmed yousry elsherbiny
عضو مبتدئ
عضو مبتدئ
ahmed yousry elsherbiny


ذكر
عدد المساهمات : 22
العمر : 31
العمل/الترفيه : كنت مهندس وبقيت دكتور حاليا بدرس اكون محاسب
المزاج : على حسب اليوم
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه شوية
المحافظة : البحيرة
المدينة : رشيد
نقاط : 4753
تاريخ التسجيل : 21/04/2011
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: رد: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 2:16 pm

شكرا
arthur
وشكرا
حودا
ميرسى على مروركم
الرجوع الى أعلى الصفحة اذهب الى الأسفل
https://www.facebook.com/a7medelsherbiny
DESERT ROSE
عضو مميز
عضو مميز
avatar


ذكر
عدد المساهمات : 8780
العمر : 31
الجامعة : جامعة دمنهور
الكلية : كلية التجارة
الفرقة : الثانية
الشعبة : .
المحافظة : البحيرة
المدينة : .
نقاط : 14235
تاريخ التسجيل : 17/08/2009
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: رد: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 2:33 pm

هههههههههههههههههههههههههههههههه
جامده ياواد
الرجوع الى أعلى الصفحة اذهب الى الأسفل
ahmed yousry elsherbiny
عضو مبتدئ
عضو مبتدئ
ahmed yousry elsherbiny


ذكر
عدد المساهمات : 22
العمر : 31
العمل/الترفيه : كنت مهندس وبقيت دكتور حاليا بدرس اكون محاسب
المزاج : على حسب اليوم
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه شوية
المحافظة : البحيرة
المدينة : رشيد
نقاط : 4753
تاريخ التسجيل : 21/04/2011
سيناريوهات ميدان التحرير 800341355

سيناريوهات ميدان التحرير Empty
مُساهمةموضوع: رد: سيناريوهات ميدان التحرير   سيناريوهات ميدان التحرير Emptyالسبت 23 أبريل 2011, 7:31 pm

DESERT ROSE كتب:
هههههههههههههههههههههههههههههههه
جامده ياواد



حبيبى يا فيدو وميرسى لمرورك يا جميل هما مش بيقولولا كدة برضه
ههههههههههه
الرجوع الى أعلى الصفحة اذهب الى الأسفل
https://www.facebook.com/a7medelsherbiny
 
سيناريوهات ميدان التحرير
الرجوع الى أعلى الصفحة 
صفحة 1 من اصل 1
 مواضيع مماثلة
-
» مش كفاية من ميدان التحرير
» "مشهد رأسي" من ميدان التحرير هشام الجخ
» قصيدة هشام الجخ مشهد رأسي من ميدان التحرير
» موعد مع التحرير
»  حكاية التحرير

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-ركن المنتديات العامة-۩۞۩» :: القسم العام-
انتقل الى: