تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

تذكير بمساهمة فاتح الموضوع :

السلام عليكم ورحمه الله وبركاته

اعضاء المنتدي الكرام

سوف ادخل في الموضوع مباشرة

وقد تكون فكره الموضوع واضحه من العنوان

وانه سوف يتم عمل نقاش اسبوع ثابت اي لمده اسبوع عن موضوع محدد

سوف اقوم بتحديد موضوع النقاش كل يوم جمعه ان شاء الله

حيث نقوم جميعا بالمناقشه لمده اسبوع عن هذا الموضوع

اي عضو لديه اي استفسارات اي معلومات عن الموضوع يطرحها علينا

ونقوم بالرد عليه ونستفيد جميعا حيث ستكون الموضوعات هامه من واقع حياتنا

ومجتمعنا واحداث جاريه سنتناولها ونناقشها بكل جديه

ويسمح للاعضاء المشاركه مرات عديده في الموضوع اي النقاش مفتوح

وذلك يحتاج من الاعضاء الاهتمام والعمل علي التطبيق

ولابد من وجود الرغبه والدافع للاستفاده والتعبير عن الاراء بجديه

وطرح المشاكل ومناقشتها والاعضاء تعطي الحلول

وذلك سوف يحقق لنا الاستفاده ان شاء الله

وسوف ابدأ من هذا الاسبوع ان شاء الله فانتظرو موضوع النقاش يوم الجمعه

واتمني مشاركتكم جميعا

واتمني ان تنال الفكره اعجابكم وتسعوا الي تنفيذها وتسارعوا في الاستفاده

شكرا لكم جميعا

اقتباس :: لازم يحس بقيمة الحياة

لازم يكون في حاجه يتعب عشانها

عشان يحس بطعم الحياة

والمسئوليه هي الطريق الوحيده اللي ممكن تغير شخص

من شخص لا قيمة له الي شخص يعتمد عليه ويستحق
الحياة

معاك أخى سيد تعرف اكتر شباب الا بتخرج بتشعر بملل والاحباط وان حياء ملهاش اى معنى
ويفضل يعيب فى الوزير وفى الزمن والدنيا ويقول مفيش لكن العيب بيكون فية
ان هو بيكون مكتوف الايدى مش عايزة يتحرك عايز الشغل ياتى لحد عنهم وهذا غلط

كلــــــــــــــــــــمة وحدة تغنى عن كل حاجة

الحيــــــــــــــــــــــــــــــــــــــــــــــــــــاء هى كــــــــــــــــــــــــــفاح

لذلك انا حزينة بجد على كل شخص يحس ان لة قيمة للحياة ولا قيمة لنفسة هو شخصياااااااا ولابيفكر ازاى ينحج ويتعد اى صعوبات

بشكرك جدا ملكة الاحزان علي مرورك وارائك الجميله

التي تحترم وردودك ذات القيمه وتدل علي اهتمامك ورغبتك في الاستفاده الكامله وافاده الاخرين

واتمني من باقي الاعضاء الحرص علي ذلك

وشكرا لمتابعتك واراءك الجميله للنقاشات

السلام عليكم ورحمة الله وبركاته

موعدنا الاسبوعي مع النقاش الجديد

وسوف نتكلم في هذا الاسبوع عن

الحريه

بكل معانيها

وانواعها

وحدودها

واهميتها

وايجابيتها

وسلبيتها

كل حاجه في الحريه

منتظر تفاعلكم وردوكم الجميله

الحريه بالنسبه ليا معناها ان كل واحد يعبر عن رايه من غير اى ضغوط ويقدر يتكلم براحته ويعبر عن اللى جواه ويحس انه ممكن يغير اللى حواليه للاحسن من غير ماحد يعاتبه وتحس انك مش مذلول لحد ومحدش بيتحكم فيك

انواعها حرية العقل وحرية التفكير وحرية القلب وحرية الراى

حدودها انك تكون حر بس من غير ماتاذى حد او تجرح حد

اهميتها انها ممكن تغير الاسوأ للاحسن

ايجابيتها انها بترتقى بمستوى الشعوب والامه واظن لو عندنا حريه بجد كان هيبقى حال بلدنا افضل من كده

