تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

السلام عليكم ورحمة الله وبركاته

وبعد

النهاردة جايب لكم موضوع

اظن انة مش مخالف

لانة بقى حديث المدينة شكل ما بيقولوا

وهو مظاهرة 25 يناير

لو نجحت المظاهرة اكيد مصر هتتغير

ولو ما نجحت يبقى هنعيش طول عمرنا فى الظلم

انا عرف ان الكلام دة المفروض ماينكتب فى منتدى

بس الاسلام علمنا ان الساكت عن الحق شيطان اخرص

واننا لو شفنا خطا لازم نتصدى لة

ولاول مرة بعد ماعملتها تونس ونجحت

والجزائر وباقى الدول بتحاول

مصر البلد الى كلها قوة الى قال الرسول صلى الله علية وسلم خير اجناد الارض جند مصر

هطلبوا حقهم ايوة هيطلبوا حقهم

رايك فى مشاركة الشرطة وتعاونة فى المظاهرة

هل ممكن ان تتحقق مطالب الشعب

لية رئيسنا يفضل رئيس على مصر على طول وكمان يخلى ابنة يمسك الرئيسة بعدة

لية ميكونش ابنى او ابنك او اخوية او اخوك هو رئيس البلد

لية شبابنا ميقدرش يحلم بشقة وشغل

لية دائما احلامنا بتهدم

لية دائما الى يقول الحق يموت

والى يقول الكدب يبقى ملك الملوك

لية ولية ولية

طيب لية نعمل مظاهرة

وهتيجوا ولا لا

وياترى فى امل ان مصر هتتغير

مستنى الاجابات والردود

بما حدث فى يوم الغضب واراء الجميع

ثورة ثورة حتى النصر ثورة فى كل شوارع مصر

اختى وحبيبتى فى الله
فى البدايه موضوعك مميز لكن اختى انا ضد التظاهرات واللى حصل ده كله
واسمحيلى انو احنا بينا قد ايه احنا همج ومش متحضرين
اختى ان الله لا يغير ما بقوم حتى يغيرو ما بانفسهم
الغلط فينا قبل ما يكون فى حكومتنا
تطلعى الى كل فئات الشعب شوف كام بالمئه كويس وكمان وحش
وستذهلك النتيحه
عذرا على الاطاله واختلاف الرأى لا يفسد للود قضيه
تقبلى مرورى

HANAN.N.K كتب:: اختى وحبيبتى فى الله
فى البدايه موضوعك مميز لكن اختى انا ضد التظاهرات واللى حصل ده كله
واسمحيلى انو احنا بينا قد ايه احنا همج ومش متحضرين
اختى ان الله لا يغير ما بقوم حتى يغيرو ما بانفسهم
الغلط فينا قبل ما يكون فى حكومتنا
تطلعى الى كل فئات الشعب شوف كام بالمئه كويس وكمان وحش
وستذهلك النتيحه
عذرا على الاطاله واختلاف الرأى لا يفسد للود قضيه
تقبلى مرورى

سمحيلى اخت حنان انتى بتشوف الموضوع من مفهوم ضيق جدا
وهى فين الهمجيه طيب ما انا من زمان ساكت وراضى بس حرام كفايه
من حقى اقول رايى ومن حقى بعد ما اخلص الاقى شغل ومرتب يفتح بيت
مش يجيب عيش بس وانا بيدى ايه لما اقعد اتعلم 20سنه والمصريف والاخر اطلع اقعد فى البيت او اشوف بلد تانيه
دا احنا عدد المصرين الى بره اكتر من الى جوه وانا فيه ايه بقى غلط بعد التعليم دا كله ومفيش حلجه
سورى للطاله بس هى دى الحقيقه
وموضوع رائع ومتميز
تقبلى رايى المتواضع
واسمحيلى اختلف معاكى ان الموضوع مينفعش يكون فى المنتدى طيب لازمته ايه بقى وهو فيه تجمع شبابى بالكميه دى
سورى مره تانيه

