تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

قرب يا أفندى .. قربى يا مزمزيل ..

بسم الله والصلاة والسلام على رسول الله ..

.,.,.,.

القاهره فى 1 / 1 / 2010 ..

.,.,.,.

أثناء البحث فى المدونات على حاجه تنفع تتلطش ..

عشان لازم أرجع موضوعاتى .. آه ..

مش مهم الكم ولكن أهم حاجه الكيف ..

والكيف ياسيدى .. بقى غالى قوى ..

لو عايز تعرف سعره دلوقتى ..

أنا كنت نزلت قائمة أسعار الحشيش فى مصر ..

حسب آخر مستجدات البورصه العالميه ..

والحمد لله الموضوع متحذفش ..

المهم لقيت الكلمتين دول .. وبجد عجبونى أوى ..

وكان لازم أبدأ كلامى بيهم ..

لأنهم فعلاً متناسبين مع الحدث اللى هنتكلم فيه دلوقتى ..

.,.,.,.

صلو علي رسول الله

الحركة دي في لندن .. بـ تلاتة استرليني ..

وفـ امريكا بـ خمسة دولار ..

ولجل الست ام هاشم .. ام العواجز .. بقت بربع جنية ..

علي راسها تنور .. علي بطنها تنور ..

علي لامؤاخذة صدرها برضك تنور ..

محمد نبى .. وموسي نبي .. وعيسي نبي ..

وكل من له نبي يصلي عليه

.,.,.,.

فاللهم صلِ وسلم وزد وبارك عليه وعلى رسلك الكرام ..

.,.,.,.

بعد كده ..
نتكلم بقى فى الحدث المهم ..

ألا وهو كلمة السيد الرئيس إلى الأمه ..

بمناسبة العامين الهجرى والميلادى الجديدين ..

كل عام وأنتم بخير بمناسبة هجرة المصطفى عليه الصلاة والسلام ..

.,.,.,.

المهم ياسيدى ..

مبارك فى كلمه إلى الأمه :

تدعيم الديمقراطية وإجراء انتخابات نزيهة هذا العام

نعم ياسيدى نعم ..

على أساس إن السنوات اللى فاتت الست نزيهه كانت بتعمل عمره ..

خلاص خلاص ..

فوت دى يابنى .. ربك حليم ستار ..

لأ إستنا .. أفوت إيه .. أصل كده الراجل ده بيقطع علينا ..

إزاى يعنى .. فهمنى وجهة نظرك ..

أقولك ياسيدى ..

صلى على اللى هيشفع فيك ..

دلوقتى إحنا .. إجتمعنا وقررنا إننا نزلين الإنتخابات السنادى ..

إحنا اللى هوا مين سيادتك ..

إحنا يعنى العائله الكريمه ..

وطبعاً الوليه نزيهه دى كل ما بتيجى عندنا الدايره ..

المرشح بتاعنا يسقط ..

وسيادته عمال يقول نزيهه ونظيفه ..

تقدر تقولى هننجح إزاى ..

طيب عديه دلوقتى .. ونشوف سيادته ..

.,.,.,.

تنفيذ برنامج طموح للتحديث وتوسيع قاعدة العدل الإجتماعى ..

طبعاً .. والدليل موجود ..

ده أكتر حاجه فى البلد دى العدل الإجتماعى ..

ياسبحان الله ..
.

.,.,.,.

مصر قادره على حماية أمنها القومى .. وتدافع عن قضايا المنطقه ..

طبعاً طبعاً .. فاكر أحداث أم درمان ..

أيون بتاعت لا مساس ..

وأمن المواطن من أمن الوطن ..

طيب خليك فاكرها بقى ..

بالنسبه لقضايا المنطقه ..

مصر تدافع عن فلسطين بالجدار الفولاذى ..

لكِ الله يا أولى القبلتين ..

لكِ الله ياثالث الحرمين ..

لكِ الله يامسرى رسول الله ..

.,.,.,.

أهم حاجه بقى فى الخطاب .. واللى بجد بتعجبنى أوى ..

أكتر من سندوتشات الكبده أم ميه خمسه وسبعين ساغ ..

بتاعت المدهش اللى عند كلية هندسه ..

حققنا معدلات نمو ..

وصف الرئيس العام المنصرف بأنه كان حافلاً وصعباً ..

فى ديه معاك حق .. قطر العياط .. الجزاير ..

إنفلونزا الخنازير .. إنفلونزا المعيز ..

بسبب إستمرار الأزمه العالميه التى ضربت الجميع ..

وشرح كيف تعاملت مصر مع هذه الأزمه العاتيه ..

معتمده على مواردها الذاتيه .. وإقتصادها المعزز بإصلاحات

وإجراءات مدروسه لتشجيع الإستثمار والصادرات ..

فنجت وحققت معدل نمو بلغ 3.7% ..

وتوقع أن يرتفع فى العام الجديد ..

الحمد لله إن ربنا قدر لى إنى أشوف اللحظه دى قبل ما أنام ..

معدل النمو تلاته وسبعه من عشره فى الميه ..

الله أكبر بسم الله بسم الله ..

إيه الحلاوه دى ..

بجد ده كتير أوى علينا ..

هههههههههههههههههههه

موضوع راااااااائع ياحمو

وبينقد فعلا كلام البيه الريس

شكرا لمجهوداتك والى الامام دائما
تقبل مرورى

تسلم ايديك حمو توبيك روعه
تقبل مرورى

شكرا علي مجهودك يا حمو

تسلم ايدك

بجد موضوع جميل

هههههههههههههه
تسلم حمو للموضوع الجميل ده
وهنسمع الكلام

تشرفت بمروركم جميعا

هههههههههههههههههه

تمام الله ينور

ههههههههههه

ههههههههههههههههههههههه
كلام مظبوط يا حمو والله
بس مش دا الخطاب بتاع السنة اللي فاتت واللي قبلها
هو مفيش تغيير خالص
وبعدين نزيهة ممنوعه من دخول مصر
[ندعوك للتسجيل في المنتدى أو التعريف بنفسك لمعاينة هذه الصورة]

ياااااااااااااه
من زمان اوي ما قريتش كلام زي ده لاني مكبر دماغي اوي
يمكن من اول السنة اللي فاتت
اصلي لازم اكبر دماغي
عشان لو ماكبرتش دماغي يبقى حاجة من اتنين
ينتحرك ايجابي و في الحالة دي حنتمسك
ياحنكتم في قلبنا و في البحالة دي هموت بالشلل
يبقى احسن حاجة
اكبر الجي و اليط الدي و ايكش تولع بجاز وسخ

تسلم للموضوع

هههههههههههههه
جميل ياحمو
بس لحد امتي الوضع هيفضل كدا
بلاش سلبيه يابو ساره
هههههههههه
لا للسلبيه

شكررا حمو
تقبل مروري

هههههههههههههه
اسالي الناس اللي تعرفني يا هند
و بعد ما تساليهم هتعرفي ليه انا لازم اكبر الجي و اليط ام الدي ع الاخر

صباحك سكر

أبو_سارة كتب:: هههههههههههههه
اسالي الناس اللي تعرفني يا هند
و بعد ما تساليهم هتعرفي ليه انا لازم اكبر الجي و اليط ام الدي ع الاخر

صباحك سكر

ت ايه
هههههههههههه
اسمها اظبط الدي

مهو مش لازم يعني نزودها
خير الامور الوسط

صباح الفل يابو ساره
منور والله

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

قرب يا افندي قربي ما مزمزيل