سلبيتها انك ممكن ماتلاقيش قبول لكلامك وتحس انك غريب فى بلدك لو عبرت عن رايك واظن ان ده اللى واضح فى بلدنا

ده رايى مش عارف صح ولا غلط وفى الاول والاخر دى وجهة نظر مش اكتر

الحريه
الحريه هى الاحساس بانك مش خايف انك تقول كلمه او تتصرف تصرف او تلبس لبس معين الحريه هيا اقل حق لاى مواطن ف اى مكان على وجه الارض
بكل معانيها

الحريه هى انك تعمل اى حاجه بدون ماتحس ان عليك رقيب غير ربنا سبحانه وتعالى

بس المشكله بقى اننا فاهمين الحريه دلوقت غلط
وبتصرف بناءا على كدا

احنا دلوقت فاهمين الحريه على انها استقلاليه حتى عن الاهل
يعنى حر وموش عاوز اى حد يدخ ف حياتك سواء اب او ام او اخ او اخت او حتى صديق
هو بيدخل مش علشان يكبت حريتك

لا دا علشان ينصحك ويقولك ان اللى بتعمله دا مش صح

لكن الحريه دى مش موجده دلوقت خالص
حتى ف امريكا نفسها اللى احنا بنزعم انها ارض الحريه

لكنها نسبها تختلف من مكان لاخر ومن دوله لاخرى

اما حدودها
فهيا محدوده بطاعه الله وعدم معصيته وايضا بعرف وتقاليد المكان والبيئه التى يوجد بها من يمتلك هذا المسمى الذى يطلق عليه الحريه

وتسلم سيد باشا للموضوع الرائع دا

السلام عليكم ورحمة الله وبركاته

حمد الله علي السلامه

نورتوا المنتدي من جديد

عشان نرجع تاني معاكم ونتواصل

عشان نقاشنا الاسبوعي

اللي هيبدا ان شاء الله تاني

انتظروني بموضوع النقاش

منتظرين سيد

تقبل خالص التحيه

ومشكور لمجهوداتك

فى انتظارك سيد
تقبل مرورى

ان شاء الله يشهد تفاعل اكثر من السابق
بس بسرعه يا سيدو موش مهم من بدايه الاسبوع ممكن من دلوقتى

السلام عليكم ورحمة الله وبركاته

موضوعنا النقاشي لهذا الاسبوع هيكون ان شاء الله

عن التوكل والتواكل

اهمية التوكل علي الله والاعتماد عليه والعمل بالاسباب ولله الامر في النهاية

وخطورة التواكل والركود والادعاء بانك متوكل علي الله

اتمني ان نتناقش في هذا الموضوع جيدا

لاهميته القصوي ولانتشار التواكل في هذة الفتره

لكم المجال

اتفضلوا

موضوع جميل جدا ياسيد

التوكل على الله ده مش بالكلام

يعنى مثلا مش تقول توكلت على الله كلاما وخلاص

لا قولها بقلبك وحسها واعمل بيها

توكل على الله فى كل شئ

اعمل اللى عليك وربنا يوفقك اسعى واجتهد واجرى هنا وهناك

بس تعمل كل ده اونت قريب من ربك

ما انت لا تكون بتصلى ولا بتصوم وتقول انا متوكل على الله

طب ازاى يعنى

قرب من ربك واسعى واجتهد فى حياتك

وخللى عندك امل ان ربنا مش هايخذلك وهايحققلك كل اللى بتتمناه

هو ده التوكل على الله

واوعى تيأس من حاجه

لو يأست ايأس شويه صغيرين وارجع اتحدى نفسك تانى

انا حصل معايا موقف زى ده وصبرت 5 شهور

5 شهور كنت كل يوم بقول اللى عايزه ده مش هايتحقق وارجع اول لأ وقربت من ربنا اكتر واكتر