الموضوع جميل

وحكايه انها تتغير انا ممكن اقول حاجه
ان الحكومه بتاعتنا مش ى حكومه تونس

يعنى الموضوع جامد شويه مش من السهل كده

وحكايه التظاهرات انها همجيه ديه

انا شايف ومن وجهه نظرى

ان ديه اول مظاهره تتعمل بشكل حضارى جدا
بس بعد كده مش حيكون المووضع سهل

والحكومه تتسيب فى المظاهرات مره تانيه

وكل اللى خارج داه علشان شغل او علشان المعيشه بقت صعبه

ولكن مش لآغراض سياسيه

تقبلو رأى

ربنا يستر علي بلدنا الايام الجايه

الموضوع كبير وخطير

اذا بتعتبرو ان ده تغيير فاليك ما قد تغير
1_انخفاض سعر الجنيه الى اقل فئه ليه من ست سنوات
2_خسارة البورصه المصريه تصل الى اكثر من80%
3_ انخفاض الاسهم فى البورصه يصل الى 10% يعنى ان
الاسعار هتولع هتولع
وفات رجال امن من الشباب اللى لبسو جيش يعنى مالهم زنب
وفيات من الشعب واعتقال البعض الاخر
واليكم الاهم لم يتغير اى شىء اخر
وطبعا عمنا البردعى هيجيلو ازمه قلبيه من الفرح ومش بعيد يطق له عرق
سورى يا جماعه مش قصدى اضايقكم
تقبلو ثقل دمى بس اتعودت اتكلم بصراحه

انا نفسى فى حاجات كتير تتغير
بس عشان نتغير للاحسن لازم نغير فى اخلاقنا الاول
وحاجات كتير فينا ونرجع لديننا كمان
والتغير مش حيكون بالمظاهرات بس
وكمان انا مع محمود المظاهرات المرة ديه
تعتبر مش همجيه وخطوة ممكن تكون ايجابيه
لو نجحت فى تحقيق هدفها ولو مش نجحت قولى
ع التغير يا رحمن يا رحيم
حنفضل طول عمرنا زى ما احنا
من غير اى تغير

بجد ربنا يستر البلد ديه وعلينا
وتعدى الايام ديه ع خير

بجد أنا مش قادر أقول حاجه غير

حسبى الله ونعم الوكيل

انا اوافق محمود الرأي تماما

انا مقتنع بالمظاهرات والتغير

انما عندما تنقلب لمعركة دموية بين اطراف الشعب

فليرحل التغير بعيدا عذرا فهذا رأي

مشكورين على الطرح والنقاش

ولكن عندى رايين مختلفين فى كل نقطه وده اللى مضايقنى

ان فى اول نقطه انى جدا مع المظاهرات والتغيير وده حق واضح للشعب لان الحكومه بتحكم من خلال الشعب

ونواب البرلما ن كمان بيمتثلوا الشعب

وكده الحد وصل لا خره وكمان طفح الكيل فكان لازم الشعب يتحرك

ولكن كان المفنرض من الشعب الاظهار بالشكل الحضارى وده اللى كان فى اول ايام من المظاهرات وبعدين كان من الواجب الدفاع عن حضارت تظاهرهم يعنى كل واحد فيهم كان فيه زرة حب لبلده كان يقدر يمنع كل واحد جنبه معاه مولوتوف ويحاول يولع فى محكمه او امن دوله او مركز شرطه او شركه كهربا او ميه

هما محاولوش يعملوا كده وكمان محاوله استفزاز الشرطه وحرق عساكر الامن المركزى فى البدايه وده على لسان احد المتظاهرين فى الميدان

انا اعتقد ان التغيير بيحصل فعلا وكفايه لحد كده عصبيه ووجع دماغ

وعدم استقرار امنى شوفناه خلال الايام اللى فاتت

وبالنسبه للحكومه هيا فعلا قدمت انجازات للشعب المصرى بس برده احنا كتير 80 مليون لازم برده نكون صعبين فى الحكم وتوزيع العداله

بس الحكومه برده كانت بتقدم انجازات باليمين وتاخدها فساد وسرقه بالشمال ودى الغلطه اللى فيها الرئيس
دلوقتى
انه حتى لو مش مشترك فى كده انه برده ماكنش مراقب اللى بيحصل

لازم كل واحد يا خد قراره وكمان سياسه العند حتوصلنا لطريق مسدود

كل البشر زائلون وتبقى مصر الى ان يامر الله بمساواه الارض بالسماء
ادعى الله ان يحفظها امنه الى هذا اليوم

وعذرا للاطاله

» ياترى انت بخير .......؟؟؟
» عيد ميلاد مين ياترى
» عيد ميلاد مين ياترى
» ياترى حرام ولا حلال ؟
» ياترى بتساعد والدتك فى البيت ولا لا

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

مظاهرة 25يناير ياترى مصر هتتغير