مايك المنتدى .........

بقى كده ياهيكا انت ويونس انا ادوشكم واصدعكم ماشى ماشى
شكرا نيرو والله انتى الى فيهم هههههههههههههه

اولا اعرفكم بنفسى
الاسم:عاليه
السن:ماشيه فى 18
من النوع الخاوف جدا بخاف حتى من خيالى ههههههههه بحافظ جدا على الصداقه ايه تانى هوياتى بحب الرسم جدا جدا وبحب قراءه الشعر والقصص
دخلت المنتدى عن طريق كنت بعمل searchعلى كليه التجاره قبل ما دخلها فلقيت المنتدى زدخلته واشتركت فيه طبعا مكنتش تعرف حد خالص ولسهمتعرفه على الاعضاء قريب بس على الرغم من كده حاسه انى اعرفهم من سنينواكتر الاشخاص الى حبتهم اول مدخلت روان وهمس وملك ونيرو وشيماء وايمان وكوكى وكل البنات القمرات الى هنا وكمان من الاولاد كلهم بصراحه
راى فى المنتدى اكيد عجبنى جدا ولولا كده لكان زمانى مكملتش فيه بس شكله حيضيعنى لانى بطلت مذكره وفاعده عليه طول النهار
معاكم حق دوشتكم وكتبت كتير
ثوانى وجايه اكمل على طول

مواقفى المحرجه يامه جدا بس طبعا مش ينفع احكيها كلها عشان محدش يتريق عليا بس حجبلكم شويه منهم
الموقف الاول
كنت فى اسكندريه ساعتها كنت فى اولى ثانوى وكنا فى الصيف والصيف يعنى لعب وميحلاش اللعب من غير الشايبو مقلكمش عليا فى الشايب كل مره قبل منلعب قعد اقول الى مش حينفذ حكم مش حيلعب معانا لمده اسبوع ويعتبر عيل وكنت بعمل فيهم عمايل وكل ده يطلع عليا فى الاخر لانى كنت بخسر دايما فى الاخرفحكموا عليا حكم لذيذ انى اوقف عربيه واشوف الرخصه وكنا حوالى الساعه 3 الفجر وعلى حظى لقيت عربيه جايه متفيمه مش عارفه اذا كان الى فيها بنت ولا ولد وبالصراحه كنت مرعوبه الاحد يهزئنى المهم قويت قلبى ووقفت العربيه بس الحمد لله طلعت بنت ووقفت وبتكلمنى وانا مبقتش عارفه اكلم اتحرجت جدا ببص ورايا ملقتش حد من العيال ومنهم اخويا بعنى فشرحتلها الموضوع وبصراحه ورتنى الرخصه وهما لما لقم مفيش تهزيء بدائم يظهروا وقعدنا نتكلم مع البت شويه بس كل مفتكر اقول ازاى اعمل كده

موقف تانى اختم بيه بقى
انا من النوع الى بحب اعمل مقالب جدا بس مبحيش حد يعمل فيل مقالب لانى بخاف جدا فكنا فى المصيف نزلت اشترى حاجات مع والدتى وخالتى واخويا وعيال خالتى قعدوا ومعرفش انهم بيدبرولى مقلب رجعت ومامتى قالتلى انهم حيجيبوا حاجات قلتلهم طيب انا حطلع وطلعت ومتاكده ان مفيش حد فى الشقه لانهم على البحرومتفقين انى حروحلهم دخلت وقفلت وبحط الحاجه وفاجئه لقيت صوت من ورايا وطبعا انا مرعوبه انى ابص ورايا وبقتش عارفه ابص ولا المهم ببص ولقيت وش مليان دم والدم بينزل وحد لبس عبايه سوده وانا اتثبت مكانى مش عارفه اتحرك او اكلم كل ماجى اتكلم او اصرخ صوتى مش بيطلع وبدا الشخص ده يقرب منى براحه وانا مبلمه مش عارفه اتحرك وبداءت اسمع صوت ضحك من الشباك وصوت حركه عرفت انه مقلب بس برده مقدرتش اتكلم لحد ما اخويا عطف عليا وفتح الشباك وطلع منه قعد فتره مش عارفه اكلم ولا اتحرك واول مافقت اتخنقت معاهم وبعدها صالحونى وعملت فيهم مقلب خد حقى منهم بيه
بس دى مى مواقفى
اما حكايه الصور فطبعا مش ينفع اما القصص فانا بحب اقراء القصص جدا واخر قصه قرتها كانت لشكسبير وهى ترويض الشرسه وبحب قرائه الشعر جدا