والحمد لله ربنا كرمنى

ارمى حمولك على الله وتوكل عليه بالقول والفعل

اولا يا سيد بحب احييك على هذا الموضوع المهم
التوكل على الله شئ فرض موش اى حاجه
فمن توكل على الله اعانه ومن توكل على غير الله خذله
يعنى ايه التوكل
التوكل هو ان تترك امورك كلها بيد الله وان تعلم ان من يتحكم بأمرك هو الواحد القهار
وان تعلم ان كل شئ مكتوب
ومن هنا ياتى اللغط بين التوكل والتواكل
فمن الناس من يقول كل شئ مكتوب يعنى مهما تعبت هاخد اللى كاتبهولى ربنا
لازم تعلم ايه الانسان ان فى امور مسيره وامور مخيره
يعنى موش ينفع تكفر بالله او تسرق وتقول والله ربنا كاتبلى كده
ينفع موش تذاكر وتسقط فى الامتحان وتقول والله ربنا هو اللى كاتبلى كده
واعلم ان على قدر المجهود يعطى الحق النتيجه

لى عوده بعد البحث والتداول عن التوكل والتواكل

جامد الموضوع ياسيد بجد

والتظاهر عماما بدون اظهار النيه بيكون عمل لا أجر له

او كانه لم يعمل

يبقى لازم النيه فى كل شىء والنيه لاتخرج غير من القلب

وانك تكون ناوى تتوكل على الله فعلا

فعلا احنا غفلنا عن شئ هو النيه
فعلا يا حودا النيه لازمه فى كل عمل لان النيه محلها القلب
يعنى لو توكلت على الله
هيساعدك
يعنى انت طالع من البيت وانت فى نيتك ان ربنا بس هو اللى هيساعدك
وهيضع الانسان فى مساعدتك لانك توكلت عليه ونويت على كده من البدايه

اولا طبعا قول رسولنا الكريم صلى الله عليه وسلم
عن عمر رضي الله عنه عن النبي صلى الله عليه وسلم قال‏:‏" لو أنكم توكلون على الله حق توكله لرزقكم كما يرزق الطير تغدو خماصا وتروح بطانا "رواه الإمام أحمد والترمذي والنسائي وابن ماجه وابن حبان والحاكم‏,‏ وقال الترمذي‏:‏ حسن صحيح‏.‏

خير دليل على التوكل ومفهومه الصحيح
وطبعا اكيد النيه وكينونتها هى المحرك لكونه توكل او تواكل
وطبعا بعد الكلام اللى اتقال دة كله من الناس المحترمة دى كلها
انا لا املك قول شئ
شكرا سيد ع النقاش الجميل
تقبل رايي ومرورى

اعضاؤنا الكرام انتظرونا مع الموضوع النقاشي القادم
ونظرا لغياب مشرف القسم وكاتب الموضوع
وانتد مان ويارب يرجعلنا بالسلامة
فسوف اضع الموضوع النقاشي ان شاء الله توكيلا من كاتب الموضوع
انتظروناااااااااا

اثبتى

هههههههههههههههههههههه

مستنيينك يابنت وطنى

تمام ياريس كوكى

منتظرينك وسيد يرجع بالسلامه ان شاء الله

بس انتم مضيتو التوكيل فى الشهر العقارى ولا لأ

هههههههههههههههه

ولازم يكون ختم المنتدى عليه اوك

منتظرينك ياقمر
وان شاء سيد يرجع بالسلامه
تقبلى مرورى وتحياتى

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

السلام عليكم ورحمة الله وبركاتة

طبتم جميعاً وطاب صباحكم/ مساؤكم

اعزائى
تمر علينا الايام ونسمع الاقاويل والمسميات والمصطلحات ولكن عند بعض منها نتوقف وياخذنا الحوار ويجذبنا الحديث ونتشارك الاراء
دعونا نأخذ احدى المصطلحات بل وانها احدى القضايا الاكثر من هامة ونضع تحتها

(احمر بالخط العريض)

فما اتحدث عنها اليوم هى قضية كثيرا ماشغلت اذهان الناس وتحدث عنها الكبير والصغير
وحركت الراى العام وليس ماضياً فقط ولكن حاضرً واعتقد مستقبلاً ايضاً
ليس لأى سبب الا لكونها من وجهة نظرى الاهم على الاطلاق فى الاونة الاخيرة منذ ان ظهرت وهى تشغل تفكيرنا او بتعبير ادق منذ ان علمنا بها...
لا اريد ان اطيل عليكم فما اتحدث عنها تتلخـص فى كلمة واحدة الا وهى

