تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

✦ يعنى يبقى عندك ثلث آثار العالم فى مدينة واحدة بالأقصر و تلاقى دولة زى المغرب عدد السائحين فيها اكتر من عندك
✦ يعني تترشح في الانتخابات عن فئة (العمال) وتنجح فتعيش عيشة (الملوك)
✦ يعني الحكومة تمنع التدخين جوه القطار علشان تحافظ علي أرواح الناس .......... ويروح القطار بكل اللي فيه مخيش في قطار تاني.
✦
يعنى تبقى دول اللى مكانش حد يسمع عنها كلها نظام ونضافه------ويطلع رئيس
الوزراء يقول ان وجود الزبالة بالكثرة دي بيدل على الغنى الي عايش فيه
الشعب المصري

✦ يعني تبقي نسبة التحرش بالفتيات في الشارع المصري والمواصلات العامة اكتر من 80% .....والحكومة تطالب بخلع النقاب !!!!
✦يعني لما الشعب ما يلاقيش سكن ويروح يسكن في الجبل ويقع عليه يقولوا عشوائيات
✦يعني
لما الناس تتغرب ولما تيجي ترجع تركب عبارة تعدي بيها البحر والعبارة تغرق
وحوالي 1500 واحد يموتوا .... يطلع التحقيق انهم ماتوا بنزلة برد عشان لما
غرقوا ماكانوش عاملين حسابهم انهم حيغرقوا وماتقلوش هدومهم

✦يعني
مصانع الحديد كانت بتبيع الطن ب2000 جنية وييجي بقدرة قادر احمد عز محتكر
الحديد يبيعه ب8000 جنية ........ تيجي الحكومة تعمل له قانون تفصيل مخصوص
ليه عشان تحميه من بطش الناس

✦ يعنى لما وزير التربية والتعليم
المسئول عن تخريب الثانوية العامة وتعديلها اكتر من مرة خلال 4 سنوات
والغاء سنة 6 من الابتدائي .....
✦يعنى تروح مستشفى حكومى وتجيب كل
حاجة على حسابك(قطن وشاش وأدوية ) ناقص كمان دكاترة وممرضين ووزير المالية
وزوجة وزير الصحة بيتعالجوا بالملايين على نفقة الدولة
✦ يعني تبقي عندك بحرين و نيل قناة السويس و11 بحيره وبتستورد السمك من بره !
✦يعني يتحرق مجلس الشورى .... والشعب يدعي يارب النواب يكونوا جواه
✦يعنى
لما الاعلام الحكومي والخاص مش همه الشعب الي مش لاقي ياكل ولا يلبس ولا
يسكن وطبعا بدون عمل ...... وهمه كله يعرف مين قتل سوزان تميم والمحكمة
هتحكم بايه في قضية مرتضى منصور وشوبير !!!
✦ يعنى لما الدايرة الي فيها 2500 صوت ..... مرشح الحزب الوطني ياخد لواحده 13000 صوت
✦يعنى لما يكون المزارع مش عارف يزرع ارضه بالقمح علشان نحتاج لامريكا ------------ ولما يزرعه ياخدوه ارخص من المستورد 3 مرات
✦لما
يمنعونا من زراعة القطن الي بنتميز بيه وبعد كده يروحوا يبيعوا مصانع
الغزل والنسيج لمستثمرين يسرحوا العمالة ويقطعوا الشركات ويبيعوها اراضي
على النيل "

✦يعني كلنا خايفين علي مستقبل مصر واللي ماسكينها خايفين علي مستقبلهم هما"
✦لما
يكون الملاك فى الرحاب بتدفع 12 جنيه على المتر مسطح بدل فرق الصيانه
---------- يقوم الباشا هشام طلعت يدى سوزان 50 مليون من جيب ؟؟؟؟؟؟؟؟؟
✦يعنى
لما تكون اقصى سرعه للسيارة 20 كيلو فى الساعه علشان الطرق متنيله بستين
نيله والبلاعات طالعه فى وسط الشوارع واحيانا مفتوحه -------- يطلعوا لنا
بقانون حزام الامان وصندوق الطبى علشان
؟؟؟؟؟؟؟؟؟؟؟؟؟؟؟؟؟؟

✦لما يكون عندنا مجلس قومى للمرأة و اعلى معدلات طلاق فى الوطن العربى!!!!

✦ لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....
✦
لما وزير الاسكان يبيع ملايين الامتار ببلاش للمستثمرين مخالفة لقوانين
الدوله ------------ ويبيعوا لنا المتر ب 3000 جنيه فى القاهره الجديده و
لما وزير الاسكان يقول لو مخصصتش الآراضى للعائلة أمال هخصص لمين ,,,يبقى
اللى اختشوا ماتوا!!!! و لما بيصرفوا ملايين الجنيهات على المهرجانات و
المؤتمرات كل سنة و اول ما يحصل كارثة - كالزلزال او السيول – يقول للشعب
اتبرع للضحايا!!!!!

✦لما طلعت السادات قال بقين على الهوا تترفع
عنه الحصانة و يتسجن فى اقل من شهر... و ممدوح اسماعيل صاحب العبارة يسافر
من صالة كبار الزوار!!!!!

✦ يعنى تيجى تشترى شقه فى اسكان مبارك لمحدودى الدخل تحسبها تلاقيها واقفه عليك بسعر السوبر لوكس

✦ و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا ...وعجبي.

منقووووووووووووول

الدنيا باظت

وان شاء الله ربنا مش حيرضى بكده

ابتسم انت فى مصر
لا حول ولا قوة الا بالله
تقبلى مرورى

يبقى انت اكيد فى مصر

ههههههههههههههههه

تسلم ايدك ع الموضوع

الحمدلله على كل شئ كلها سلبيات موجوده
ولكن السؤال اين الحل

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

مفارقات عجيبة فمصر