بس كده خلصت انا عارفه انى وجعت دمخكم طبعا بس ياله دا ميك مش اى حاجه فرصه ولازم استغلها هههههههههه

شكرا نيرو على مرورك
عايزه اكتر من كده ابه ابقى احكيلك لوحدك الى انتى عايزاه ههههههههههه
احلى حاجه المقالبه ههههههههههههههههههههههه

hika كتب:

بس حلوه حكاية الرخصه دى يا عاليه

افرضى بقى انه كان ولد كنتى هاتعملى ايه

وياسلام بقى لو كان طلع ظابط ولا حاجه كنتى هاتروحى فى الكازوزه على طول

ههههههههههههههه

بس يومين حلوين ياعاليه

والله انا لحد دلوقتى بقول ازاى نفذت الحكم ده بس الحمد لله انها بنت لكان زمانى اتهزئت ههههههههههههههههه
وشكرا هيكا لمرورك

أمير بكلمتى كتب:

ايه الروته دى يا عاليه


كده مينفعش خالص

كروته ايه بس يا امير عايز ايه اكتر من كده
شكرا امير لمرورك

[quote="younis"]
انا كروت انا
وشكرا بس مش برج مراقبه وكفايه بقى الكلمه ديه ههههههههههههههههههههههههه

NERO كتب:

يلا يا عاليه قولي


مين اللي حيمسك الميك بعدي

حاضر نيروووووووووووو

younis كتب:

يالا بقى


الاستيج فاااااااضى

لوكنت صبرت ثوانى كنت حتلاقيه

والله يا جماعة انا لا بحب الرغى ولا بحب اتكلم عن نفسى بس لولو حبية قلبى وعنيا ورطتنى بقى ومش اققدر ارفضلها طلب ونخش بقى على المفيد اعرفكم بنفسى انا ايمان من كفر الدوار وان شاء الله حكمل ال18 فى شهر6 بالنسبة للصداقة بحب اصدقائى قوى ودلوقتى اكتر صديقة قريبة من قلبى هى لولو وبالنسبة للخوف والحاجات دى مش بخاف بسهولة وصدامية قوى وعصبية جدا اما الهويات معنديش ساعات بغنى لما ببقى مع نفسى اما بالنسبة للمنتدى انا عرفته لوحدى ومكنتش اعرف غير عاليا وبعدين بقى عرفتهم كلهم وكلهم ناس محترمين جدا والبنات زى العثل وكلهم صحابى كوكى وملك وهمس ونيرو وشيمو ومنة وعيون وكلهم يعنى اما الولاد كلهم ومعلش حجيب سيرة فداء والفرعون الصغير بما انهم قدى يعنى اما راى فالمنتدى هو كويس قوى والحمد لله مضيعلى كل وقتى ودى اهم حاجة وكفاية كدة دلوقت

اما بالنسبة للمواقف حقول على موقف حصلى فالشات كنت لسة صاحية من النوم على الساعة 2 الصبح كدة وقمت عالشات عدل لاروحت يمين ولا روحت شمال وبعدين قعدت ساكتة شوية وبتفرج واول كلمة نطقتها ازيك يا عيون راح احمد الشيخ رد وقالى يا ايمان عيون مش هنا اصلا روحت مركزة شوية كدة وبعدين لقيت كلامه صح وبعدين عرفت انها تهيؤات المهم ان انا كان شكلى وحش بس قولتلهم معلش يا جماعة اصلى لسة صاحية من النوم وانا لما بصحى من النوم ببقى مهيسة شوية

اما بالنسبة للصور والحاجات دى مش ينفع طبعا وكفاية بقى لحد كدة انا خلصت اللى عندى مش حقدر اتكلم اكتر من كدة وبالله عليكم متقولوا بكروت عشان معنديش اكتر من اللى قولته واسيبكم بقى تردوا