( التطبيــــــــــــــــــــــع)

عزيزى دع قلمك يكتب وبمنتهى الصراحة
- ماذا جال بخاطرك لاول وهلة عند قراءة تلك الكلمة؟؟؟؟؟؟
- وهل حقاً تعرف معناها الصحيح او حتى تعرف معناها واذاكنت واذا كنت تعلم فماهو تعريفك للتطبيع؟؟؟؟؟
- هل يمكن ان نكون مطبعين ؟؟؟؟؟؟
- أين ترى التطبيع فى حياتك او من حولك فى اى مجال سواء اكان سياسياً او اقتصادياً او فنياً اوحتى على المستوى الشخصى؟؟؟؟؟؟؟
تساؤلات وتساؤلات وتساؤلات تريد اجوبة وتفسيرات
اعزائـــــــــى ادعوكم جميعاً لطاولة الحوار كى نتناقش ونجاوب
على تلك التساؤلات التى طُرحت وعلى مايجول فى اذهاننا ايضاً فالنقاش مفتوح وايضاً التساؤلات

اشكركم جميعاً ............. واعتذر عن اطالتى

COOKY

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههه
ايه ياكوكى انا عندى عيال عايزه اربيهم

تسجيل حضور وليا عوده اقولك كل الى عندى
اكون فاضيه عشان اكتب براحتى
اصلى مش بخاف وقلمى جرئ
هههههههههههههههههههه

.

مصطلح
"التطبيع"
كما جرت
العادة من
استعماله في
الآونة
الأخيرة،
يحمل معاني
كثيرة متباينة
ومتشابكة،
واكتسب من
المدلولات
العاطفية ما
جعله يثير
الحساسية
بشكل يخلق
ضبابية حول
فهمه فهماً
دقيقاً،
وفهم المعاني
القريبة
منه، حتى
أصبح
المصطلح
متشابهاً في
استعمالاته،
وحاجباً
للمعنى
بدلاً من أن
يكون أداة
دقيقة
للتعبير عنه
بالنسبة
للعلاقات
بين الدول
العربية
وإسرائيل،
يعني
التطبيع
قيام هذه
الدول أو
مؤسساتها أو
أشخاصها في
تنفيذ
مشاريع
تعاونية
ومبادلات
تجارية واقتصادية،
في غياب
استتباب
السلام
العادل، وذلك
إخلالاً
بالموقف
السياسي
التاريخي لتلك
الدول
والقائل بأن
مقاطعة
الدول
العربية لإسرائيل
يجب أن تستمر
حتى يتحقق
ذلك السلام العادل،
بل وكوسيلة
ضغط لتحقيقه. والتطبيع
في هذه الحالة
أصبح يعني
ليس فقط
السماح
بتطوير علاقات
طبيعية بين
المعتدي
والمعتدَى
عليه في غياب
العدالة، أي
في وضع غير
طبيعي، بل
والسماح
أيضاً
بالأضرار في
تلك الأداة
التي هي إحدى أدوات
تحقيق تلك
العدالة
المنشودة

بصي يا كوكي انا اعرف ان التطبيع يعني العلاقات تبقي طبيعيه من غير حساسيات او عواقب
بس اول ما اسمع تطبيع بيجي في دماغي تطبيع العلاقات والتجاره مع اسرااااااااااااائيل

ورايي في التطبيع مع اسرائيل انا ارفضه تماماااااااااااااااااااااااا مش تحيز او تجمد افكار ابدا بس بصراحه عشان نطبع مع ناس يبقي كل طرف يقبل بشروط التاني يعني عايزين نطبع ونعيش في سلام وماله بس الاول هما يبداو بالسلام ويسيبوا الفلسطنين في حالهم ويوقفو المجازر البشريه ويمنعوا نفسهم من انتهاك ادميه الغير
بعدين دول مش بيحترموا القوانين الدوليه ولا الاتفاقات الدوليه وبيعملو ما يحلو لهم واخرها قافله الحريه يبقي اكيد مش هيحترمو تطبيع علاقات هينفذوا اللي يتماشي مع مصالحهم فقط

وبصراحه اكتر من غير حياديه كمان احنا بينا عدااااااااء وكره محدش يقدر ينكره او ينساه

هو يعنى ايه تطبيع اصلا

شوفتوا خيبتى

بس على حسب علمى وذكائى الخارق

ان يكون فيه تطبيع فى الحياة السياسيه والاقتصاديه والكلام ده كله اللى هايودينا فى داهيه

يعنى مثلا نشوف دوله بتعمل ايه فى حياتها الاقتصاديه ونعمل زيها ونعمل علاقات معاها ونبقى زيهم بمعنى اصح

والله بقى ده اللى انا اعرفه بس حاسس انه غلط

بس لو كان كده يعنى يبقى مفيش مشكله ان احنا نشوف دول ناجحه فى مجال ونحاول نتبع خطاها عشان نبقى زيها

وبقول دول ناجحه مش اسرائيل

وطالما حاجه هاتنفعنا يبقى مفيش مشكله

ولو كانت هاتنفعنا من اسرائيل يبقى تغور مش عايزينها العالم قدامنا فيه دول كتييييييييييييييير

مش هانيجى بقى ............... ياللا عشان الرقابه بس

معلش ياجماعه عايزين حد من الجماعه بتوع الاحزاب دول يدخل يفهمنا

بدل ما احنا عاملين كده وى طور الله فى برسيمه

اصلى مليش فى السياسه

بس بجد خيبه بالويبه لما محدش فينا يعرف يعنى ايه تطبيع

جيت تانى عشان اقول راى
ههههههههههههههههههههههههه
بصى ياكوكى انا كان اول مره اسمع عن التطبيع كان فى فيلم عادل امام
ههههههههههههههههههههههههههههههههه
مكنتش اعرف يعنى ايه تطبيع وبعد كده اعد بقى ادور عن الكلمه واعرف شويه من هنا وشويه من هنا
لحد ماعرفت شويه معلومات الى حد ما مفيده عن الكلمه دى
وايمان طبعا عرفت معنى التطبيع
اما بقى راى لتطبيع فانا ضد التطبيع لان التطبيع مع اسرائيل لو فكرنا فيها شويه حتلقيها نوع من الاستعمار المستقبلى لو ترجعى معايا بالزمن شويتين كده تلاته حتلاقى ان مصر استعمرت قبل كده بسبب الديون او بحجه الديون فلما تيجى حضرتك وتعملى علاقات تجاريه مع دوله اصلا عايزه تستعمرك وتستولى عليكى
يبقى اكيد فى حاجه غلط
اصلى انتى عارفه نفسك وعارفه ان انتى اصلا عليكى ديون وحتزودى ديونك كمان للدوله الى عايزاكى
يبقى ايه الى فاضل الى فاضل ان الدوله تدخل عشان تراقب التجاره عندنا وتاخد فلسها يعنى استعمار بس من تحت التربيزه
يعنى احنا الى بنلف الحبل حولين رقبتنا تانى ماحرمناش ولا اتعلمنا من الى حصلنا قبل كده
ده راى بصراحه
اوعى حد يفكر ان ليا فى السياسه
لا والله ماليا فيها
بس ساعات بفكر ازاى البلد دى تكبر وارجع واستغرب لامرنا احنا بجد ناس غريبه جدا بنحب نخنق نفسنا بنفسنا
تقبلى راى ياحبيبه قلبى ومرورى
واسفه على الاطاله

alia كتب:: ههههههههههههههههههههههههههههههههههههههه
ايه ياكوكى انا عندى عيال عايزه اربيهم

تسجيل حضور وليا عوده اقولك كل الى عندى
اكون فاضيه عشان اكتب براحتى
اصلى مش بخاف وقلمى جرئ
هههههههههههههههههههه

ههههههههههههههههههههه
ماشي ياعاليه منتظراكى ولا تقلقى هنربيهم فى السجن ان شاء الله
هههههههههههههههه
طيب هاتى قلمك وتعالى
منتظراكى

» جميل ان نناقش ولكن ماهو النقاش
» كيف تكسب النقاش لصالحك.. وتقنع الطرف الآخر برأيك ؟

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

النقاش الاسبوعي الساخن